Propst Hisko von Emden und Andere bekunden, dass Theda Rembodisna einen Theil ihres Hauses verkauft und sich später eine Leibzucht darin ausbedungen habe, wie auch dass Hisko dereinst ihre Leiche zu bestatten sich verpflichte.
Wy Hysseko provest unde hoeftling, hern Ulboed vicedecanus, hern Hylmer vicarius to Emeden doen wyttlic allen guoeden luden, dat Thede Rembodisna vorkofte Enno Hayo Wynkana en verdendel in eren huze myt der stede de dar to hoert, alle vor veer styghe nyer gulden; he talet teyn gulden; darna dess zulven jares bereet zyk Thede vorscr., dat it nutter were unde beter, dat se ere wysse[*] lyfftuoch hadde, dewyle dat se Got wuolde leven laten, unde droech Ennen eren susterzoen dat veerdendel huzes upp to eweghen tyden myt zyn tobehoer in aldusdanegher wyze, dat Enno vorscr. zall Theden vorscr. voeden[*] unde cleden all ere daghe, [*] de ze hiir upp erttrike leven mach. Item zoe zal ic Theden vorscr. in der kerken beghaen man dat se to Gode vart. To tughe der waerheyd all desser vorscr. vorworde, zoe hebben wy vorscr. unze inghezegel beneden an dessen breff ghehanghen, int jar unzes Heren MoCCCCo unde neghen, in den hilghen daghen to Pynxsteren.
x
| Edities |
E. Friedländer, Ostfriesisches Urkundenbuch I (Emden 1878), nr. 220 |
