| Nummer:oub0253 | Datum:16. Aug. 1417 | Overlevering:Editie | Vindplaats:Ostfriesisches Urkundenbuch, I, S. 207, nr. 253 |
Ocko tom Brok erneuert das von seinem Vater mit der Stadt Groningen am 21. October 1415 ab eschlossene Bündniss. Transfix zu oub0249.
Ik Ocke Kenesna to Broeck, Awerck ende Emeden, hoeffling in Oestvreeslant, do kundich allen luden mit desen openen breve, dat ic hebbe bevestiget ende beveste tegenwordich in desen selven breve ende transfixe alle lofften, punten ende vorwarden, de myn vader Kene, den God genedich sy, besegelt hevet mit sinen segele der stad van Groninge, Hunsege ende Fivelgelanden, ende love em de mit lyve ende mit guede stede ende vast to holdene in allen maneren, als de brieff inholdet daer dese brieff doerghetogen is, voer my, voer myne vrent ende onderzaten, ende voer alle de ghene, de om mynen willen doen ende laten willen. Ende weert, dat yenich van desen vorscreven landen, als Hunsege ende Fivelge were, de dese punten, loffte ende vorwarde niet mede besegelen ende bevestigen en wolden na inlsolt des principaels breeffs, daer dese doer ghetogen is, so love wy Ocko vorschreven der stad van Groningen, dat wy em behulplic zullen wesen mit onse macht, dese vorschreven lande daerto te brengene, dat se dese vorscreven punte, hofften ende vorwarde mede zullen besegelen ende bevestigen. Ende opdat dese vorscreven puste, loffte ende vorwarde te vaster ende truweliker gheholden worden, so heb ic Ocko vorschreven ghebeden frou Folkelt mynre oldermoder, Focke Ukens, Wybet van Stedesdorpe, [*] Enne, voget to Awerke, Haren von Hinte, Ymele van Grymessum ende Ocken van Loquert, myne voerstanders, dese loffte, punte ende vorwarde vorscreven mede voer my to lovene mit hande ende mit monde stede ende vast to holdene. Ende wy Folkelt, Focke, Wibet, Enno, Haro, Ymelo ende Ocko vorscreven hebben dese vorschreven punte, loffte ende vorwarde ghelovet mit hande ende mit monde mit junker Ocken vorschreven stede ende vast to holdene mit lyve ende mit guede na al onsen vermogen sunder argelist. In een orkunde van desen besegelt mit mynen segel. Gegeven in den jaer ons Heren dusent vierhondert ende soventiene, des anderen dage na onser Vrouwen dage assumptionis.[*]
