| Nummer:ogd0878 | Datum:25 april 1395 | Overlevering:Editie | Vindplaats:Oorkondenboek Groningen en Drenthe, nr. 878 |
Frederik van Blankenheim, bisschop van Utrecht, verklaart van de stad Kampen een zekere som te hebben geleend, waarvoor hij de tol en de gruit aldaar te pand heeft.
Frederick van Blanckenhem, by der genaden Goids bisscop tUtrecht, maken kont allen luden, want Reynolt van Covorden mit synen vrienden ons ende
onser kercken onse huus ende borch tot Coevorden mit hoeren toebehoeren, die by tyde onser voirvaere, bisscope tUtrecht, verdwaelt ende
vervreemt heeft geweest, mit gewelt ontholt ende en wil ons dair geen recht aen bekennen, soe hebben wy aengenoemen die gewelt te weederstaen
ende onser kercken recht te vorderen ende dat voirs. huus weeder aen onse gestichte te brengen nae onser macht. Ende want wy omme desser saken
wille zwaer oirlige bestaen ende groten cost doen moeten, die wy van onss gestichts renthen alleen nyet vervallen noch verleggen en konnen
sonder hulpe van onsen vrienden, soe hebben wy gebeden die eersame wyse luden scepen ende rait onser stad van Campen, dat sie ons in desen
noetsaken, als onss gestichts palen in te werven ende gewelt uut onsen lande des te bet te doen, geleent ende gedaen hebben negenhondert ende
sevenentseventich oelde vrancrixe schilde oft goet gelijc ende weerd paeyment dairvoir, die wy hem geloeft hebben ende laeven guetlike weeder te
betalen op Meydach naestcomende over een jair nae datum des briefs sonder enich vertreck. Ende weert sake dat wy des nyet en deden ende in der
betalinge als voirs. is versuemelich worden, soe hebben wy voir ons ende onse naecomelinge, biscope tUtrecht, die eersame scepen ende raet onser
stat voirs. gesat ende setten hem mit dessen brieve onse tollen ende gruyt bijnnen Campen, die jaerlix op te boeren ende in te behoelden, soe
wes dairaf coempt sonder afslach, ende oic nyemant over te leveren, eer der tijt dat hem die voirs. summe gelds alinge ende al betaelt wort, die
leste pennijnge mitten ieersten, alsoe te verstaen, dat men hem nyet afslaen noch corten en sal aen den hoeftstoel voirs. enich gelt of gued,
dat sy van der gruut ende tolle voirs. hierenbijnnen soelen boeren. Voirt want wy, Gerijt Comhair, onsen renthmeister in der tijt in Sallant,
gesat hebben ynne alle onse renthen in Sallant, soe en sal hy nochtant geenrehande aensprake hebben of renthen boeren van tolle ende gruut
bijnnen Campen of wy in der betalinge als voirs. is versumelich worden, die voirs. summe gelds en sy hem alinch betaelt als voirs. is. Ende
weert dat wy eenen anderen rentmeister in Sallant satten, die solde den scepen ende raede voirs. syne brieve geven ende geldenen, dat hy hem die
tolle ende gruet voirs. nyet onderweynden en solde, eer dier tijt dat den scepenen ende raet voirs. die voirs. summe gelts betaelt weer als
voirs. is, alle argeleyst uutgeseecht. Hier weeren over ende aen die eerbere heer Willam van Renen, scolaster onser kercken ten Doem tUtrecht,
Sweeder van Rechter ende Henric die Sure, onse raide ende vriende, ende anders goeder lude genoech. In orkonde dess briefs besegelt mit onsen
segel. Gegeven tot Deventer int jair onss Heren MCCC vijfentnegentich des vijf ende twintichste dages in Aprille .
onser kercken onse huus ende borch tot Coevorden mit hoeren toebehoeren, die by tyde onser voirvaere, bisscope tUtrecht, verdwaelt ende
vervreemt heeft geweest, mit gewelt ontholt ende en wil ons dair geen recht aen bekennen, soe hebben wy aengenoemen die gewelt te weederstaen
ende onser kercken recht te vorderen ende dat voirs. huus weeder aen onse gestichte te brengen nae onser macht. Ende want wy omme desser saken
wille zwaer oirlige bestaen ende groten cost doen moeten, die wy van onss gestichts renthen alleen nyet vervallen noch verleggen en konnen
sonder hulpe van onsen vrienden, soe hebben wy gebeden die eersame wyse luden scepen ende rait onser stad van Campen, dat sie ons in desen
noetsaken, als onss gestichts palen in te werven ende gewelt uut onsen lande des te bet te doen, geleent ende gedaen hebben negenhondert ende
sevenentseventich oelde vrancrixe schilde oft goet gelijc ende weerd paeyment dairvoir, die wy hem geloeft hebben ende laeven guetlike weeder te
betalen op Meydach naestcomende over een jair nae datum des briefs sonder enich vertreck. Ende weert sake dat wy des nyet en deden ende in der
betalinge als voirs. is versuemelich worden, soe hebben wy voir ons ende onse naecomelinge, biscope tUtrecht, die eersame scepen ende raet onser
stat voirs. gesat ende setten hem mit dessen brieve onse tollen ende gruyt bijnnen Campen, die jaerlix op te boeren ende in te behoelden, soe
wes dairaf coempt sonder afslach, ende oic nyemant over te leveren, eer der tijt dat hem die voirs. summe gelds alinge ende al betaelt wort, die
leste pennijnge mitten ieersten, alsoe te verstaen, dat men hem nyet afslaen noch corten en sal aen den hoeftstoel voirs. enich gelt of gued,
dat sy van der gruut ende tolle voirs. hierenbijnnen soelen boeren. Voirt want wy, Gerijt Comhair, onsen renthmeister in der tijt in Sallant,
gesat hebben ynne alle onse renthen in Sallant, soe en sal hy nochtant geenrehande aensprake hebben of renthen boeren van tolle ende gruut
bijnnen Campen of wy in der betalinge als voirs. is versumelich worden, die voirs. summe gelds en sy hem alinch betaelt als voirs. is. Ende
weert dat wy eenen anderen rentmeister in Sallant satten, die solde den scepen ende raede voirs. syne brieve geven ende geldenen, dat hy hem die
tolle ende gruet voirs. nyet onderweynden en solde, eer dier tijt dat den scepenen ende raet voirs. die voirs. summe gelts betaelt weer als
voirs. is, alle argeleyst uutgeseecht. Hier weeren over ende aen die eerbere heer Willam van Renen, scolaster onser kercken ten Doem tUtrecht,
Sweeder van Rechter ende Henric die Sure, onse raide ende vriende, ende anders goeder lude genoech. In orkonde dess briefs besegelt mit onsen
segel. Gegeven tot Deventer int jair onss Heren MCCC vijfentnegentich des vijf ende twintichste dages in Aprille .
x
| Fonds | Oorkondenboek Groningen en Drenthe |
|---|---|
| Nr | 878 |
| Olim | Naar een afschrift uit het midden der 15de eeuw (Privilegieboek, fol. 84) in het gemeentearchief te Kampen (Reg. I, no. 310). |
| Jaar | 1395 |
| Datumcode | 2504 |