| Nummer:ogd1237 | Datum:10 nov. 1367 | Overlevering:Editie | Vindplaats:Oorkondenboek Groningen en Drenthe, nr. 1237 |
Andries van Groningen, kanunnik van de Dom, verklaart, dat Ghisebrecht, heer van Vianen, hem een jaarrente heeft beloofd tot op de tijd, dat heer Gherijt van den Vene, proost te Arnhem, of Ghisebrecht of hun erfgenamen hem zullen hebben voorzien met een beneficie in het Sticht.
Alle denghenen, die desen brief zellen sien of horen lesen, doe ic verstaen, Andries van Groeninghen , canonic ten Doeme tUtrecht ,
ende belye my in desen open brieve, dat ic ontfaen hebben van enen eersamen manne, haren Ghisebrecht here van Vyanen ende
van den Ghoye, ene open hantvest, daer hi ende siin borghen, die daerin bescreven staen, nu in gheloeft hebben ende bezeghelt hebben tseventich
scilde sjaers of voer elken scilt vier ende twintich ghoede Vlaemsche of Hollansche grote te renten tot minen live ter tiid toe, dat my haer
Gheriit van den Vene, proefst tot Aernem of die here van Vyanen voerseyt of sine erfname of si beyde of hore enich van hen mit tseventich
scilden sjaers te renten an gheeste-liken ghoede in den Sticht van Utrecht, dat gheen cure en is, versien hebben, also dat ic se [of] mine
ghewaerde bode vrylic in absencien ghebruken mach ende opboeren also alse die voerseyde open hantvest hout, die ic daerop hebbe, ende si en
sellen my mit ghenen beneficium verzien, dat myn sel renten dan viif ende dertich der voerseyder scilde sjaers ende alse sy my mit enen
beneficium voerscreven van viif ende dertich scilden sjaers of van meer versien hebben, de ic opboeren mach alse voerscreven is ende mi die here
van Vyanen voert voldaen heeft mit brieven ende mit borghen van also vele alse my dan ghebrake tot tseventich scildens sjaers toe, alse mine
voerseyde brieve houden, so hebbe ic gheloeft ende ghelove mit ghoeden trouwen den here van Vyanen voerseyt, dat ic hem of sinen erfnamen, waer
hi doet, sonder enich vertrec ofte wederzegghen overgheven zel die voerseyde open hantvest, sprekende van dien tseventich scilden sjaers tot
minen live, ende so is die here van Vyanen ende siin borghen van dier gheloefte, die de voerseyde hantvest begriipt, claerlike quijt ende
ontheven gheliker wijs ende in allen manieren of ic selve oflivich ende doet ware. Ende vyel enich stoec of ghebrec tusschen den voerseyden
heren ende my in enighen punten, dat die brieve begripen, die ic van hom of van hore enich hebbe of die si of hore enich van my hebben, wat van
desen voerseyden saken roerende is, dat sel staen ende wesen tot verclaringhe eersamen heren alse haren Zweders Uter [Lo]e, domproefst tUtrecht,
ende haren Jacobs Zoudenbalch, abd tot Oestbroec. Sonder arghelist. Ende waert, dat enich van desen tween oflivich ware of buten lands, dat
soude staen tot des anders verclaringhe, dieghene die in levende live of binnen lands ghebleven ware, sonder archeyt. In oerconde deser dinghe
so heb ic, Andries van Groeninghen, canonic ten Doeme voerscreven, desen brief bezeghelt mit minen zeghel tenen oerconde. Ghegheven int jaer ons
Heren dusent drehondert seven ende tsestich op sunte Martiinsavent in den wiinter .
ende belye my in desen open brieve, dat ic ontfaen hebben van enen eersamen manne, haren Ghisebrecht here van Vyanen ende
van den Ghoye, ene open hantvest, daer hi ende siin borghen, die daerin bescreven staen, nu in gheloeft hebben ende bezeghelt hebben tseventich
scilde sjaers of voer elken scilt vier ende twintich ghoede Vlaemsche of Hollansche grote te renten tot minen live ter tiid toe, dat my haer
Gheriit van den Vene, proefst tot Aernem of die here van Vyanen voerseyt of sine erfname of si beyde of hore enich van hen mit tseventich
scilden sjaers te renten an gheeste-liken ghoede in den Sticht van Utrecht, dat gheen cure en is, versien hebben, also dat ic se [of] mine
ghewaerde bode vrylic in absencien ghebruken mach ende opboeren also alse die voerseyde open hantvest hout, die ic daerop hebbe, ende si en
sellen my mit ghenen beneficium verzien, dat myn sel renten dan viif ende dertich der voerseyder scilde sjaers ende alse sy my mit enen
beneficium voerscreven van viif ende dertich scilden sjaers of van meer versien hebben, de ic opboeren mach alse voerscreven is ende mi die here
van Vyanen voert voldaen heeft mit brieven ende mit borghen van also vele alse my dan ghebrake tot tseventich scildens sjaers toe, alse mine
voerseyde brieve houden, so hebbe ic gheloeft ende ghelove mit ghoeden trouwen den here van Vyanen voerseyt, dat ic hem of sinen erfnamen, waer
hi doet, sonder enich vertrec ofte wederzegghen overgheven zel die voerseyde open hantvest, sprekende van dien tseventich scilden sjaers tot
minen live, ende so is die here van Vyanen ende siin borghen van dier gheloefte, die de voerseyde hantvest begriipt, claerlike quijt ende
ontheven gheliker wijs ende in allen manieren of ic selve oflivich ende doet ware. Ende vyel enich stoec of ghebrec tusschen den voerseyden
heren ende my in enighen punten, dat die brieve begripen, die ic van hom of van hore enich hebbe of die si of hore enich van my hebben, wat van
desen voerseyden saken roerende is, dat sel staen ende wesen tot verclaringhe eersamen heren alse haren Zweders Uter [Lo]e, domproefst tUtrecht,
ende haren Jacobs Zoudenbalch, abd tot Oestbroec. Sonder arghelist. Ende waert, dat enich van desen tween oflivich ware of buten lands, dat
soude staen tot des anders verclaringhe, dieghene die in levende live of binnen lands ghebleven ware, sonder archeyt. In oerconde deser dinghe
so heb ic, Andries van Groeninghen, canonic ten Doeme voerscreven, desen brief bezeghelt mit minen zeghel tenen oerconde. Ghegheven int jaer ons
Heren dusent drehondert seven ende tsestich op sunte Martiinsavent in den wiinter .
x
| Fonds | Oorkondenboek Groningen en Drenthe |
|---|---|
| Nr | 1237 |
| Olim | Naar het beschadigd origineel in het algemeen rijksarchief te 's Gravenhage (archief Nedersticht), hoog 24,5, breed 33,5 cm. |
| Jaar | 1367 |
| Datumcode | vMartin |