Urkunde, worin die Grenze zwischen dem Reiderland und Oldamt, sowie zwischen den Bisthümern Münster und Osnabrück bestimmt wird, und Verfügungen wegen des Oeffnens und Schliessens der Schleusen und Wasserzüge getroffen werden.

Dyt in ... und recht des gantzen landenn, dat plege to wesen in den Oldenampten by Woldato (sic) den gantzen landen beste und dat van waters noden und alman dat stedelick und vast sall holdenn, ellick in sin cluofft offt in sin recht als dat hort. Item in dat erste dat de Fimel Ee sall to slagen wesen up sunte Peters avent in der vasten ind sall weder up dain wesen up alle Gades hilligen .avent, oick also wall sall to slagen wesen alle olde tiammingen offte wateringe als hirna beschreven steit, und in den Oldeampten all umb belegen sint by Wolden. Item de Sipe also gebeten de gelegen is truoschen der Ee und Schemde, und dat convent to Hilligerle und oick eyn schedinge is der beider stichten van Munster und van Osenbrugge, dat tuoschen den Oldenampte und Reiderlandt is gelegen, de is oick er water utdragenn an den Nyensloet ofte Monckensloet so geheten und gainde is in Reiderlant und van dat convent to Hilligerle daellopen is an den Santwech. Item de vorscr. Sipe sall to slagen wesen up dren steden up sunte Peters avent und sall weder up dain wesen up sunt Michaelis avent. Item oick ander cleine revernen de mogen waternen oick in den Niensloet offt Monckesloet also geheten, ellick nha horen loep datze nement gein schaden. Item Neysloet de van dat convent to Hilligerle dael graven is dair dat convent landt van bieden ziden an den Sandwech und des conventz watertocht is, und in Reiderlandt gelegen is, wente dat convent to Hilligerle gansslichen alhiel gelegen is in Reiderlandt vorschreven. Item so sall de vorscr. sloet oick to slagen wesen up sunt Peters avent und sall wesen up dain wesen up sunt Michaelis avent. Item dese vorscr. revernen als de Sipe und de Neysloet und oick ander clene revernen vorscr., de sullen oer water tosamen uit dragen an den siell, de dair geit doer den Sandwech und vort an Addensloet. Item de siell de dair geit doer den Sandwech, de sall wesen van waterloep twe voete wyet und twe hoich. Item de Sandwech is utgainde van der Exte van den Wege de doer de Exte geit vort nha der gast tho Westerle, und vort an beneden der gast na de Meeden. Item Addesloet licht by der westerzidt des Sandweges aldernaest und entphanget de wateringe de doer den Sandwech doir den ziell in lopen uten. Nyensloet und van der Sipe vorscr. is comen, und vorscr. sloet is vort an watern an de Suidtwendinge, is vort an water an de Ee na Bruick und de Ee is vort an waternen na den Swaich, und vort an to den siell to Munte de alle Oldeampten waternen utdragen. Item de Letze oifft de Sipe also geheten, de gelegen is tusschen Meden und Westerle und oick eyn schedinge tusschen beide stichten offt landen als vorscr. is, de sall oick to slagen wesen up sunt Peters avent und sall weder op dain wesen up sunt Martens avent, und de vorscr. Letze offt Sipe also geheten, sall oer water utdragen inde de Sydtwendinge, in Reneke Grupe by Meden kerckhave, de sall stedelich to slagen wesen tusschen sunt Peters dage und sunt Martens dage, und de hoge dam sall oick to slagen wesen als vorscr. is, dat nement gein schade en sche. Item alle feen de upte Meden is de sall beslagen wesen, dat dair gein schade van came. Item oick alle dat feen om dat cloester to Hilligerle licht. Item de Sipe offte dat rever, dat gelegen is tusschen Meden und Broick offt Muontendam sall oick to slagen wesen als vorscr. is. Item Muontendam ind alle ander watertochten de sint tusschen Muontendant und Bruck, de van oldes plegenn to wesen de sall men to slaen, dat daer gein schaden van en sche. Item de brugge to Bruck, de sal men altidt heel holden sunder schaden, also wall sullen de Exter buren de Sudtwendinge to holden heel, dat den gantzen landen gein schaden en daer van kame dachlix; de Ee dyck sall allemann syn heel holden buten schaden alle umme in den Swage, also woll sullen Scheemder und Midwolder und Oistwolder buren den Falcker dam wol to slain, dat nement gein schade en sche und alman syn sile to holden so vast so starck, dat dair nement gein schade en sche. Item so plegen dair to wesen twe sile in der Exter hamrick doer den Eedyck in de Ee, de heet Tiartzaziell, de heet Ubbinga ziell und elck sall wesen viff rothe wyt. Item de Tiamme de utgainde vor by Reiderwolde by Twiddingaborch tusschen Megham und Wiveldaham und doir Dorpsen, vortan uplopende vorby sunte Niclaes kercke van Oistfinserwolda und vortan tusschen Finserwolda und de Beerte und dan vortan und vorup in dat zuden und doer dat gantze meir jede Zipen, de gelegen is tusschen der Exte und Scheemde und Hilligerle als vorscr. is. De vorscr. Tiamme is ewich und wairachtige schedinge tusschen Reiderlandt und Oldenampten offt der beiden stichten. Item vorscr. puncten sinnen behoeff to holden an beiden ziden der landen offt der beider stichten vorscr., offte dat landt by Wolden in syn staet staen, sall und mit guden luden hulpe alle des abbates to Grisemuncken, Menno Houwerda, capitaill thor Munten und oick ander guder lude hulpe, wente behoeff is dat beste luden des landes dat beste an sein. (sic)
Acta et facta hec anno, indictione, mense, pontificatu quibus supra, in presencia discretorum virorum hic postea nominatorum, positorum, ad hoc vocatorum et rogatorum plurimorum aliorum, Eggo Addinga in Westerwolda, Gata Nommka in Bunda, Winecke in Ockoweir, Campo in Berum, Wyawert Hayens in Ulsda, terra Reidensi capitanei, Elt Gockinga in Zuetbruick capitaill, Duert Zebinga in Midwolda, Hemmo Hunninga in Oestwolda, Sebo Emmens in Midwolda, [*] Elcko Tamminga in Scheemde, Tiacka Tiddinga in Ext.

x

x

Fonds	Ostfriesisches Urkundenbuch, I
Fol.nr.	S. 230
Nr	270

x

x

Materiaal	papier