| Nummer:ogd0904 | Datum:9 febr. 1395 | Overlevering:Editie | Vindplaats:Oorkondenboek Groningen en Drenthe, nr. 904 |
Johan Meyenberch verklaart, dat Evert van Hekeren, heer van Almelo, hem voor alle hem toegebrachte leed en schade heeft voldaan.
Johan Meyenberch anders gheheten Braetmussche, doe kont ende kenlich allen luden, bekenne ende betuge apenbaere in dessen apenen breve
voer mij ende voer mijne erfgenamen, dat mij Everd van Hekere, here tod Almeloe, knape, vuldaen ende wal betaelt hevet van alsulker venckenisse
ende schattynghe ende van aller verlust, die ic bi hem geleden hebbe, doe ic lestwerf nederlach ende gevanghen waert toe Kovorden, ende schelde Everde vors. ende sinen erfgenamen van dier gevenckenisse ende van aller verlust, die ic geleden hebbe alse vors. is quijt, ledich ende los vor mij ende voer mijnen erfgenamen. Ende weert sake dat Everde vors. of sinen erfgenamen enighe manynghe of aensprake gheschiede, daer sal ic oft mijn erfgenamen hem ofte sinen erfgenamen verantworden ende af ontheffen sonder arghelist. Al desse vors. punten heb ic, Johan vors., gelavet ende ghezekert an gueden trouwen ende aver den helghen gezwaren mit upgherichten vyngheren ende mit gestaefden eede stede vast ende untobroken toe hoeldene Everde vors. ende sinen erfgenamen. Daer dit gheschede daer weren aver ende an Everd van Heest, her Ghereyt priester, vycarius tod Almeloe, Gheerd Aboede ende Koenraed Bry ende anders vele gueder lude genoech. In oerconde des, want ic, Johan vors., zelven gheen zegel en hebbe, soe heb ic gebeden Dyrcke Bobbenorys desen brief over mij toe bezegelen. Ende ic, Dyrck vors., enkenne, dat ic hyrmede aver ende an geweest hebbe, ende hebbe mijn zegel umme bede willen Johans vors. an desen brief ghehanghen. Ghegeven in den jaer ons Heren dusend dryehondert vijf ende neghentich up sente Julianusdach.
voer mij ende voer mijne erfgenamen, dat mij Everd van Hekere, here tod Almeloe, knape, vuldaen ende wal betaelt hevet van alsulker venckenisse
ende schattynghe ende van aller verlust, die ic bi hem geleden hebbe, doe ic lestwerf nederlach ende gevanghen waert toe Kovorden, ende schelde Everde vors. ende sinen erfgenamen van dier gevenckenisse ende van aller verlust, die ic geleden hebbe alse vors. is quijt, ledich ende los vor mij ende voer mijnen erfgenamen. Ende weert sake dat Everde vors. of sinen erfgenamen enighe manynghe of aensprake gheschiede, daer sal ic oft mijn erfgenamen hem ofte sinen erfgenamen verantworden ende af ontheffen sonder arghelist. Al desse vors. punten heb ic, Johan vors., gelavet ende ghezekert an gueden trouwen ende aver den helghen gezwaren mit upgherichten vyngheren ende mit gestaefden eede stede vast ende untobroken toe hoeldene Everde vors. ende sinen erfgenamen. Daer dit gheschede daer weren aver ende an Everd van Heest, her Ghereyt priester, vycarius tod Almeloe, Gheerd Aboede ende Koenraed Bry ende anders vele gueder lude genoech. In oerconde des, want ic, Johan vors., zelven gheen zegel en hebbe, soe heb ic gebeden Dyrcke Bobbenorys desen brief over mij toe bezegelen. Ende ic, Dyrck vors., enkenne, dat ic hyrmede aver ende an geweest hebbe, ende hebbe mijn zegel umme bede willen Johans vors. an desen brief ghehanghen. Ghegeven in den jaer ons Heren dusend dryehondert vijf ende neghentich up sente Julianusdach.
x
| Fonds | Oorkondenboek Groningen en Drenthe |
|---|---|
| Nr | 904 |
| Olim | Naar het origineel op het huis Almeloo, hoog 8,5, breed 27,5 cm. Verg. Nijhoff, Bijdragen N. R., I, blz. 142. |
| Jaar | 1395 |
| Datumcode | Juliai |
x
| Commentaar | Aan het stuk hangt een rond zegel in groene was, vertonende een huismerk; randschrift onleesbaar. |
|---|