| Nummer:oub0095 | Datum:12. Juni 1362 | Overlevering:Editie | Vindplaats:Ostfriesisches Urkundenbuch, I, S. 87, nr. 95 |
Ein Verwandter des Aptatus von Ulgerwehr wird zum Laienbruder im Kloster Langen aufgenommen und zwar unter bedingungslosem Heimfall der einst von Aptatus gestifteten Güter
Noverint universi et singuli presentem paginam inspecturi seu audituri, quod prepositus et conventus in Langen una cum consensu seniorum conventus eiusdem receperunt et iam actu recipiunt Dodonem, filium Egburgis, sororie Aptati bone memorie quondam civis in Ulgharawer, in eorum fratrem et conversum ibidem propter Deum nec non amicorum suorum scilicet Syweris matertere sue et Sicconis mariti sui in Wachwert, [*] Nonnonis mariti prefati Egburgis eivis in Pevsum atque Heronis Ghelana civis in Husum precum ob amorem, ita videlicet quod si predictus iuvenis Dodo carnis viam universe ingressus fuerit, aut in vita sua conventum exierit, habitum suum sive ad mundum sive ad aliam religionem mutando, extunc nec ipse Dodo neque aliquis amicorum suorum prebendam aliquam nec aliqua bona ex parte sui seu ex parte Aptati supradicti, qui in predicto conventu pro fratre defunetus est, aliquatenus petere possunt a conventu supramemorato sed ab omni impeticione heredes predicti Aptati dimittunt de cetero prefatum conventum quitum et liberum. Acta sunt hec in presencia discretorum virorum et nobilium, scilicet domini Ubonis decani in Husum, necnon Tammonis Herena ibidem, Mammonis rectoris ecclesie in Pevsum, atque domini Abbonis ecclesie curati in Wachwert, quorum sigilla presentibus sunt appensa in testimonium veritatis. Datum anno Domini Mo CCCo LXIIo, in dominica Trinitatis.
