| Nummer:ogd0994 | Datum:5 sept. 1398 | Overlevering:Editie | Vindplaats:Oorkondenboek Groningen en Drenthe, nr. 994 |
Hertog Albrecht van Beieren stelt Foye van Dockum aan tot baljuw over Achtkarspelen.
Aelbrecht etc. doen cond allen luden, dat wij bevolen hebben ende bevelen mit desen breve . . . onse bailiuscap . . . te bedriven ende te
bewaren tot onser eren ende ons ende ons lands orbaer in allen manieren, als dair toebehoirt ende een bailiu sculdich is te doen. Ende gheven
him machte scouten, scepenen, boden ende anders dienstluden binnen onsen bailiuscap voirscreven te setten ende te ontsetten, alsoe dicke alst
him nut ende orber duncken sal. Ende hi sal hebben voir syn wedde ende cost sjaers alsoevele, als onsen rade redelic duncket , ende dat hi
dairaen niet verliesen en sal. Ende hierof sal hi ons of denghenen, dien wyt bevelen sullen, goede rekeninge doen tot alre tyt, als hi des van
ons of van onsen wegen vermaent wort. Ende ombieden ende bevelen allen onsen goeden luden, binnen onsen bailiuscap voirs. geseten, dat sy onsen
bailiu voirs. onderdanich, gehulpich ende bistandich syn in allen saken, die hi van onsen wegen te doen sal hebben tot alre tyt als sy des van
him of van sinen wegen virmaent worden. Ende waer yemant, die dair overhorich in ware, dat wilden wy aen him houden ende verhalen als aen
denghenen, die ons van onsen herlichede verminderen wilde . . . Item . . . ghegeven in den Hage opten vyften dach in Septembri anno XCVIII . . .
Item desghelyx Foye van Dockem die bailiuscap van den Achtkerspelen van Oestbrocsterlant in den lande van Oestvrieslant mit horen toebehoren,
duerende van den vyften dach in Octobri anno XCVIII vier jaer lang darnaist volgende ende darentenden tot myns heren wederseggen.
bewaren tot onser eren ende ons ende ons lands orbaer in allen manieren, als dair toebehoirt ende een bailiu sculdich is te doen. Ende gheven
him machte scouten, scepenen, boden ende anders dienstluden binnen onsen bailiuscap voirscreven te setten ende te ontsetten, alsoe dicke alst
him nut ende orber duncken sal. Ende hi sal hebben voir syn wedde ende cost sjaers alsoevele, als onsen rade redelic duncket , ende dat hi
dairaen niet verliesen en sal. Ende hierof sal hi ons of denghenen, dien wyt bevelen sullen, goede rekeninge doen tot alre tyt, als hi des van
ons of van onsen wegen vermaent wort. Ende ombieden ende bevelen allen onsen goeden luden, binnen onsen bailiuscap voirs. geseten, dat sy onsen
bailiu voirs. onderdanich, gehulpich ende bistandich syn in allen saken, die hi van onsen wegen te doen sal hebben tot alre tyt als sy des van
him of van sinen wegen virmaent worden. Ende waer yemant, die dair overhorich in ware, dat wilden wy aen him houden ende verhalen als aen
denghenen, die ons van onsen herlichede verminderen wilde . . . Item . . . ghegeven in den Hage opten vyften dach in Septembri anno XCVIII . . .
Item desghelyx Foye van Dockem die bailiuscap van den Achtkerspelen van Oestbrocsterlant in den lande van Oestvrieslant mit horen toebehoren,
duerende van den vyften dach in Octobri anno XCVIII vier jaer lang darnaist volgende ende darentenden tot myns heren wederseggen.
x
| Fonds | Oorkondenboek Groningen en Drenthe |
|---|---|
| Nr | 994 |
| Olim | Naar de minuut in een quarto register, getiteld Bevelinge II, fol. LXIIIro et vo in het rijksarchief te 's Gravenhage. |
| Jaar | 1398 |
| Datumcode | 0509 |