| Nummer:ogd0931 | Datum:1 juni 1396 | Overlevering:Editie | Vindplaats:Oorkondenboek Groningen en Drenthe, nr. 931 |
De Hertog van Gelre schrijft wederom aan de Bisschop van Utrecht over dezelfde zaak als in ogd0926 van 25 april 1396.
Den eerweerdighen in Gode vader ende heren, onsen lieven gheminden neven, heren Frederic bisscop tot Utrecht. Eerweerdighe lieve ende gheminde
neve, want in der veden ende orloghe tusschen u, uwen gestichte ende hulperen an die eyn zide ende die van Kovorden, van Bronchorst ende horen
hulperen an die ander zide ons ind onsen lande over onse straet ende stroem groet schade gheschiet is, dat ons nyet langer te liden en stiet,
daeromme, lieve ende gheminde neve, wi u bidden ende begere, dat ghi voertmeer verhoet ende verwaert, verhoeden ende verwaren doet, dat des nyet
meer en gesche van u, uwen gesticht ende hulperen, want weert, lieve neve, dat hiirenbaven ons of onse lande van u, uwen ghesticht ende hulperen
schade gheschiede of doer onse lande schade ghedaen worde, daer stont ons onsen raet up te hebben. Ende wy hebben mede onsen amptluden mit allen
onsen erenste bevolen, of van enigherhande van u bede partyen ende hulperen vorg. enighe angriip of schade geschiede yn of doer onse lande, dat
sie dat mit onsen onderzaten ende mit hoerre alinger macht van horen ampt soelen weren ende keren ende dieghene, die dat deden, tot onser behoef
zeker te ziin ende te behalden ende daeromme, lieve neve, so wilt u hiiryn ten besten bewisen als wi u toebetruwen ende ons nyet sparen, oft wy
yet vermochten, dat ghi woldt. Ende wi hebben van den vorg. zaken uwer wederpartyen onse meyninge doen schriven als wy erenstlixste mochten.
Lieve neve, God bewaer ju zelich ende gesont. Gegeven tot Arnhem up des Sacramentsdach. Hertoghe van Gelre ende van Guylich ende greve van
Zutphen.
neve, want in der veden ende orloghe tusschen u, uwen gestichte ende hulperen an die eyn zide ende die van Kovorden, van Bronchorst ende horen
hulperen an die ander zide ons ind onsen lande over onse straet ende stroem groet schade gheschiet is, dat ons nyet langer te liden en stiet,
daeromme, lieve ende gheminde neve, wi u bidden ende begere, dat ghi voertmeer verhoet ende verwaert, verhoeden ende verwaren doet, dat des nyet
meer en gesche van u, uwen gesticht ende hulperen, want weert, lieve neve, dat hiirenbaven ons of onse lande van u, uwen ghesticht ende hulperen
schade gheschiede of doer onse lande schade ghedaen worde, daer stont ons onsen raet up te hebben. Ende wy hebben mede onsen amptluden mit allen
onsen erenste bevolen, of van enigherhande van u bede partyen ende hulperen vorg. enighe angriip of schade geschiede yn of doer onse lande, dat
sie dat mit onsen onderzaten ende mit hoerre alinger macht van horen ampt soelen weren ende keren ende dieghene, die dat deden, tot onser behoef
zeker te ziin ende te behalden ende daeromme, lieve neve, so wilt u hiiryn ten besten bewisen als wi u toebetruwen ende ons nyet sparen, oft wy
yet vermochten, dat ghi woldt. Ende wi hebben van den vorg. zaken uwer wederpartyen onse meyninge doen schriven als wy erenstlixste mochten.
Lieve neve, God bewaer ju zelich ende gesont. Gegeven tot Arnhem up des Sacramentsdach. Hertoghe van Gelre ende van Guylich ende greve van
Zutphen.
x
| Fonds | Oorkondenboek Groningen en Drenthe |
|---|---|
| Nr | 931 |
| Olim | Naar een afschrift in het register Inv. no. 1607, fol. 118vo (Inv. Bijl. 218) in het gemeentearchief te Deventer. |
| Jaar | 1396 |
| Datumcode | Sacram |