Der Pastor von Grimersum, Tyark, bekundet den Verkauf von einem Gras in den Langen Aeckern an den Häuptling Aylt Beninga von Grimersum.

Wytlick unde kundich syt allen den ghenen, de dessen breff zen offte horn lesen, wo vor my her Thyarck kerckhere tho Grimissum[*] is gkomen, lbo unde Ade syn huesfrouwe, myn kerspellude, unde Reynd Hyssena tho Hamme[*] unde stavedes edes[*] bekand, datze hebben verkofft vryes kopes Aylt Benighna hofftlingh tho Grimissum 1 gras tyllandes[*] gheleghen yn den langhe eckeren, dar Mamme Popena by der Wester zyde an licht, als vor 16 Rinsche goldene, dat de erste peningh mit den lesten wol ys betald. Darumme schelde wy Aylt Benighna dyt vorscr. lant vry unde quyt vor al ansprake, so dat he dat erffve verkopen, versetten, verweslen na zynen willen vor uns unde unse erffghenamen zuder alle arghelist unde nye funde[*] utghesecht. So hebben wy ghebeden unsen vorscr. kerckheren over uns tho bezeghelen, ende ick her Tyarck umme bede wyllen dusser. vorscr. lude myn inghezeghel beneden an dussen breff don ghehangen.
Ghescreven int iar unses Heren duzent CCCC, up zunte Crispinis et Crispinianis dach der hilghen martelers.

x

x

Fonds	Ostfriesisches Urkundenbuch, I
Fol.nr.	S. 151
Nr	177
Olim	Nach dem Orig. im Besitze der Gesellschaft für bild. Kunst u. vaterl. Alterth. zu Emden: Grimers. Archiv U. Nr. 5.
Jaar	1400
Datumcode	Crispi

x

x

x

Commentaar	Das Siegel ist verloren.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 177