| Nummer:ogd1004 | Datum:11 sept. 1398 | Overlevering:Editie | Vindplaats:Oorkondenboek Groningen en Drenthe, nr. 1004 |
Enige Oostfriese en Ommelander hoofdlingen beloven vrijheid van tol in hun gebied aan hertog Albrecht van Beieren en zijn onderdanen.
Wy, Widzel heeren Ockensoen, Volmaer Allenzoen, hoiftlude tusschen der Eemse ende der Jade, ende Aylekoe Ferhildema ende Reyner Eysinga,
hoiftlinghe tusschen der Lauwerze ende der Eemse in Oestvrieslant, doen cond allen luden, want onse lieve ende ghenedighe heere,
hertoge Aelbrecht van Beyeren, grave van Henegouwen, van Hollant, van Zeelant ende heere van Vrieslant van synre genaden ons ende onsen
nacomelingen alsulke gracie gedaen heeft mit sinen openen brieven, alse dat wy ende alle onse lude ende ondersate, gheseten in sulken landen,
als wy denselven onsen lieven heere opgedraghen hebben, tot ewighen daghen tollenvry varen sullen mit onsen scepen ende goeden voirbi alle syn
tollen in sinen landen voirscreven, soe hebben wy weder geloeft ende geloven mit desen brieve voir ons ende onsen nacomelingen onsen lieven
heere, hertogen Aelbrecht voirscreven ende sinen nacomelingen, dat alle syn lude ende ondersate, in sinen landen voirscreven geseten, tot
ewighen daghen desgheliken tollenvry varen ende keren sullen mit horen scepen ende goeden in allen onsen landen ende bedriven, die wy nu ter tyt
hebben of namels vercrighen sullen ende wy onsen lieven heere voirs. opgedraghen hebben. In kennisse der waerheit hebben wy onse seghelen
hieraen gehanghen. Gegeven opten elfsten dach in Septembri int jair ons Heren dusent drie-hondert achte ende tnegentich .
hoiftlinghe tusschen der Lauwerze ende der Eemse in Oestvrieslant, doen cond allen luden, want onse lieve ende ghenedighe heere,
hertoge Aelbrecht van Beyeren, grave van Henegouwen, van Hollant, van Zeelant ende heere van Vrieslant van synre genaden ons ende onsen
nacomelingen alsulke gracie gedaen heeft mit sinen openen brieven, alse dat wy ende alle onse lude ende ondersate, gheseten in sulken landen,
als wy denselven onsen lieven heere opgedraghen hebben, tot ewighen daghen tollenvry varen sullen mit onsen scepen ende goeden voirbi alle syn
tollen in sinen landen voirscreven, soe hebben wy weder geloeft ende geloven mit desen brieve voir ons ende onsen nacomelingen onsen lieven
heere, hertogen Aelbrecht voirscreven ende sinen nacomelingen, dat alle syn lude ende ondersate, in sinen landen voirscreven geseten, tot
ewighen daghen desgheliken tollenvry varen ende keren sullen mit horen scepen ende goeden in allen onsen landen ende bedriven, die wy nu ter tyt
hebben of namels vercrighen sullen ende wy onsen lieven heere voirs. opgedraghen hebben. In kennisse der waerheit hebben wy onse seghelen
hieraen gehanghen. Gegeven opten elfsten dach in Septembri int jair ons Heren dusent drie-hondert achte ende tnegentich .
x
| Fonds | Oorkondenboek Groningen en Drenthe |
|---|---|
| Nr | 1004 |
| Olim | Naar het origineel in het rijksarchief te 's Gravenhage, hoog 11,8, breed 29,5 cm. Ook een afschrift aldaar in een register getiteld Oostvrieslandt (A), fol. XV en in een register getiteld Oostvrieslant (B), fol. XII. Gedrukt bij Friedlaender,, Ostfr. Urkb. II no. 1710, S. 668 (oub1710). |
| Jaar | 1398 |
| Datumcode | 1109 |
x
| Commentaar | Van de vier zegels zijn 1 en 2 afgevallen. 3. vertoont op een schild, omgeven door een gothieken achthoek, een klimmende leeuw; randschrift: SIGILLVM AYLIK ... HILDERDEMA. 4. beschadigd, vertoont op een schild, omgeven door een gothieken tripas, een klimmende leeuw; randschrift: . . NERI . . . EYSINGA. |
|---|