Die Pfarrer von Eilsum, Uttum, Hinte, Uphusen, Larrelt und Campen bekunden, dass Bauern aus den genannten Dörfern an Imelo von Grimersum das eine der Burghäuser zu Uttum, das Redardsnahaus, verkauft haben.

Wy here Hayo to Edelsum, [*] here Abeko to Uttum, here Focko to Hynte, here Liudolfus[*] to Upphusum, here Bolo to Hlerlete, here Claus to Compum kerckheren doen witlich unde kundich al den ghenen, de dissen breff seen ofte horen lesen, dat wy daer an unde over wesen hebben, dat Theryngh Gheltytsna eyn buer to Edelsum, Hero Widzaldsna eyn buer to Osterhusum, Bolko Pybana unde Remed syn broder bure to Uphusum, Tammo Remedsna eyn buer to Hlerlete, Folrick Eredsna eyn buer to Compum hebben verkofft Imelen hofftlinge to Grymessum myt guden mode unde myt vryen willen Redardsna halve[*] hues unde borch to Uttum[*] myt werven, sette, [*] tune, [*] rechte unde herlicheit; welkere huese unde borch etc. de vorgenomede Imelo den vorgenomeden luden hefft vollenkomen unde wal betalet vor uns kerckheren vorgenomed, also dat de vorgenomeden lude unde ere rechte erven unde nakomelynge nummermer ansprake daer an hebben solen. In orkunde disser waerheit so hebben wy kerckheren vorbenomed unse ingheseghel doen hangen an dissen breeff etc. Ghescreven int jaer unses Heren dusent veerhundert vyfunde twyntich, ipso die exaltacionis[*] sancte Crucis.

x

x

Fonds	Ostfriesisches Urkundenbuch, I
Fol.nr.	S. 297
Nr	334
Olim	Nach dem Orig. im Besitze der Gesellschaft für bildende Kunst etc. zu Emden.
Jaar	1425
Datumcode	ExaCru

x

x

Commentaar	Von den meisten Siegeln sind nur kleine Fragmente erhalten, welche Nichts mehr erkennen lassen, nur No. 4 zeigt noch ziemlich unverstümmelt eine Lilie (Gleve) und von der Umschrift: S. Liudolfi ....., No. 5 ein Lamm und S. domini ....., No. 6 Reste von der Figur eines Heiligen.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 334