| Nummer:ogd0916 | Datum:31 dec. 1395 | Overlevering:Editie | Vindplaats:Oorkondenboek Groningen en Drenthe, nr. 916 |
Frederik van Blankenheim, bisschop van Utrecht, stelt Zweder van Rechteren aan tot ambtman van Coevorden en Drente en geeft omtrent dat ambt enige voorschriften.
Frederic van Blanckenhem, bi der ghenaden Godes bisscop tUtrecht, maken kond allen laden, want onse gestichte groet hinder ende afterdeel
tocomen is overmids ontrouwe ende versumenisse der amptlude, die in voertiden op onsen hues ende slote te Coeverden hebben geseten, soedat
datselve onse hues ende slot ende oec onse land van Drenthe daermede lange tijt van onsen gestichte ghedwaelt ende vervreemt gheweest hebben,
die wi mit vele arbeits ende mit zwaren cost van besette ende orloge mit hulpe onss gemenen landes weder ynghewonnen ende bekrechtighet hebben,
soe hebben wy om sulken hinder ende bezwaernisse meer te verhueden ende te bezorghen, dat onse gestichte overmids versumenisse des vors. onses
slotes tot Coeverden nyet ontledet en weerde, anghesien gelove ende trouwe dienst, die onse lieve getruwe Zweder van Rechter ons ende onsen
gestichte dicke bewiist ende gedaen heeft, ende hebben dienselven Zweder bi rade ende guetduncken onser vriende ende sonderlinge onser drier
hoeftsteden van Zalland, als Deventer, Campen ende Zwolle, ende bi consent der wiisheit onss landes van Drenthe gemaket onsen castelleyn tot
Coeverden, ende hebben hem bevolen ende bevelen mit desen brieve onse borgh, hues ende stat tot Coverden ende onse schoutampte in Drenthe mit
alle horen toebehoren van onser ende onss ghestichts wegen truwelic te besorgen, te regieren ende te verwaren sonder gelt daerup te lenen of
opslach te maken, ten were bij onsen sonderlingen bevelen mit wille ende consent onser drier steden vors. Ende dieselve Zweder of siin
erfgenamen, gebreke siins, solen ons of onsen nacomelingen, bisscopen tUtrecht, guede bescheide rekeninge doen van allen renthen, vervalle,
broeken ende upcomingen vors. elx jaers ten mynsten eens als een guet amptman schuldich is te doen. Ende weert dat wi eer gerekent wolden
hebben, dat zolde hy doen binnen den iirsten zess weken na dien daghe, dat wyt hem leten weten. Mer hiiraf is te verstaen, dat wi mit onsen
drien steden vors. ons versonnen hebben up die gheleghenheit der zaken, die wi noch van Coeverden in handen hebben, ende hebben angesien den
last van den orloghe, daer wi noch in sin van denselven zaken, soedat men noch ter tiit tot Coevorden daghelix groten cost doen moet om der vede
willen vors., ende dat oec noet is dat hues, die borgh ende stat tot Coeverden mit tymmeringen te beteren ende te vesten, dat Zweder vors. van
den renthen ende vervalle, die daertoe horen, alleyn nyet wal gedoen en kan, hy en moet daer meer guets toe verleggen, Ende want nyet redelic en
were, dat die vors. Zweder of siin erfgenamen des gestichts slote tymeren of sulken cost, als daerup noet were te holden, doen solden van hoers
selves guede, soe hebben wy bi consent ende wille onser drier steden vors. denselven Zweder bevolen ende bevelen mit desen brieve onse hues,
borghe ende stat van Coeverden mit luden ende cost te besorghen ende mit tymmeringen te vesten ende te verbeteren als des noet ende ons daerynne
te verleggen ofte des behoef is, boven den renthen ende vervallen, die daertoe horen, tot eenre summen toe van dusent olden Vrancrixschen
schilden of daerenbinnen mer nyet daerbaven, tot gueder rekeningen, die hy daeraf doen sal voer ons, daer wy die schepene van onsen vorgen.
steden bi solen eyschen te komen Ende in deser maten sal die cost tot Coeverden onse wesen tusschen hiir ende Paesschen nu naestcomende, ende
die sal Zweder vors. van onser wegen in derselver maten uytdoen ende verleggen, ende daerentendens moghen wi een ander zatinge van den cost
maken, alst ons dan nuttest sal duncken wesen. Ende soewes ons Zweder vors. verleecht ende uytdoet in der cost ende tymmeringen vors. tot der
vorgen. summen toe, daervoer sal hy of siin erfghenamen, ghebreke siins, sitten up den hues, borgh ende stat vors. mitten ampte, dat daertoe
behoert, ende die onderhebben, soedat wi noch onse nacomelinge, bisscope tUtrecht, hem noch siin erfgenamen daeraf nyet en solen ontsetten noch
doen ontsetten noch in gheenrewys daeran vercorten, thent dier tijt dat hem daeraf al voldaen is die lesten penning mit den iirsten te gueder
rekeningen, alse vors. is Voert sint vorwarden, weert dat wi aflivich of in een ander ghesticht transferiert worden, diewile dat Zweder
castelleyn ende amptman tot Coeverde is, alsdat hi noch sine erfgenamen, gebreke siins, dat hues, borgh ende stat tot Coverden in nyemants hand
brengen en sal, ten-sy bi rade ende ghehiete onser vorg. steden breve gegeven ende beseghelt hedde van allen punten ende in derselver formen als
die breve, die wi hem van den huys, borgh ende stat van Coeverden besegelt gegeven hebben, inholden ende begrepen hebben. Ende ghevielt, dat wi
Zweder vors. ontsetten ende enen anderen castelleyn ende amptman weder in siin stede setten wolden, soe en sal dieselve Zweder nochtant dat
vors. hues, borgh ende stat tot Coeverden nyet overleveren voer dier tijt, dat die castelleyn ende amptman, die na hem queme, onsen steden vors.
