| Nummer:ogd0926 | Datum:25 april1396 | Overlevering:Editie | Vindplaats:Oorkondenboek Groningen en Drenthe, nr. 926 |
De Hertog van Gelre schrijft aan Frederik, bisschop van Utrecht, dat hij in diens twist met Reinold van Coevorden neutraal wil blijven.
Den eerweerdighen in Gode vader ende heren, onsen lieven gheminden neven, heren Frederic, bisscop tot Utrecht. Eerweerdighe lieve ende geminde
neve, want gy mit uwen ghesticht ende mit uwen vrienden theghen Reynart van Covorden ende sinen vrienden te orloge komen siit, dat ons, onsen
lande, luden ende onderzaten te groten hinder ende schaden koemt ende komen mach, so sin wy mit onsen rade ende vrienden daeromme overkomen, dat
wy van gheynre siden van ju beiden partyen vorg. yn onsen lande enich ghehaldt of ghejaghet willen hebben of dat die eyn den anderen yn of uyt
onsen lande of daeryn gheynrewijs enighe schade doen sal. Ende wy hebben hiirop Reynart van Covorden ende sinen vrienden onsen brief gesant ,
daeryn wy hem als vors. is doen schriven, ende begheren daerom van ju, dat ghi mit uwen ghesticht, vrienden ende hulperen in desen orloghe mit
erenste doen ende verwaren wilt alse vors. is, also dat van uwer partyen ende hulperen nyet ghejaghet of ghehalden en weerde in onsen lande ende
dat sy yn of uyt onsen lande of daerdoer ghenen schade en doen in enigerwijs. Ende wi hebben onsen amptluden mit allen onsen erenste bevalen,
dat sy dieghene, die hiirenteghen alse vors. is in enigerwijs deden, halden ende mechtich siin ende in onser zeker behaldt tot onser behoef
brengen, want wi van dien als van onsen ontsegheden vianden ghebetert willen hebben. Ende of wi, lieve neve, in enighen anderen zaken yet
vermochten, dat u lief were, daeran en wilt ons nyet sparen. God beware ju, lieve ende gheminde neve, lanchlivich, zelich ende ghezont.
Ghegheven tot Wilp des Dinxdaghes post Dominicam Jubilate. Hertoghe van Gelre ende van Guylich ende greve van Zutphen .
neve, want gy mit uwen ghesticht ende mit uwen vrienden theghen Reynart van Covorden ende sinen vrienden te orloge komen siit, dat ons, onsen
lande, luden ende onderzaten te groten hinder ende schaden koemt ende komen mach, so sin wy mit onsen rade ende vrienden daeromme overkomen, dat
wy van gheynre siden van ju beiden partyen vorg. yn onsen lande enich ghehaldt of ghejaghet willen hebben of dat die eyn den anderen yn of uyt
onsen lande of daeryn gheynrewijs enighe schade doen sal. Ende wy hebben hiirop Reynart van Covorden ende sinen vrienden onsen brief gesant ,
daeryn wy hem als vors. is doen schriven, ende begheren daerom van ju, dat ghi mit uwen ghesticht, vrienden ende hulperen in desen orloghe mit
erenste doen ende verwaren wilt alse vors. is, also dat van uwer partyen ende hulperen nyet ghejaghet of ghehalden en weerde in onsen lande ende
dat sy yn of uyt onsen lande of daerdoer ghenen schade en doen in enigerwijs. Ende wi hebben onsen amptluden mit allen onsen erenste bevalen,
dat sy dieghene, die hiirenteghen alse vors. is in enigerwijs deden, halden ende mechtich siin ende in onser zeker behaldt tot onser behoef
brengen, want wi van dien als van onsen ontsegheden vianden ghebetert willen hebben. Ende of wi, lieve neve, in enighen anderen zaken yet
vermochten, dat u lief were, daeran en wilt ons nyet sparen. God beware ju, lieve ende gheminde neve, lanchlivich, zelich ende ghezont.
Ghegheven tot Wilp des Dinxdaghes post Dominicam Jubilate. Hertoghe van Gelre ende van Guylich ende greve van Zutphen .
x
| Fonds | Oorkondenboek Groningen en Drenthe |
|---|---|
| Nr | 926 |
| Olim | Naar een afschrift in het register no. 1607, fol. 120vo (Inv. Bijl. blz. 218) in het gemeentearchief te Deventer. |
| Jaar | 1396 |
| Datumcode | MpJubila |