| Nummer:oub0210 | Datum:5. Mai 1408 | Overlevering:Editie | Vindplaats:Ostfriesisches Urkundenbuch, I, S. 174, nr. 210 |
Die Emsgauer schliessen zu Groothusen einen Bund zur Aufrechterhaltung des Friedens, Unterstützung der Einigkeit unter den sieben Landen u. o. w.
Dyt sint de puonte unde dat vorbunt dat wy Emsgher unde mene mente in Emsgher lande hebben ghemaket to Husuem de saterdaghes na Meye um rueste, vrede unde endrachticheyd des menen landes. Int erste dat dar nene lude ut Emsgherlande scholen daghe holden in ander, it se myt rade unde myt vuolborde des menen landes. Item wert sake, dat dar jennich lant gan wolde van den vorbode der 7 lande in een vorbuent myt utlandeschen heren, der anderen 7 lande vorbunt unde vrigheyt to krenken, dat wy mynen Emsghen den anderen landen helpen to keren myt live[*] unde myt ghuede. Item offte utlandesche heren wolden jennych lant vorheren myt macht by Osten efte by Westen, to water edder to lande, dat scholde wy keren myt sameder hant, myt live unde myt ghude. Item weret sake, dat der stede sendebode nuo to der tiid to Emeden wolde schaden in live unde in ghude de ghennen, de de mede[*] vor Emeden hebben ghewesen ut Emsgherlande, dat wolde wy alle menlyken keren. Item weret sake, dat dar jennych hoftlink in Emesgherlande myt welde unde boven recht wolde overvallen jeneghen manne, dat wolde wy samentlyken keren myt lyve unde myt ghude. Item wylle wy meene menheyt in Emsgherlande helpen to holden unde sterken myt live unde myt ghude alle de unte unde vorbunde, dat de seeven lande vorbunden hebben to Laghe in Mormerlande.[*]
