| Nummer:ogd1123 | Datum:5 aug. 1402 | Overlevering:Editie | Vindplaats:Oorkondenboek Groningen en Drenthe, nr. 1123 |
Frederik, bisschop van Utrecht, geeft aan de steden Deventer, Kampen en Zwolle vrijstelling van een tol, die op de aan te leggen weg tussen Ane en Coevorden zal worden geheven.
Frederic van Blanckenhem, bi der ghenaden Godes bisscop tUtrecht, maken kond allen luden, dat ons van onsen vrienden, steden ende lande van Zalland dick an
ghebracht is van enen weghe te maken, den men winters ende zomers mochte rijden, mit ghetouwe varen, mit levendighen beesten drijven ende wanderen [tus-
sch]en Ane in den kerspel van den Hardenberghe ende Coeverde, daer die wegh [te] vele [ty]den also waterich, diep ende quaet pleghen te wesen, dat daer nyemant te perde noch te voet wael sonder anxt siins lijves henghecomen en kan, ende [omme]dat wi ze[lv]en ghemerket ende ondervonden hebben dat die diepheit ende ongheveerdicheit des weghes ons ende onsen ghestichte, onsen ondersaten ende den ghemenen coman, die die strate pleghet te zueken, groten kommer ende verdriet dicke inghebracht heeft, soe sin wi daertoe gheneyght, dat wi enen beteren wech willen doen legghen tusschen Ane ende Coeverden ende dan dien also doen maken, dat men des winters ende zoemers sal moeghen bruken te perde ende te voet als vors. is. Ende want men desen wech duer een lanc veen wynnen , daer men voele gueds toe moet behoeven, des wi toe deser tijt alleen van den onsen nyet en konnen vervallen, soe hebben wi ghededingt ende sin overdraghen mit onsen drien h[oe]ftsteden van Zalland, als Deventer, Campen ende Zwolle, dat sij ons hiirtoe soelen helpen malc mit eenre summe ghelts te ghelden, daer sij ghonstelic toe sin gheghaen, alse sij dicke mit trouwen pleghen te doen in onses ghestichts orber. Ende want dese vors. wech nyet duren en mach noch stantachtich bliven, men moet dien mit coste holden ende jaerlix verbeteren als dat behoerlic is, soe hebben wi bi guetduncken onser vrienden ende vermids overdracht mit onsen steden vors. gheordiniert ende ons anghenomen voer ons ende onse nacomelinge, bisscoppe tUtrecht, dat wi desen vors. wech mit sinen toebehoren tot ewighen daghen soelen waren ende in gueden reke holden doen op onse cost als om alsulic wechghelt als die van Gramsberghe van den coepluden pleghet te nemen. Ende dat soelen ons ende onsen nacome-lingen gheven alle dieghene, die des weghes ende dier straten mit hoerre comenschap willen ghebruken, nyemant van binnen onsen ghestichte noch van buiten onsen ghestichte uytgheschei-den. Mer hiiraf is te weten, dat wi mit gueden wille onsen drien steden, als Deventer, Campen ende Zwolle vors. in des veroerzatinghe hoers g[ue]des, dat sij tot desen zaken uytghegheven hebben ende uytgheven soelen, weder hebben overghegheven voer ons ende onse nacomelinge tot enen privilegien eweliken te duren, alsdat diezelve onse drie stede ende oer burghers ende die sij mit rechte verdedingen moeghen, des weghes altijt vrijliken soelen ghebruken ende dat sij noch hoer gheen noch hoer guet nummermeer tot ghenen daghen op dien vors. wech noch op dier straten wechghelt en soelen gheven, want wi vor ons ende onse nacomelinghe sij daerop ghevrijet hebben ende vrijen sij daerop mit desen brieve, al arghelist hiir uytghesproken. Desser brieve sin drie al eenssprekende van eenre zake. In orconde des hebben wi onse zeghel an desen brief doen hanghen. Ghegheven te Deventer in den jaer ons Heren dusent vierhondert ende twe des Zaterdaghes na sente Petersdach ad Vincula.