brieve gegeven ende besegelt hedde, inholdende in alle der manieren als hem Zweder daeraf nu gheven ende beseghelen sal. Ende wanneer onse stede
vors. sulke brieve hedden van onsen nacomelingen , bisscope tUtrecht, ende van den castelleyn ende amptman , die na Zweder comen solde, elic na
sinen beloep als dat behoerlic were, so mochte ende solde Zweder vors., als hem na den vorwarden, dat hi thuys ende ampte van Covorden ontfangen
heft, als vors. is, voldaen were, datselve hues, borch ende stat tot behoef onss gestichts overleveren onsen nacomelingen of den amptman vors.
daer voert omme mede te ghane, alse dat geboerde, na inghehalt der breve vors. Voert sint vorwarde, dat Zweder vors. alletijt, diewile hi onse
castelleyn ende amptman toe Coverde is, helpen sal na al siinre macht onse land van Zalland beschudden voer roef, voer brant ende vor alle
gheweltlike zaken mit alle denghenen, die hy daertoe bidden of ghebieden kan, sonder enigherhande argelist. Voert zint vorwarden, weert dat wi
Zweder vors. of siin erfghenamen, ghebreke siins, van der vors. castelleynschap ende ampte ontsetten wolden, of dat sie daeraf ontset wolden
wesen, dat solen wi hem of sie ons drie maende te voeren doen te weten, ende daerenbinnen solen wi hem voldoen van dien, dat hem dan ontbrake
ende afterstedich were, na alre manieren ende vorwarden alse vors stiet. In orconde des briefs besegelt mit onsen segel. Gegeven int jaer ons
Heren MCCCXCVI des lesten dages van der maent December.
tocomen is overmids ontrouwe ende versumenisse der amptlude, die in voertiden op onsen hues ende slote te Coeverden hebben geseten, soedat
datselve onse hues ende slot ende oec onse land van Drenthe daermede lange tijt van onsen gestichte ghedwaelt ende vervreemt gheweest hebben,
die wi mit vele arbeits ende mit zwaren cost van besette ende orloge mit hulpe onss gemenen landes weder ynghewonnen ende bekrechtighet hebben,
soe hebben wy om sulken hinder ende bezwaernisse meer te verhueden ende te bezorghen, dat onse gestichte overmids versumenisse des vors. onses
slotes tot Coeverden nyet ontledet en weerde, anghesien gelove ende trouwe dienst, die onse lieve getruwe Zweder van Rechter ons ende onsen
gestichte dicke bewiist ende gedaen heeft, ende hebben dienselven Zweder bi rade ende guetduncken onser vriende ende sonderlinge onser drier
hoeftsteden van Zalland, als Deventer, Campen ende Zwolle, ende bi consent der wiisheit onss landes van Drenthe gemaket onsen castelleyn tot
Coeverden, ende hebben hem bevolen ende bevelen mit desen brieve onse borgh, hues ende stat tot Coverden ende onse schoutampte in Drenthe mit
alle horen toebehoren van onser ende onss ghestichts wegen truwelic te besorgen, te regieren ende te verwaren sonder gelt daerup te lenen of
opslach te maken, ten were bij onsen sonderlingen bevelen mit wille ende consent onser drier steden vors. Ende dieselve Zweder of siin
erfgenamen, gebreke siins, solen ons of onsen nacomelingen, bisscopen tUtrecht, guede bescheide rekeninge doen van allen renthen, vervalle,
broeken ende upcomingen vors. elx jaers ten mynsten eens als een guet amptman schuldich is te doen. Ende weert dat wi eer gerekent wolden
hebben, dat zolde hy doen binnen den iirsten zess weken na dien daghe, dat wyt hem leten weten. Mer hiiraf is te verstaen, dat wi mit onsen
drien steden vors. ons versonnen hebben up die gheleghenheit der zaken, die wi noch van Coeverden in handen hebben, ende hebben angesien den
last van den orloghe, daer wi noch in sin van denselven zaken, soedat men noch ter tiit tot Coevorden daghelix groten cost doen moet om der vede
willen vors., ende dat oec noet is dat hues, die borgh ende stat tot Coeverden mit tymmeringen te beteren ende te vesten, dat Zweder vors. van
den renthen ende vervalle, die daertoe horen, alleyn nyet wal gedoen en kan, hy en moet daer meer guets toe verleggen, Ende want nyet redelic en
were, dat die vors. Zweder of siin erfgenamen des gestichts slote tymeren of sulken cost, als daerup noet were te holden, doen solden van hoers
selves guede, soe hebben wy bi consent ende wille onser drier steden vors. denselven Zweder bevolen ende bevelen mit desen brieve onse hues,
borghe ende stat van Coeverden mit luden ende cost te besorghen ende mit tymmeringen te vesten ende te verbeteren als des noet ende ons daerynne
te verleggen ofte des behoef is, boven den renthen ende vervallen, die daertoe horen, tot eenre summen toe van dusent olden Vrancrixschen
schilden of daerenbinnen mer nyet daerbaven, tot gueder rekeningen, die hy daeraf doen sal voer ons, daer wy die schepene van onsen vorgen.
