| Nummer:ogd0787 | Datum:20 juli 1388 | Overlevering:Editie | Vindplaats:Oorkondenboek Groningen en Drenthe, nr. 787 |
Burgemeesters en raad van Groningen verklaren, dat Johannes Syverdeszoon van Bolsward een erf in de Pelsterstraat heeft gepacht van Wygbold Marissinge.
Wy, borgermestere ende raed van Groninge, doen kundich allen luden myt dessen openen breve, dat Johannes Syverdes zone van Bodelswert hevet
gehuert ene hofstede, myt all horen tobehoren, daer syn huus nu ter tijt up getymmert staet, to ewyger hure tegen Wygbolde Marissinge des jaers
voer anderhalven olden Vrantschen schilt offte payment daervoer, dat daer guet voer is up der stad kore ende dat in Groningen gang ende gave is,
to betalen elkes jaers als een stadrecht is, ende voer een kroes wiins, to betalen jaerlix up sunte Johansdach to Mydzomer. Desse vors. hofstede
is gelegen in de westerzijde van Gaddingestrate, Berneer Solleders erve, dat an de zuetzijde leghet, ende Wygboldes erve vors., dat an de
noertzijde leget. Hiir is togesproken, dat wel woent up Wygboldes erve vors , de sal enen gang to den zode hebben, de in dyt vors. erve gelegen
is. Dat orkonde wy myt onser stad zegele. Ghegeven int jaer ons Heren dusent driehundert achte ende tachtich up sunte Margaretendach, doe Egbert
Schulte, Gheert Paeschedach, Jarich Coppyns ende Evert Sickinge borgermestere waren onser stad .
gehuert ene hofstede, myt all horen tobehoren, daer syn huus nu ter tijt up getymmert staet, to ewyger hure tegen Wygbolde Marissinge des jaers
voer anderhalven olden Vrantschen schilt offte payment daervoer, dat daer guet voer is up der stad kore ende dat in Groningen gang ende gave is,
to betalen elkes jaers als een stadrecht is, ende voer een kroes wiins, to betalen jaerlix up sunte Johansdach to Mydzomer. Desse vors. hofstede
is gelegen in de westerzijde van Gaddingestrate, Berneer Solleders erve, dat an de zuetzijde leghet, ende Wygboldes erve vors., dat an de
noertzijde leget. Hiir is togesproken, dat wel woent up Wygboldes erve vors , de sal enen gang to den zode hebben, de in dyt vors. erve gelegen
is. Dat orkonde wy myt onser stad zegele. Ghegeven int jaer ons Heren dusent driehundert achte ende tachtich up sunte Margaretendach, doe Egbert
Schulte, Gheert Paeschedach, Jarich Coppyns ende Evert Sickinge borgermestere waren onser stad .
x
| Fonds | Oorkondenboek Groningen en Drenthe |
|---|---|
| Nr | 787 |
| Olim | Naar een vidimus van 10 October 1483 in het rijksarchief te Groningen (Reg. 1388, no. 1). Ook gedrukt bij Driessen, blz. 725. |
| Jaar | 1388 |
| Datumcode | Margar |