| Nummer:oub0039 | Datum:8. Juli 1289 | Overlevering:Editie | Vindplaats:Ostfriesisches Urkundenbuch, I, S. 36, nr. 39 |
Die Harlinger berufen sich, als einer der Ihrigen von einem Bremer Bürger erschlagen ist, auf den mit der Stadt Bremen im Jahre 1237 geschlossenen Vertrag.
Providis viris ac discretis consulibus civitatis Bremensis Emmo et Hayco ceterique coniudices eorum necnon et consules ac tota universitas terre Herlingie salutem et scinceram (sic) in Domino dilectionem. Nobilitati vestre sive probitati cupimus presenti pagina declarare de statutis, que facta sunt inter civitatem vestram ex una parte et terram nostram ex altera, firmiter ac inviolabiliter una vobiscum cupimus observare, et sunt nobis presentata sub sigillo vestre civitatis per hec verba: Iuxta formam subscriptam compositum est ... (folgt der Vertrag vom 22. März 1237 nach dem von Bremen ausgefertigten Exemplar, s. oben Nr. oub0023). Et quia quidam concivis civitatis vestre quendam nobis casu inopinato interveniente occidit et sui complices, videlicet Johannes Ruffus sororius Hermanni dicti Thenneber in portu dicto Ackumhe, [*] quod vobis notorium facimus et cum presenti pagina, prout acrius possumus, querelamus, hinc est, quod vestram in Domino petimus honestatem atque nobilitatem, quatenus predictum precium sanguinis nobis per fidedignos, quod forefactum est, remittere velitis, et quicquid de supradictis facere velitis sive de sepedicto precio sanguinis sive de aliis omnibus articulis supra enumeratis, nobis per presentem latorem scitis (sic!) rescribentes. Insuper si credere nolueritis de presenti tenore, quod ipsum habeamus loco et tempore cum affueritis in domo domini Liubbonis, qui gerit vices domini scolastici per Nordam, Herlingiam et Affricam, [*] poteritis eum videre et sigillum vestre civitatis, prout superius est expressum, esse appensum. Datum anno Domini Mo CCo LXXXIXo, sequenti die post Materniani episcopi.
