| Nummer:oub0327 | Datum:19. Nov. 1424 | Overlevering:Editie | Vindplaats:Ostfriesisches Urkundenbuch, I, S. 292, nr. 327 |
Ochs tom Brok schreibt an Bremen wegen des ihm überantworteten Thurms zu Golzwarden und der Aufrechterhaltung des Oldenburger Vertrages.
Den erbaren vromen vorsichtegen luden borgermeysteren ende raede to Bremen mynen sunderlinx guden vrenden gescreven.
Vrenschop ende mynne myt begeringe alles gudis tovoren. Erbaren gude vrende, ja sy noechlik to wethen, wo ik by my hebbe had Geldrike, hern Almers sustersonen, um den thorn to Golswerde[*] my to antwerden ende daer mede to doende also dat besoend is, daer de irgenante Geldrik my synen loven up daen hefft, he wylle dem also volchachtich wezen also vro, dat yt to wedersdagen kome, ende so wanneer ik de myne vrunt daer sende ende wil doen wath my ende ja leff ys, ende wil sik tegens de sone noch tegens myn bod nergen seifen, ende wil deme copmanne gunstich ende vorderchlik wezen, woer he mach ende kan, ende dath yt duslange vorby gaen hefft, dat hebbe by synen schulden nycht to komen, also gy oek wol merken mogen, woerumme, gude vrunde, ik van ju begere myt ganser andacht, da gi al dyngk in guden bystande myt Geldrike ende myt den aermen landeke dein Stade[*] blyven laten unbeschedeget noch mit rade off dade benth to wedersdagen, so wil ik my in dessen vorscreven saken also loeffliken bewyzen, dat ik der sone jo voldoen wil, anders wee do wo hee wille, ende so wanneer ik dess tegens wedersdagen beginnen mach, dat wil ik juwer leeffde veerteyn dagen tovoren doen to wethen, in wath mathe gi de juwe daer den mynen to mothe schicken sollen. Hirmede Gode bevalen, ende mi juwen guden willen by juwen egenen boden wedder to scriven; under mynen secrete up sunte Elsebe doch gescreven.
Ocko to Broke, Auwerke ende Emden etc., hoffling in Ostvreeslande juwe vrunt.
Vrenschop ende mynne myt begeringe alles gudis tovoren. Erbaren gude vrende, ja sy noechlik to wethen, wo ik by my hebbe had Geldrike, hern Almers sustersonen, um den thorn to Golswerde[*] my to antwerden ende daer mede to doende also dat besoend is, daer de irgenante Geldrik my synen loven up daen hefft, he wylle dem also volchachtich wezen also vro, dat yt to wedersdagen kome, ende so wanneer ik de myne vrunt daer sende ende wil doen wath my ende ja leff ys, ende wil sik tegens de sone noch tegens myn bod nergen seifen, ende wil deme copmanne gunstich ende vorderchlik wezen, woer he mach ende kan, ende dath yt duslange vorby gaen hefft, dat hebbe by synen schulden nycht to komen, also gy oek wol merken mogen, woerumme, gude vrunde, ik van ju begere myt ganser andacht, da gi al dyngk in guden bystande myt Geldrike ende myt den aermen landeke dein Stade[*] blyven laten unbeschedeget noch mit rade off dade benth to wedersdagen, so wil ik my in dessen vorscreven saken also loeffliken bewyzen, dat ik der sone jo voldoen wil, anders wee do wo hee wille, ende so wanneer ik dess tegens wedersdagen beginnen mach, dat wil ik juwer leeffde veerteyn dagen tovoren doen to wethen, in wath mathe gi de juwe daer den mynen to mothe schicken sollen. Hirmede Gode bevalen, ende mi juwen guden willen by juwen egenen boden wedder to scriven; under mynen secrete up sunte Elsebe doch gescreven.
Ocko to Broke, Auwerke ende Emden etc., hoffling in Ostvreeslande juwe vrunt.
