| Nummer:ogd0847 | Datum:19 dec. 1392 | Overlevering:Editie | Vindplaats:Oorkondenboek Groningen en Drenthe, nr. 847 |
Burgemeesters, raad en gemeente van Groningen erkennen te hebben gepacht van de deken en het domkapittel te Utrecht de rechten en goederen van dat kapittel te Groningen, in Wolde en Gho op de voorwaarden, vervat in de oorkonde van 15 December 1392, ogd0846.
Wy, borghermeysteren, raet ende ghemene stad van Groninghen, doen kond allen luden, die desen brief sellen sien of horen lesen, dat wi in pachte ontfanghen hebben van eersamen heren deken ende capittel van
den Doem tUtrecht al hore gherichten ende heerlicheyt tot Gronynghen, hoghe ende leghe, bynnen ende buten Gronynghen gheleghen, mit Wolde, mit Ghoe, mit hofsteden, mit tymmer, mit ackeren, bouwich ende onbouwich,
campe, weyde, visscherye, weghen, waterganc, mit munte ende mit tolle, cleyn ende groot, ende mit allen horen toebehoren, alst hem, hoerre kerken ende horen capittel aenghecomen ende ghegheven is van keyser Heinric ende alst die van Zelwaerden in voertiden van hem in pachte ghehadt hebben, ende also groot ende also cleyn, alst hem, hoerre kerken ende horen capittel voerscreven toebehoert ende niet meer, uutghenomen tyns ende tienden, renten ende ander erfnisse, als si daer legghende hebben, welke, in desen pacht voerscreven niet begrepen en siin, tot hondert jaren toe lang naestcomende der daten des briefs, den sy ons daerop ghegheven hebben, beseghelt mit hoers capittels seghel, jaerlix op alsulken pacht ende voert in allen manieren, vorwaerden, verbande ende penen als die voers. brief dat begrepen heeft, sprekende van woerde te woerde in deser manieren: . . . Volgt nr. 846 . . . Alle dese voerscreven punten bekenne wi, borghermeysteren, raet ende ghemene stad van Groninghen voerscreven, ende lyen, dat si al aldus ghesciet siin, ende gheloven se voer ons ende voer onse nacomelinghe vaste ende stade te houden ende niet te verbreken in gheenre manieren, ende hebben daerom onser stad seghel van Groninghen aen desen brief ghedaen tot enen ghetughe. Ghegheven int jaer ons Heren dusent driehondert twe ende tneghentich des Donredaghes na sinte Luciendach.
den Doem tUtrecht al hore gherichten ende heerlicheyt tot Gronynghen, hoghe ende leghe, bynnen ende buten Gronynghen gheleghen, mit Wolde, mit Ghoe, mit hofsteden, mit tymmer, mit ackeren, bouwich ende onbouwich,
campe, weyde, visscherye, weghen, waterganc, mit munte ende mit tolle, cleyn ende groot, ende mit allen horen toebehoren, alst hem, hoerre kerken ende horen capittel aenghecomen ende ghegheven is van keyser Heinric ende alst die van Zelwaerden in voertiden van hem in pachte ghehadt hebben, ende also groot ende also cleyn, alst hem, hoerre kerken ende horen capittel voerscreven toebehoert ende niet meer, uutghenomen tyns ende tienden, renten ende ander erfnisse, als si daer legghende hebben, welke, in desen pacht voerscreven niet begrepen en siin, tot hondert jaren toe lang naestcomende der daten des briefs, den sy ons daerop ghegheven hebben, beseghelt mit hoers capittels seghel, jaerlix op alsulken pacht ende voert in allen manieren, vorwaerden, verbande ende penen als die voers. brief dat begrepen heeft, sprekende van woerde te woerde in deser manieren: . . . Volgt nr. 846 . . . Alle dese voerscreven punten bekenne wi, borghermeysteren, raet ende ghemene stad van Groninghen voerscreven, ende lyen, dat si al aldus ghesciet siin, ende gheloven se voer ons ende voer onse nacomelinghe vaste ende stade te houden ende niet te verbreken in gheenre manieren, ende hebben daerom onser stad seghel van Groninghen aen desen brief ghedaen tot enen ghetughe. Ghegheven int jaer ons Heren dusent driehondert twe ende tneghentich des Donredaghes na sinte Luciendach.
x
| Fonds | Oorkondenboek Groningen en Drenthe |
|---|---|
| Nr | 847 |
| Olim | Naar het origineel in het rijksarchief te Groningen (Reg. 1392, no. 1), hoog 39,5, breed 51,5 cm. Ook in afschrift in het Liber Yrsutus van de Dom, fol. 50 (rijksarchief te Utrecht). Gedrukt bij Driessen, blz. 4573 v. Idsinga, I, blz. 447; v. Mieris, Charterb., III, blz. 591. |
| Jaar | 1392 |
| Datumcode | JpLucie |