ghebracht is van enen weghe te maken, den men winters ende zomers mochte rijden, mit ghetouwe varen, mit levendighen beesten drijven ende wanderen [tus-
sch]en Ane in den kerspel van den Hardenberghe ende Coeverde, daer die wegh [te] vele [ty]den also waterich, diep ende quaet pleghen te wesen, dat daer nyemant te perde noch te voet wael sonder anxt siins lijves henghecomen en kan, ende [omme]dat wi ze[lv]en ghemerket ende ondervonden hebben dat die diepheit ende ongheveerdicheit des weghes ons ende onsen ghestichte, onsen ondersaten ende den ghemenen coman, die die strate pleghet te zueken, groten kommer ende verdriet dicke inghebracht heeft, soe sin wi daertoe gheneyght, dat wi enen beteren wech willen doen legghen tusschen Ane ende Coeverden ende dan dien also doen maken, dat men des winters ende zoemers sal moeghen bruken te perde ende te voet als vors. is. Ende want men desen wech duer een lanc veen wynnen , daer men voele gueds toe moet behoeven, des wi toe deser tijt alleen van den onsen nyet en konnen vervallen, soe hebben wi ghededingt ende sin overdraghen mit onsen drien h[oe]ftsteden van Zalland, als Deventer, Campen ende Zwolle, dat sij ons hiirtoe soelen helpen malc mit eenre summe ghelts te ghelden, daer sij ghonstelic toe sin gheghaen, alse sij dicke mit trouwen pleghen te doen in onses ghestichts orber. Ende want dese vors. wech nyet duren en mach noch stantachtich bliven, men moet dien mit coste holden ende jaerlix verbeteren als dat behoerlic is, soe hebben wi bi guetduncken onser vrienden ende vermids overdracht mit onsen steden vors. gheordiniert ende ons anghenomen voer ons ende onse nacomelinge, bisscoppe tUtrecht, dat wi desen vors. wech mit sinen toebehoren tot ewighen daghen soelen waren ende in gueden reke holden doen op onse cost als om alsulic wechghelt als die van Gramsberghe van den coepluden pleghet te nemen. Ende dat soelen ons ende onsen nacome-lingen gheven alle dieghene, die des weghes ende dier straten mit hoerre comenschap willen ghebruken, nyemant van binnen onsen ghestichte noch van buiten onsen ghestichte uytgheschei-den. Mer hiiraf is te weten, dat wi mit gueden wille onsen drien steden, als Deventer, Campen ende Zwolle vors. in des veroerzatinghe hoers g[ue]des, dat sij tot desen zaken uytghegheven hebben ende uytgheven soelen, weder hebben overghegheven voer ons ende onse nacomelinge tot enen privilegien eweliken te duren, alsdat diezelve onse drie stede ende oer burghers ende die sij mit rechte verdedingen moeghen, des weghes altijt vrijliken soelen ghebruken ende dat sij noch hoer gheen noch hoer guet nummermeer tot ghenen daghen op dien vors. wech noch op dier straten wechghelt en soelen gheven, want wi vor ons ende onse nacomelinghe sij daerop ghevrijet hebben ende vrijen sij daerop mit desen brieve, al arghelist hiir uytghesproken. Desser brieve sin drie al eenssprekende van eenre zake. In orconde des hebben wi onse zeghel an desen brief doen hanghen. Ghegheven te Deventer in den jaer ons Heren dusent vierhondert ende twe des Zaterdaghes na sente Petersdach ad Vincula.
x
| Fonds | Oorkondenboek Groningen en Drenthe |
|---|---|
| Nr | 1123 |
| Olim | Naar het origineel (A) in het gemeentearchief te Deventer (Inv. no. 423), hoog 27, breed 38 cm. Vergeleken met een origineel (B) in het gemeentearchief te Kampen (Reg. I, no. 352), hoog 21,5, breed 38 cm. Te Deventer ook in afschrift in het Reg. no. 1607, fol. 115, (zie Inv. Bijl. blz. 217). Ook gedrukt bij Dumbar, Kerk. en Wereldl. Deventer, II, blz. 20. |
| Jaar | 1402 |
| Datumcode | SpVinPet |