Burgemeesters en raad van Groningen verklaren, dat Ghelmer Stedinghe op de Roderwolder made. aan Rodetyde heeft verkocht en overgedragen vijf grazen land bij de Woltgrave.

Wy, borghermestere ende raet van Groninghen, bekennen ende betughen myd dezen openen breve,
dat vor ons quam Ghelmer Stedinghe up Roderwoltmannemaden ende becande ,
dat hie hevet vercoft vor hem ende vor sine erfnamen Rodetyden ende sinen erfnamen viif grase landes myt horen tobehoren vor ene summe van
ghelde, de Ghelmer vors. vol ende al betaelt is. Ende deze viif grase landes vors. myt horen tobehoren droech Ghelmer vors. up Rodetiden vors.
ende sinen erfnamen vry ende qwiit met allen rechte ende eghendome eweliken to bruken ende to besitten. Deze viif grase landes vors. ziin
gheleghen in de noerdzide van den Woltgrave by Wermer Hilleghen erve, dat an de oesterzide leghet, ende Ghelmer Stormers erve, dat an de
westerzide leghet. Dat orkunde wy myt onser stad zeghele. Ghegheven int jaer ons Heren dusent drehondert ende neghentich up sente
Bonifaciusdach, do Ecbert Sculte, Gherd Paeschedach, Zweder van Winde ende Johan van den Berghe borghermestere waren onser stad .

x

x

Fonds	Oorkondenboek Groningen en Drenthe
Nr	808
Olim	Naar het origineel in het rijksarchief te Groningen (Reg. 1390, no. 2), hoog II, breed 23,5 cm.
Jaar	1390
Datumcode	Bonifa

x

x

x

Commentaar	Aan het stuk hangt het gewone zegel van de stad Groningen met contrazegel.

x

Materiaal	papier

x

Edities	P.J. Blok e.a., Oorkondenboek van Groningen en Drente, II (Groningen 1899), nr. 808.