| Nummer:ogd1218 | Datum:28 sept. 1405 | Overlevering:Editie | Vindplaats:Oorkondenboek Groningen en Drenthe, nr. 1218 |
Frederik van Blankenheim, bisschop van Utrecht, sluit een vredesverdrag met de bestuurders van Groningen, Hunsingoo, Fivelgoo, Oldambt en Reiderland.
Frederick van Blanckenhem, bi der ghenaden Goeds bisscop tUtrecht, maken kond allen luden, want ons behoerlic is ende wij wael
schuldich
siin onse lande, lude ende ondersaten te rusten ende te vreden te setten, daer wij kunnen, daeromrne hebben wij anghesien die last ende onrust
,
daer onse ondersaten, sunderlinge an die siit der Ysel, daer Deventer staet, een wijl tides mit ons ynne gheweest hebben teghen onse stad van
Groningen ende een diel lande van Vriesland, die mit hem tovielen, ruerende van den gherichten ende heerlicheden in Groninge, opp Goe ende Wold,
daer wij mit hem schelaftich aff hebben gheweest ende in veeden ende oerloghe ghestaen. Ende want die vors. onse stad van Groninge des to
bescheide ghegaen is ende heft ons die vorseide gherichte ende heerlicheide in Groninge, opp Goe ende Woeld overgegheven, soe hebben wij bij
rade ende guetduncken onser vriende ende stede van Overysel ons verliket ende gheeffent mit der vors. onser stad van Groningen ende hebben
derselver onser stad van Groningen ende alle horen burgheren ende ondersaten ende den landen in Vriesland, die onse vyande weren, alse
Hunsingerland, Fyvelgheland, Oldeampt ende Reyderland, ende alle hore ondersaten ende alle horen hulperen ende hulper hulpere ghegheven ende
gheven mit desen brieve een ganse vaste zwoene vor ons, onse ghestichte, stede, lande, ondersaten ende vor alle onse hulpere ende hulper hulpere
van sulker veede ende oerloghe als wij daerteghen ghehadt hebben, ende van allen zaken, die in der veede ghesciet sijn, in sulken schine dat men
die gherichte binnen Groninge, opp Goe ende Woeld berichten sal also alst ghericht daer gheleghen ende van oldes heercomen is ende dat alle
ghevangen ende al onbetaelt ghelt, daer die termijn niet off verleden en is, ende voert roeff teghen roeff, brand teghen brand, name teghen
name, doden tieghen doden, die in der veeden ghesciet sijn, quijt soelen wesen, dat een teghen dat ander an beiden tsiden. Ende een yeghelick
sal bezwoent wesen opp siin erve ende opp siin gued als hij dat nu vindet, sonder arghelist. Ende dese zwoene is te verstaen beholdelic malc
siinre voerbrieve ende siins olden rechts. In orkonde des besegelt mit onsen seghel. Ghegheven tUtrecht int jaer ons Heren dusent vierhondert
ende vive op sunte Michielsavont.
schuldich
siin onse lande, lude ende ondersaten te rusten ende te vreden te setten, daer wij kunnen, daeromrne hebben wij anghesien die last ende onrust
,
daer onse ondersaten, sunderlinge an die siit der Ysel, daer Deventer staet, een wijl tides mit ons ynne gheweest hebben teghen onse stad van
Groningen ende een diel lande van Vriesland, die mit hem tovielen, ruerende van den gherichten ende heerlicheden in Groninge, opp Goe ende Wold,
daer wij mit hem schelaftich aff hebben gheweest ende in veeden ende oerloghe ghestaen. Ende want die vors. onse stad van Groninge des to
bescheide ghegaen is ende heft ons die vorseide gherichte ende heerlicheide in Groninge, opp Goe ende Woeld overgegheven, soe hebben wij bij
rade ende guetduncken onser vriende ende stede van Overysel ons verliket ende gheeffent mit der vors. onser stad van Groningen ende hebben
derselver onser stad van Groningen ende alle horen burgheren ende ondersaten ende den landen in Vriesland, die onse vyande weren, alse
Hunsingerland, Fyvelgheland, Oldeampt ende Reyderland, ende alle hore ondersaten ende alle horen hulperen ende hulper hulpere ghegheven ende
gheven mit desen brieve een ganse vaste zwoene vor ons, onse ghestichte, stede, lande, ondersaten ende vor alle onse hulpere ende hulper hulpere
van sulker veede ende oerloghe als wij daerteghen ghehadt hebben, ende van allen zaken, die in der veede ghesciet sijn, in sulken schine dat men
die gherichte binnen Groninge, opp Goe ende Woeld berichten sal also alst ghericht daer gheleghen ende van oldes heercomen is ende dat alle
ghevangen ende al onbetaelt ghelt, daer die termijn niet off verleden en is, ende voert roeff teghen roeff, brand teghen brand, name teghen
name, doden tieghen doden, die in der veeden ghesciet sijn, quijt soelen wesen, dat een teghen dat ander an beiden tsiden. Ende een yeghelick
sal bezwoent wesen opp siin erve ende opp siin gued als hij dat nu vindet, sonder arghelist. Ende dese zwoene is te verstaen beholdelic malc
siinre voerbrieve ende siins olden rechts. In orkonde des besegelt mit onsen seghel. Ghegheven tUtrecht int jaer ons Heren dusent vierhondert
ende vive op sunte Michielsavont.
x
| Fonds | Oorkondenboek Groningen en Drenthe |
|---|---|
| Nr | 1218 |
| Olim | Naar het origineel in het rijksarchief te Groningen (Reg. 1405, no. 2), hoog 19,7, breed 34,6 cm. Ook in afschrift in Reg. no. 1607, fol. 103 (Bijl. Inv. p. 215) in het gemeentearchief te Deventer. Gedrukt bij Driessen, blz. 798. |
| Jaar | 1405 |
| Datumcode | vMichae |