Hertog Albrecht van Beieren belooft aan Ayleko Ferhildema en enige andere hoofdelingen, dat hij der- gelijke opdrachten, als zij hem hebben gedaan, buiten hun goedvinden met zal aanvaarden, behalve voor het geval dat de stad Groningen hem als heer wilde huldigen.

Aelbrecht etc. doen cond allen luden, want Ayleko Ferhildema, Reyner Eysinga , Omeko Snelgherszoen, Haye Wibben, Tamme Gockinga ende Menno
Howerda ons upghedraghen hebben den eyghendom van sulken herlicheden, goeden, landen ende erven, die sy hebben ende noch vercrighen ende
becraftigen sullen tusschen der Lauwerze ende der Eemse, die ons niet toe en horen, soe hebben wy hunluden weder gheloeft ende geloven mit desen
brieve, dat wy van desen dage voerwaerts van nyemande, wie hi ware, die ons herlichede, lande, goede of erve updraghen wilden binnen den palen
voirscreven ende weder van ons te lien ontfaen, dieselve herlichede, lande, goede ende erve annemen sullen ende hun die weder verlyen buten rade
ende goetduncken onser goeder luden ende mannen voirs., uutghenomen of die stede van Groeningen ons ontfaen ende hulden wilde voer horen rechten
heer, sonder argelist. In orcunde etc. Gegeven in den Haghe upten neghenden dach in Octobri anno XCVIII.

x

x

Fonds	Oorkondenboek Groningen en Drenthe
Nr	1013
Olim	Naar een register getiteld Oostvrieslandt (A), fol. XVIII, in het rijksarchief te 's Gravenhage.
Jaar	1398
Datumcode	0910

x

x

Materiaal	papier

x

Edities	P.J. Blok e.a., Oorkondenboek van Groningen en Drente, II (Groningen 1899), nr. 1013.