| Nummer:oub0304 | Datum:Frühjahr 1422 | Overlevering:Editie | Vindplaats:Ostfriesisches Urkundenbuch, I, S. 272, nr. 304 |
Der Kaplan Almer, abgesandt von Ocko tom Brok, wirbt von Hamburg aus bei der Stadt Bremen um Beistand für Ocko.
Den vromen erbaren wizen luden borgermeysteren ende rade to Bremen vruntlike screven.
Denst ende wess ik ju to willen vormach. Eerbaren heren, wethet dat ik to Hamborch van myns leven juncker Ocken wegen byn umme wedderhulpe ende troest em to doende, also he ende syn vader guder dechtnisse den steden in vortyden gedaen hedden; daer my doch nyn standachtich antwerde up gedaen is, daer ik my to vorlaten mach van den raetheren van Lubek ende Hamborch; doch ist al den copmanne gemeenliken leeth, joff se mynen junchern nycht bystendich solden wezen. Oek so vorneme ik wol, dat see nynen groten willen daer to hebben, dat gi ende myn juncher ju so vruntlike voreneget hebben ende se dat oek hinderen ende bestoppen[*] verborgener wize wor se mogen, dat gi ende myn juncher also ik vornemen mach nyne voertkumpst hebben up juwe vyande, also gi undertusken sint vordragen, wal it em off God wil to nynen baten[*] komen mach ende ju ende mynen juncher to nynen hindere, van welken saken ik schildissoerde muntlike bevelinge mede daen hebbe ende oek van anderen saken, de ik ju nycht scriven mach, ende bidde my myt der haest wedder to te scriven, wo ende wath her Vasmer ende Johan Meylaen myt[*] mynen juncher up dessen dage hebben besloten ende wo ik myne dingk na juwen gudduncken ancliven solle up myne bevelinge, de ik em mede daen hebbe; oek scrivet my alle legelicheyt van mynen juncher ende Focken, ende hebbet gude nacht. Under mynen signeten.
Her Almer juwe capellaen.
Denst ende wess ik ju to willen vormach. Eerbaren heren, wethet dat ik to Hamborch van myns leven juncker Ocken wegen byn umme wedderhulpe ende troest em to doende, also he ende syn vader guder dechtnisse den steden in vortyden gedaen hedden; daer my doch nyn standachtich antwerde up gedaen is, daer ik my to vorlaten mach van den raetheren van Lubek ende Hamborch; doch ist al den copmanne gemeenliken leeth, joff se mynen junchern nycht bystendich solden wezen. Oek so vorneme ik wol, dat see nynen groten willen daer to hebben, dat gi ende myn juncher ju so vruntlike voreneget hebben ende se dat oek hinderen ende bestoppen[*] verborgener wize wor se mogen, dat gi ende myn juncher also ik vornemen mach nyne voertkumpst hebben up juwe vyande, also gi undertusken sint vordragen, wal it em off God wil to nynen baten[*] komen mach ende ju ende mynen juncher to nynen hindere, van welken saken ik schildissoerde muntlike bevelinge mede daen hebbe ende oek van anderen saken, de ik ju nycht scriven mach, ende bidde my myt der haest wedder to te scriven, wo ende wath her Vasmer ende Johan Meylaen myt[*] mynen juncher up dessen dage hebben besloten ende wo ik myne dingk na juwen gudduncken ancliven solle up myne bevelinge, de ik em mede daen hebbe; oek scrivet my alle legelicheyt van mynen juncher ende Focken, ende hebbet gude nacht. Under mynen signeten.
Her Almer juwe capellaen.