steden bi solen eyschen te komen Ende in deser maten sal die cost tot Coeverden onse wesen tusschen hiir ende Paesschen nu naestcomende, ende
die sal Zweder vors. van onser wegen in derselver maten uytdoen ende verleggen, ende daerentendens moghen wi een ander zatinge van den cost
maken, alst ons dan nuttest sal duncken wesen. Ende soewes ons Zweder vors. verleecht ende uytdoet in der cost ende tymmeringen vors. tot der
vorgen. summen toe, daervoer sal hy of siin erfghenamen, ghebreke siins, sitten up den hues, borgh ende stat vors. mitten ampte, dat daertoe
behoert, ende die onderhebben, soedat wi noch onse nacomelinge, bisscope tUtrecht, hem noch siin erfgenamen daeraf nyet en solen ontsetten noch
doen ontsetten noch in gheenrewys daeran vercorten, thent dier tijt dat hem daeraf al voldaen is die lesten penning mit den iirsten te gueder
rekeningen, alse vors. is Voert sint vorwarden, weert dat wi aflivich of in een ander ghesticht transferiert worden, diewile dat Zweder
castelleyn ende amptman tot Coeverde is, alsdat hi noch sine erfgenamen, gebreke siins, dat hues, borgh ende stat tot Coverden in nyemants hand
brengen en sal, ten-sy bi rade ende ghehiete onser vorg. steden breve gegeven ende beseghelt hedde van allen punten ende in derselver formen als
die breve, die wi hem van den huys, borgh ende stat van Coeverden besegelt gegeven hebben, inholden ende begrepen hebben. Ende ghevielt, dat wi
Zweder vors. ontsetten ende enen anderen castelleyn ende amptman weder in siin stede setten wolden, soe en sal dieselve Zweder nochtant dat
vors. hues, borgh ende stat tot Coeverden nyet overleveren voer dier tijt, dat die castelleyn ende amptman, die na hem queme, onsen steden vors.
brieve gegeven ende besegelt hedde, inholdende in alle der manieren als hem Zweder daeraf nu gheven ende beseghelen sal. Ende wanneer onse stede
vors. sulke brieve hedden van onsen nacomelingen , bisscope tUtrecht, ende van den castelleyn ende amptman , die na Zweder comen solde, elic na
sinen beloep als dat behoerlic were, so mochte ende solde Zweder vors., als hem na den vorwarden, dat hi thuys ende ampte van Covorden ontfangen
heft, als vors. is, voldaen were, datselve hues, borch ende stat tot behoef onss gestichts overleveren onsen nacomelingen of den amptman vors.
daer voert omme mede te ghane, alse dat geboerde, na inghehalt der breve vors. Voert sint vorwarde, dat Zweder vors. alletijt, diewile hi onse
castelleyn ende amptman toe Coverde is, helpen sal na al siinre macht onse land van Zalland beschudden voer roef, voer brant ende vor alle
gheweltlike zaken mit alle denghenen, die hy daertoe bidden of ghebieden kan, sonder enigherhande argelist. Voert zint vorwarden, weert dat wi
Zweder vors. of siin erfghenamen, ghebreke siins, van der vors. castelleynschap ende ampte ontsetten wolden, of dat sie daeraf ontset wolden
wesen, dat solen wi hem of sie ons drie maende te voeren doen te weten, ende daerenbinnen solen wi hem voldoen van dien, dat hem dan ontbrake
ende afterstedich were, na alre manieren ende vorwarden alse vors stiet. In orconde des briefs besegelt mit onsen segel. Gegeven int jaer ons
Heren MCCCXCVI des lesten dages van der maent December.
x
| Fonds | Oorkondenboek Groningen en Drenthe |
|---|---|
| Nr | 916 |
| Olim | Naar het afschrift, voorkomende in de oorkonde van 31 December 1395, no. 917. |
| Jaar | 1395 |
| Datumcode | 3112 |