Der Münstersche Official Conrad von Westerhem transsumirt die ihm vom Cisterzienserkloster Ihlo vorgelegten Päpstlichen Privilegien vom 4. Februar 1351 und 21. Mai 1353 für den Cisterzienser Orden.

In nomine Domini. Amen. Conradus de Westerhem officialis curie Monasteriensis universis Christi fidelibus presentes literas inspecturis facimus manifestum per easdem publice protestando, quapropter hoc nostra[*] in figura iudicii necnon tabellionis et testium infrascriptorum presentia personaliter constitutus religiosus vir dominus Nycolaus abbas claustri in Schola Dei alias vulgariter dicti Yle, terre Frisie, Bremensis dyocesis, ordinis Cysterciensis ac personarum suorum conventualium ceterorumque aliorum dilectorum in Christo filiorum abbatum et dilectarum filiarum abbatissarum monasteriorum et conventuum, singularumque personarum eiusdem ordinis Cysterciensis in terra Frisie ubilibet existentium nomine eduxit, exhibuit et tradidit nobis quasdam literas apostolicas more Romane curie bulla plumbea cum filo canapis integre bullatas, sanas et integras ac omni vitio et suspicione carentes prout prima facie videbantur, supplicans humiliter, quatenus, cum ipsi et eorum nuncii dictas literas propter viarum pericula seu discrimina in locis, in quibus illis opus est deferre non auderent neque possent, literas easdem transscribi et exemplari faceremus ipsarumque transsumto seu exemplo decretum nostrum seu auctoritatem nostram ordinariam interponeremus et eandem fidem credulam veluti dictis originalibus literis adhibendam esse decerneremus. Non autem ipsius supplicationibus tamquam iustis et rationabilibus favorabiliter annuentes dictas literas cum ea reverentia, qua decuit, recepimus ac ipsas et earum bullam atque signa literis apostolicis apponi solita inspeximus diligenter. Compertoque quod ipse litere omni vicio et suspicione carebant et more Romane curie confecte bullaque vera bullate fuerant et erant, easdem transcribendas et exemplandas commisimus notario publico subseripto. Qui quidem notarius huiusmodi receptis literis de mandato nostro dictas literas fideliter fecit exemplando (sic) ipsarum tenorem praesentibus inserens, qui noscitur esse talis: [---]
[VOLGT oub0145a]
[---]
Ipsis igitur litteris transscriptis et exemplatis ut prefertur presentique transsumto nobis per eundem notarium reportato sive relato de ipso transsumpto ad dictas originales litteras collationem cum eodem notario fecimus diligentem, et ipsum cum eisdem diligenter auscultavimus et inspeximus et cum dictis litteris originalibus in omnibus et per omnia concordare, nichilque fuisse vel esse mutatum vel additum in eodem, quod in ipsis originalibus litteris in aliquo discrepet comperimus. Idcirco ad presentis transsumti seu exempli plenam fidem ipsi nostrum decretum seu auctoritatem nostram ordinariam interposuimus et decernimus eidem transsumto fidem plenariam veluti dictis originalibus litteris fore adhibendam ipsumque sufficere ad probandum tam in iudicio quam extra contentaque in eodem esse vera. In quorum omnium et singulorum testimonium, robur et munimen presentes nostras litteras seu presens publicum instrumentum per notarium infrascriptum subscribi eiusque signo solito et consueto signari et nostri sigilli maioris, minori vero curie nostre Monasteriensis predicte eidem tergotenus appresso, appensione mandavimus communiri. Datum et actum sub anno Domini millesimo trecentesimo octogesimo secundo, indictione quinta, mensis Augusti die antepenultima, hora prime vel quasi, pontifieatus sanctissimi in Christo patris et domini nostri, domini Urbani divina providentia pape sexti anno quinto, in domo habitationis viri discreti domini Arnoldi Spenghen, vicarii ecclesiae Monasteriensis ac sigilliferi curie Monasteriensis, site infra emunitatem urbis Monasteriensis, presentibus ibidem viris discretis domino Arnoldo Spengen predicto, Iohanne de Meclen clerico, Hermanno de Arnhorst dicti domini Conradi officialis familiari et Hermanno Boetel, cive Monasteriensi ae aliis pluribus personis fide dignis testibus ad premissa vocatis specialiter et rogatis.
Et ego Petrus Hehus clericus Monasteriensis publicus imperiali auctoritate notarius, quia dictarum litterarum originalium praesentationi, supplicationi per dictum dominum Nicolaum factis earumque receptioni, inspectioni, commissioni ... decreti interpositioni una cum predictis testibus presens interfui sub anno, indictione, mense, die, hora, pontificatu, loco prescriptis, litterasque predictas more Romane curie confectas, dictique domini pape vera bulla plumbea bullatas, prout prima facie videbatur, sanas et integras vidi ipsasque fideliter exemplando transcribi feci, ipsarumque tenorem superius annotando, nichil addendo etiam vel mutando presensque transsumtum cum dictis litteris originalibus ut prefert, cum dicto domino Conrado officiali diligenter auscultavi et in omnibus inveni concordare cum eisdem; idcirco de mandato ipsius domini Conradi officialis exinde presens instrumentum publicum confeci, quod per alium me legitime prepedito scribi feci et hic subscripsi signoque meo solito et consueto una cum sigilli maioris officialatus curie Monasteriensis, minore vero sigillo eiusdem curie eidem maiori tergotenus impresso appensione signavi rogatus etiam et requisitus in testimonium omnium premissorum.

x

x

Fonds	Ostfriesisches Urkundenbuch, I
Fol.nr.	S. 121
Nr	145
Olim	Abschrift Saec. XVII. in der Königl. Bibliothek zu Hannover, Msc. XXII. Nr. 1436. — Die Urk. vom 4. Februar 1351 gedr. Chrysost. Henriquez, reg. constit. et priv. ord. Cistert., Antverp. 1630 Fol. 107. [Nach gütiger Mittheilung des Herrn Dr. Potthast zu Berlin. Derselbe hat sich auch der dankenswerthen Arbeit unterzogen, den Text der Handschrift mit jenem Drucke zu vergleichen und zu verbessern.]
Jaar	1382
Datumcode	2908

x

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 145