| Nummer:oub0029 | Datum:Uttum, 29. Juli 1269 | Overlevering:Editie | Vindplaats:Ostfriesisches Urkundenbuch, I, S. 23, nr. 29 |
Schreiben der Federgauer an die Bremer, worin sie dem Nordener Vertrage beizutreten erklären.
Nobilibus viris ac honestis scabinis et burgensibus civitatis Bremensis consules et universitas Federgonum quicquid possunt pacis et honoris. Relatione proborum et discretorum intelleximus, quod compositio laudabilis et honesta dudum inter vos et omnes Emesgones ordinata, que a civibus in Emetha ... extitit violata, mediantibus fratribus in Norde de consilio ceterorum discretorum sit laudabiliter renovata; quare litteras has honestati vestre dignum duximus destinandas, grates immensas vobis referentes, quod delictum civium predictorum in Emetha nostris hominibus vestram civitatem visitantibus numquam imputastis, sed pacifice semper pertractastis, significantes vobis, quod quantum in nobis tam primam compositionem quam secundam consilio et auxilio litteris et sigillis nostris libentissime volumus roborare et perpetuo firmiter observare. Quia sigillo non utimur, litteram hanc sigillo Liudardi prepositi nostri fecimus roborari. Datum Utthem, secundo feria post Jacobi.
