| Nummer:oub0108 | Datum:29. Juni 1367 | Overlevering:Editie | Vindplaats:Ostfriesisches Urkundenbuch, I, S. 95, nr. 108 |
Vertrag des Emsgaues mit der Stadt Bremen, im Wortlaute dem Vertrage des Jahres 1310 (oub0044) ähnlich.
Universis ac singulis Christi fidelibus presencia visuris seu audituris cupimus fore notum, quod nos Affo Benengha, Enno filius eins necnon ceterique conflyutanei in terra Emisgonie existentes nomine nostro ac tocius flyute antedicte cum honestis viris et discretis consulibus ac singulis civibus civitatis Bremensis de controversia et discordia inter dictos consules necnon eorum concives ab una parte et nos ac nostros subditos swadente diabolo parte ex alters minus racionabiliter suborta, mediante divina gracia ac discretorum concilio matur, fecimus et sine dolo concorditer ordinavimus cum eisdem Bremensibus pacem firmam ac perpetuis temporibus stabilem et inviolabiliter cum eisdem observandam per hunc modum inferius conscriptum, quod omnia que male acta existunt inter civitatem Bremensem ac nos nostrosque subditos simpliciter et inconditionaliter communi concilio et conscensu, qualibet inpetitione cessante, pronunciamus omnino per bonum pacis, concorditer sopita et penitus terminata sit de homicidiis, rapinis, vel quibuscunque aliis gravaminibus inter nos habitis. Item statuimus et ordinavimus ad maiorem securitatem hos articulos inferius conscriptos fideliter perpetuis temporibus inter nos observandos, quorum primus talis esse dinoscitur: si quis oculo, pede vel manu privatus fuerit, decem marcis Bremensium argentei ponderis sibi debebit emendari, et si de lesione rigidam vel aridam manum vel alias inutilem ipsum habere contingerit, illi emendabitur cum quinque marcis Bremensis ponderis et argenti. Si eciam quis in pede vel in manu lesus membra retinuerit et quoquomodo inutilia duabus marcis et dimidia predicti argenti sibi debebit emendari. Si quis vero ab hac die et inantea manifeste spoliaverit, si spoliatus ipsum clamore prosequitur, contra spoliatorem iusto iudicio procedetur, ipso bona sua recipiente. Si minus manifeste spolietur, quis cui spolium inponitur, si Fethergo hoc est subditus Affonis fuerit, cum decem personis gravibus et fidedignis, si Bremensis cum tot in Brema in reliquiis se poterit expurgare. Quilibet sic bona sua det mutuo quod pro ipsis non gravet aliquem nisi proprium debitorem. Preterea si quis de hominibus Affonis Bremensem super debitis suis in terra sua voluerit incusare cum tribus testibus fidedignis terre sue ipsum convincere debebit, si debitum fuerit sibi denegatum. Idem eciam Bremenses in civitate Bremensi cum tribus testibus fidedignis faciant, si subdittum Affonis denegantem debittum super debitis voluerint incusare. Si eciam aliquis subdito Affonis in civitate Bremensi iniuriari voluerit, illum Bremenses sicut cives proprios defensabunt, sic ipsi Bremensem eciam Bremenses in aquis et in omni loco ubi possunt fideliter astabunt et constanter. Nullos eciam de hominibus Affonis in Brema ponetur in truncum nisi pro furto et spolio manifesto. Si quis eciam indebite se captum probare potuerit, huic cum duobus talentis vel cum decem solidis sterlingorum est emendandum. Emptores eciam Emisgonum si qua in civitate Bremensi sunt venalia libere emant et vendant tamquam cives Bremenses et illud idem Bremenses facere valeant in terra Fethergonie viceversa. Preterea si cives Bremenses prope Fethergoniam aut in alioi loco, ubi inhabitatores dicti loci ipsos iuvare poterunt passi fuerint naufragium, predict Fethergones ipsos ad recuperationem bonorum suorum fideliter adiuvabunt. Sed passi naufragium ipsis iuvantibus laboris mercedem erogabunt. Si vero bona naufragii ad Fethergoniam fluxerint, ubi nullus virus affuerit, omnia bona, que de aquis eruta fuerint sub custodia alicuius probi viri poni debent in locum securum vel apud ecclesiam in sequestrum et ibi iacebunt per tres menses, infra quos si ipsa requisierint cum littera civitatis Bremensis debent ipsa petentibus integraliter presentari, sed laboratoribus pro eorum laboribus respondebunt, et si cives Bremenses a conservatore predictorum bonorum magis requisierint, quam conservator se sustulisse aut habere fateatur, super hoc conservatoris stabitur sacramento; insuper si civitas Bremensis guerram vel discordiam cum aliquibus habuerit et ab inimicis civitatis Fethergones hoc est subditos Affonis spoliari, capi contigerit aut occidi non debet Bremensibus inputari nec inputabitur Affoni et subditis suis, si cum aliquibus guerram vel discordiam habuerint, et ipsi Bremenses ab inimicis Affonis et suorum subditorum capti spoliati fuerint vel occisi. Hec acta sunt sub anno Domini Mo CCCo LXo septimo, ipso die apostolorum Petri et Pauli, in quorum testimonium omnium sigillum Affonis est presentibus appensum.
