De afgevaardigden van Lübeck doen mededeling van de beraadslagingen op de Hanzedag te Emden, waar ook Groningen tegenwoordig was, over de Vitaliebroeders en de twisten in Oostfriesland.

Duesent jare in deme 400 jare des Wrydaghes in den Paschen worde wy ghesant van Lubeke . . . van Hamborch . . . van Bremen . . . van Groninghen Sweder van Wyndel, Alf Schelink unde Alberd Schelink, de kemen by uns des Vridaghes na dem Sondaghe, als men synghet Jubilate, van Kamppen . . . van Deventer, van Sutvelde, van Harderwych unde van Elleborch . . . Wes se nycht en scheyden en kunnet, darumme scholled de veer scheydeslude to sunte Jacobesdaghe komen tho Groninghen unde schulled mid den rade van Groninghe eenes daghes ramen twischen der tid unde des hyllyghen Kerstesdaghe uppe ene tyd, dat de stede darby senden moghen unde scryven, dat den van Lubeke uppe watte tyd dat wesen scholle . . . Vortmer segghe wy, dat alle desse vorgescreven stuecke vultaghen werden, so heft islik partie twe gysele sad, alse . . . desghelik schal Hysseken sone, provest to Emede, unde Gerald Wyardis sone schullen to gyselen sytten to Groninghen uppe de andren syden, solanghe dat alle artikle unde alle vorgescreven stucke vultoghen synt . . . Vortmer zede wy em, dat alle vangne schullen loes wesen uppe beyden tziden, de nycht en beschatted en weren unde ore daghe nycht ummekomen en weren. Men were ene den andren wad schuldich, dat scholde he em betalen, uutghenamen de vanghen, de de Groninghe vangen hadden . . . Vortmer deghedynghede wy in unses Heren Hemelvartavende twyschen der stad van Groninghen uppe de ene syde unde Kene van den Broke unde Volkmar Allen mid orer partie uppe de andren syden umme de schelynghe, de se to hope hebben orer eyn uppe den andren, dat schal stan in enem guden vrede twischen hyr unde des hyllyghen Kerstesdaghe negesttokamende. Bynnen desser tiid schullen se vere scheydeslude kesen, de se vorlyken in vruntschop edder mid rechte, na klaghe unde na antwerde. Kunnen se des nycht enes werden, so schullen dar averlude to wesen degene, de de stede to Groninghen sendet, wes se en vor recht seghed , dar schulled se syk an nueghen laten. Hirup schal ene vulkamene vaste sone wesen. Hir hebbet de van Groninghen uthghespraken, wen se vanghen hebben, dat se de schutten moghen. Dat hebbet de anderen vulkamen vulborded . . . Datselve schyp, dat he den Vyttallyenbrodren vorkofte, dat hadde he ghenamen den van Groninghen, den muste he dat wedder betalen . . .

x

x

Fonds	Oorkondenboek Groningen en Drenthe
Nr	1067
Olim	Naar Koppmann, Hanserecesse IV, no. 591. Ook gedrukt bij Friedlaender, Ostfr. Urkb. II, no. 1726 (oub1726).
Jaar	1400
Datumcode	vAscDom

x

x

Materiaal	papier

x

Edities	P.J. Blok e.a., Oorkondenboek van Groningen en Drente, II (Groningen 1899), nr. 1067.