| Nummer:ogd0909 | Datum:31 okt. 1395 | Overlevering:Editie | Vindplaats:Oorkondenboek Groningen en Drenthe, nr. 909 |
Frederik van Blankenheim, bisschop van Utrecht, verklaart aan de stad Groningen vrijdom van tol te hebben verleend en haar rechten te zullen eerbiedigen, mits, zij tegenover hem en het Sticht hetzelfde doet.
Frederic, bi der genaden Goeds bisscop tUtrecht, maken kond allen luden, dat wy mit gansen berade ende gueden voersinnen omme ruste ,
gunste ende eendrechticheit in onsen lande mit onsen luden ende mit denghenen, die by onsen lande sijn gelegen, te maken ende te holden
gegeven hebben ende geven mit desen brieve onsen lieven getruwen borghermeystere ende raet ende den gemenen burgeren onser stat van Groninghen, als dat sy tollenvry varen soelen in onse gestichte van Utrecht gelijc anders onsen gestichts luden. Ende wy soelen dieselve onse stat van Groninghen laten in alle horen olden rechte sonder enich verkorten ende wesen hem gunstich tot horen rechte in alien saken . Voirt sal onse huys tot Covoerden altijt wesen ende bliven een trouwe voerpoerte alre vryer Vryesen. Voirtmer so hebben wy onser stat van Groningen voirs. geconfirmiert ende gestedicht, confirmieren ende stedigen alle alsulke brieve als wilnere die van Covoerden, onse land van Drenthe ende onse stat van Groningen voirs. in voirtiden malcanderen hebben besegelt gegeven, in hoerre macht te bliven, ende die soelen wy ende onse amptman van Covoerden holden in alre maten als sij begrepen hebben, beholdelic ons ende onsen gestichte, dat die voirgenoemde onse stat van Groningen ons weder doen sal, dat sij ons mit recht schuldich is te doen, ende dat sy onsen voervaerren, bisscope tUtrecht, voertijds gedaen hebben, sonder enigerhande argelist. In orkonde ende tuychnisse der waerheyt hebben wy onsen segel voir ons ende onse nacomelinge an desen brief doen hangen. Gegeven tot Zwolle int jaer ons Heren dusent driehondert vyve ende tnegentich up Alreheiligen avonde , Presentibus de consilio domino Wilhelmo de Renen, scolastico Trajectensi, Swedero de Rechter, Everardo Freyse et Gerardo Comhaer .
gunste ende eendrechticheit in onsen lande mit onsen luden ende mit denghenen, die by onsen lande sijn gelegen, te maken ende te holden
gegeven hebben ende geven mit desen brieve onsen lieven getruwen borghermeystere ende raet ende den gemenen burgeren onser stat van Groninghen, als dat sy tollenvry varen soelen in onse gestichte van Utrecht gelijc anders onsen gestichts luden. Ende wy soelen dieselve onse stat van Groninghen laten in alle horen olden rechte sonder enich verkorten ende wesen hem gunstich tot horen rechte in alien saken . Voirt sal onse huys tot Covoerden altijt wesen ende bliven een trouwe voerpoerte alre vryer Vryesen. Voirtmer so hebben wy onser stat van Groningen voirs. geconfirmiert ende gestedicht, confirmieren ende stedigen alle alsulke brieve als wilnere die van Covoerden, onse land van Drenthe ende onse stat van Groningen voirs. in voirtiden malcanderen hebben besegelt gegeven, in hoerre macht te bliven, ende die soelen wy ende onse amptman van Covoerden holden in alre maten als sij begrepen hebben, beholdelic ons ende onsen gestichte, dat die voirgenoemde onse stat van Groningen ons weder doen sal, dat sij ons mit recht schuldich is te doen, ende dat sy onsen voervaerren, bisscope tUtrecht, voertijds gedaen hebben, sonder enigerhande argelist. In orkonde ende tuychnisse der waerheyt hebben wy onsen segel voir ons ende onse nacomelinge an desen brief doen hangen. Gegeven tot Zwolle int jaer ons Heren dusent driehondert vyve ende tnegentich up Alreheiligen avonde , Presentibus de consilio domino Wilhelmo de Renen, scolastico Trajectensi, Swedero de Rechter, Everardo Freyse et Gerardo Comhaer .
x
| Fonds | Oorkondenboek Groningen en Drenthe |
|---|---|
| Nr | 909 |
| Olim | Naar het origineel (A) in het rijksarchief te Groningen (Reg. 1395, no. 2), hoog 16, breed 31,5 cm. Ook in Div. I van Fred. de Blankenheim (B), fol. Io6 (rijksarchief te Utrecht). Gedrukt bij Driessen, biz. 476. |
| Jaar | 1395 |
| Datumcode | vOmnSan |