| Nummer:ogd1236 | Datum:10 nov. 1367 | Overlevering:Editie | Vindplaats:Oorkondenboek Groningen en Drenthe, nr. 1236 |
Gherijt van den Vene en Ghisebrecht, heer van Vianen, verklaren, dat zij Andries van Groningen, kanunnik van den Dom, onder zekere voorwaarden schadeloos zullen houden bij ruiling van zijn personaatschap te Groningen tegen een ander beneficie.
Wi, Gherijt van den Vene, proefst tot Aernem, ende Ghisebrecht, here van Vyanen ende van den Ghoye, maken ken
lijc allen luden, dat wi gheloeft hebben, loven ende zekeren mit goeden trouwen meyster Andries van Groeninghen ,
canonic ten Doeme tUtrecht, mit voerwaerden, waert dat enich permutaci ghesciede in den hof te Romen of daerbuten mit der personate van
Groeninghen om enich ander beneficium, dat meyster Andries voerseyt behouden woude, daer en souden wy noch onser enghene hem ghenen hiinder aen
doen, met so wes hem in zekeren renten jaerlix in absencien daerof comen mochte, dat soude hi ons of onsen erfnamen ofcorten van den tseventich
scilden sjaers, daer hi onse open brief of heeft of hebben sel. Ende waer dat sake, dat meyster Andries voerseyt dat beneficium, daer de
permutaci mit der personate om ghedaen worde, nyet behouden en woude alse voerscreven is, so sel meyster Andries voerseyt dat beneficium
resigneren in handen des proefsts van Aernem of des heren van Vyanen voerscreven of siinre erfnamen of op anders yemande, daer siit
gheresigneert wouden hebben. Ende alse hi dan dat beneficium geresigneert heeft, alse voerscreven is, so love wi, Ghisebrecht, here van Vyanen
ende van den Ghoye voerscreven, voer ons ende voer onse erfname meyster Andries sine open brieve sprekende van den tseventich scilden sjaers,
die hi van ons heeft of hebben sel, wittelic ende wel te houden ende te voldoen. In oerconde des briefs bezeghelt mit onsen zeghellen. Ghegheven
int jaer ons Heren dusent drehondert zeven ende tsestich op sinte Martiinsavont in den wiinter .
lijc allen luden, dat wi gheloeft hebben, loven ende zekeren mit goeden trouwen meyster Andries van Groeninghen ,
canonic ten Doeme tUtrecht, mit voerwaerden, waert dat enich permutaci ghesciede in den hof te Romen of daerbuten mit der personate van
Groeninghen om enich ander beneficium, dat meyster Andries voerseyt behouden woude, daer en souden wy noch onser enghene hem ghenen hiinder aen
doen, met so wes hem in zekeren renten jaerlix in absencien daerof comen mochte, dat soude hi ons of onsen erfnamen ofcorten van den tseventich
scilden sjaers, daer hi onse open brief of heeft of hebben sel. Ende waer dat sake, dat meyster Andries voerseyt dat beneficium, daer de
permutaci mit der personate om ghedaen worde, nyet behouden en woude alse voerscreven is, so sel meyster Andries voerseyt dat beneficium
resigneren in handen des proefsts van Aernem of des heren van Vyanen voerscreven of siinre erfnamen of op anders yemande, daer siit
gheresigneert wouden hebben. Ende alse hi dan dat beneficium geresigneert heeft, alse voerscreven is, so love wi, Ghisebrecht, here van Vyanen
ende van den Ghoye voerscreven, voer ons ende voer onse erfname meyster Andries sine open brieve sprekende van den tseventich scilden sjaers,
die hi van ons heeft of hebben sel, wittelic ende wel te houden ende te voldoen. In oerconde des briefs bezeghelt mit onsen zeghellen. Ghegheven
int jaer ons Heren dusent drehondert zeven ende tsestich op sinte Martiinsavont in den wiinter .
x
| Fonds | Oorkondenboek Groningen en Drenthe |
|---|---|
| Nr | 1236 |
| Olim | Naar het origineel in het algemeen rijksarchief te 's Gravenhage (archief Nedersticht), hoog 18,5, breed 32 cm. |
| Jaar | 1367 |
| Datumcode | vMartin |
x
| Commentaar | Aan het stuk hangen de zegels van Gherijt van den Vene en Ghisebrecht van Vianen, het eerste zeer geschonden. |
|---|