Propst Hisko von Emden macht die Burg zu Emden dem Bischof von Münster zum offenen Hause und bittet um dessen Intervention bei Keno für den gefangenen Aild von Osterhusen und den jungen Aild.

An den erwerdighen hoechgeboernen vorsten Otten byschop to Munster mynen leeven ghenedighen heren kome desser breff myt groter reverencien.
Mynen willighen deenst tovorn. Leve ghenedighe here, ju ghenoghe te weten, dat ic juwe zendeboden well vorstaen hebbe, warvan ic juwer erbarheyd weten late, dat Emede zal juwe open slot wezen, juwe vyende dar ut to krencken war unde waer dat gy des[*] to doende hebben, unde dat gy uns in juwe beschermynghe unde zekerheyd willen nemen; des will ic unde all de ghene dar ic mechtich byn ofte werden mach by juwer hulpe ju gheven over dat hus enen korten groten unde over de koe enen korten groten, dewyle dat gy en here to Munster zynd. Item zoe bydde ic ju degher, dat gy wyllen scryven vor Aylde to Osterhuzen unde zynen vrend, junghe Aylde, dat Kene ze unvorderuz late wezen, went ic hebbe anxt dat he se beyde van den lyve doe. Got sy myt ju. Juwes gueden antwerdes bidde ic. Screven under myn segel upp des hilghen Crucis dach anno presenti.
Hysseko provest unde hoeftlingh to Emeden, juwe deenre unde vrend.

x

x

Fonds	Ostfriesisches Urkundenbuch, I
Fol.nr.	S. 185
Nr	219
Olim	Nach dem Orig. im Königl. Staatsarchive zu Münster: Fr. Münster Urk. Nr. 1270 I.
Jaar	1409
Datumcode	InvCru

x

x

Commentaar	Das Siegel ist abgebröckelt.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 219