| Nummer:oub0136 | Datum:18. Juli 1379 | Overlevering:Editie | Vindplaats:Ostfriesisches Urkundenbuch, I, S. 114, nr. 136 |
Sühne zwischen Ocko ten Brock und den Beningamännern.
Universis presencia visuris seu audituris per presens scriptum pateat evidenter, quod omnis controversia, bellum sive gwerra suborta inter Ockonem militem et terre Brocmannie dominum ac suos parte ex una, et Geraldum Beningha et Beninghones atque eis adherentes parte ex altera, est sedata, terminata ac amicabiliter composita modo subsequenti, videlicet quod de omnibus homicidiis, rapinis, spoliis et violenciis, ac de omnibus iniuriis aliis hine inde perpetratis satisfactum est plenarie et perfecte cum consensu omnim lesorum utrobique, sine reclamatione cuiuscunque, hoc adiecto, quod pars urbis et castri in Beninghaburch per dominum Ockonem predictum empta sibi et suis heredibus pacifice, iuridice et quiete cedere debeat cum omnibus iuribus, honoribus, redditibus, pensionibus et pertinenciis ad dictam partem in Beninghaburch, antiquam Walsum[*] et novam ac Borkinnach, [*] seu alibi ubilibet spectantibus, sine inquietatione, molestatione, aut infestatione Beninghorum et eis adherencium quorumcunque. Sic isto modo et forma facta est pax et compositio perpetua inter partes iam prefatas. In huius igitur composicionis perpetue observacionis robur et testimonium sigilla domini Ockonis predicti militis de Broke, Gheraldi Beningha in Grymesum, [*] Affonis Beningha in Pilsum[*] et Norda capitalis, fratris Redolphi Rodekerke prioris in Norda, domini Folkardi canonici in Langherna nec non Sybrandi capitalis in Echelsum[*] ex certa eorum sciencia presentibus sunt appensa. Acta sunt hec anno Domini MoCCCoLXXo nono sequenti die inmediate post festum Alexii confessoris.
