| Nummer:ogd1114 | Datum:27 mei 1402 | Overlevering:Editie | Vindplaats:Oorkondenboek Groningen en Drenthe, nr. 1114 |
Tyabbeke Geldersna, bestuurder van Westerwolde, verklaart, dat de verwanten van hen, die voor het huis van Elde Gockinga waren doodgeslagen, de rechter van dat landschap hebben gemachtigd deswegen een zoen aan te gaan met Groningen en de Friese landen tussen Eems en Lauwers.
Ich, Tyabbeke Geldersna, in der tiit verware des landes van Westerwolde, doe kundich allen lueden
ende betughe openbaer in dezen openen breve, dat vor my ziin ghekomen, daer ich sat in enen ghehegheden richte, de vriende ende maghe van Hanneke Baten zone, Gherd Oden sone, Johan de Ghelter ende Zebe Wyardes zusterzone, den God ghenedich zie, de vor Elde Gockinghe hues gheslaghen worden, ende mechtigheden daer mit horen vryen moetwillen Henrike, den richter van Westerwolde, ene stede vaste zone to gheven der stad van Groninghen ende den landen van Vreesland, gheleghen tuschen der Emeze ende der Lauwerse, ende horen holpers van der vors. sake weghen, ende loveden de zone stede ende vast to holden tot ewighen daghen vor hem ende vor hore erfghenamen, also dat de vors. vrende ende maghen noch hore erfghenamen of nemende van hore weghen de van Groninghen ende de vors. lande ende hore hulpers nummermeer bed haten of veden noch anspreken en zullen of en moghen van der vors. sake weghen. Al arghelist uetghesproken. In orkunde der waerheyt so hebbe ich Tyabbeke vors. mynen seghel an dessen breef ghehanghen. Ende um de merre vestenes so hebben wy mene land van Westerwolde onses landes seghel mede an dessen breef ghehanghen. Ghegheven in den jaer ons Heren dusent vyerhondert ende twe des Saterdaghes na des hilghen Sacramentesdach .
ende betughe openbaer in dezen openen breve, dat vor my ziin ghekomen, daer ich sat in enen ghehegheden richte, de vriende ende maghe van Hanneke Baten zone, Gherd Oden sone, Johan de Ghelter ende Zebe Wyardes zusterzone, den God ghenedich zie, de vor Elde Gockinghe hues gheslaghen worden, ende mechtigheden daer mit horen vryen moetwillen Henrike, den richter van Westerwolde, ene stede vaste zone to gheven der stad van Groninghen ende den landen van Vreesland, gheleghen tuschen der Emeze ende der Lauwerse, ende horen holpers van der vors. sake weghen, ende loveden de zone stede ende vast to holden tot ewighen daghen vor hem ende vor hore erfghenamen, also dat de vors. vrende ende maghen noch hore erfghenamen of nemende van hore weghen de van Groninghen ende de vors. lande ende hore hulpers nummermeer bed haten of veden noch anspreken en zullen of en moghen van der vors. sake weghen. Al arghelist uetghesproken. In orkunde der waerheyt so hebbe ich Tyabbeke vors. mynen seghel an dessen breef ghehanghen. Ende um de merre vestenes so hebben wy mene land van Westerwolde onses landes seghel mede an dessen breef ghehanghen. Ghegheven in den jaer ons Heren dusent vyerhondert ende twe des Saterdaghes na des hilghen Sacramentesdach .
x
| Fonds | Oorkondenboek Groningen en Drenthe |
|---|---|
| Nr | 1114 |
| Olim | Naar het origineel in het rijksarchief te Groningen (Reg. 1402, no. 10), hoog 15,2, breed 26,2 cm. Ook gedrukt bij Driessen, blz. 834. |
| Jaar | 1402 |
| Datumcode | SpSacram |
x
| Commentaar | Aan het stuk hangen twee zegels in groene was, beide geschonden : 1. rond, vertoont een gothische letter D; randschrift onleesbaar. 2. schildvormig, vertoont een geestelijke in vol ornaat ten voeten uit, op het hoofd een mijter, in de linkerhand een kromstaf; randschrift verdwenen. |
|---|