| Nummer:ogd0880 | Datum:einde april 1395 | Overlevering:Editie | Vindplaats:Oorkondenboek Groningen en Drenthe, nr. 880 |
De stad Kampen schrijft aan Reynold van Coevorden, dat zij tegen hem de zijde van de Bisschop van Utrecht kiest.
Wetet, Reynolt van Covorde, want onse lieve here van Utrecht staet na sinen huys ende borch tho Covorde mit sinen tobehoern dat to loesen ende
in to wijnnen, ende omdat van uwer weghen untholden waert ende wi onsen lieven heren van Utrecht liever hebben dan u, soe wille wy,
burgermeister ende scepene ende raede ende die ghemeene burgere der stad van Campen, ende al onse ondersaeten ende knechten omme sinen wille u
vyand wesen ende alle derghienre, die em des huses ende borch to Covorde onderwinden te holden teghen onsen heren ende derghienre, die wy mit
rechte op u veden moghen, ende willen des onse ere teghen u wel verwaerd hebben. In tuchnisse des, zo hebben wy onser stad secreet hiir beneden
up ghedruct. Int jaer van XCV .
in to wijnnen, ende omdat van uwer weghen untholden waert ende wi onsen lieven heren van Utrecht liever hebben dan u, soe wille wy,
burgermeister ende scepene ende raede ende die ghemeene burgere der stad van Campen, ende al onse ondersaeten ende knechten omme sinen wille u
vyand wesen ende alle derghienre, die em des huses ende borch to Covorde onderwinden te holden teghen onsen heren ende derghienre, die wy mit
rechte op u veden moghen, ende willen des onse ere teghen u wel verwaerd hebben. In tuchnisse des, zo hebben wy onser stad secreet hiir beneden
up ghedruct. Int jaer van XCV .
x
| Fonds | Oorkondenboek Groningen en Drenthe |
|---|---|
| Nr | 880 |
| Olim | Naar een 15de eeuws afschrift in het Collectorium, fol. 355vo in het gemeentearchief te Kampen (Reg. I, no. 312). |
| Jaar | 1395 |