Ocko tom Brok, Sibet von Rhstringen und der Magistrat von Groningen gewähren den Abgesandten des Herzogs Johann von Baiern freies Geleit zum Friedenskongress nach Greetsiel.

Wy Ocko to Broke, Aureke ende Emden enz., hovetling ins Oestvriesland, Sybet hovetling in Rusteringhen, borghemiesteren ende raet der stad van Groninghen eirkennen unde betughen in dessen openen breve, dat wy hebben ghegheven ende ghevet eyn stede, vast, seker gheleyde unde velicheit alle den ghenen, de de hochgheborne dorchluchtede vorste hertoghe Johan von Beygern enz. versendende wert van ryddern ende van knechten unde andern eren vrunden de unsre vrend in der Greet[*] in Emssgheland in ere schepe synd untfanghene unde velich myd eren schepen weder upp de voirscreve stede to bringhene to dusent personen offte bynnen, sunder behindernisse unser, unser undersaten unde alle der ghener, de umme unsen willen doen off laten willen. Wellik gheleyde angaende ys uppe den dach Petri et Pauli apostolorum naestkomende, unde sal durende wesen to sinte Peters daghe ad vincula dar nyest komende ende den dach al. Were ok sake, dat de ghene, de van des hochghebornen vorsten weghen vorscreven dyt gheleyde synd brukene, zolden van waters offte van weders node offte van jenigherhande hindernisse ander havenen soken in Oestvriesland, dat zee dan zolen velighet[*] wesen lykerwys, offt zee quemen an de Greet vorscreven, alle arghelist unde nyge behoude in toghe utghesproken. Des wy to orkunde guder tuchnisse unse seghele beneden an dat spatium dusses breves hebbe ghedrukt heten. Datum anno Domini M^o CCCC^o XXI^o, feria quinta post festum nativitatis Johannis baptiste.

x

x

Fonds	Ostfriesisches Urkundenbuch, I
Fol.nr.	S. 255
Nr	296
Olim	Gedr. v. Mieris a. a. O. IV, S. 587.
Jaar	1421
Datumcode	JpNatJoh

x

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 296