| Nummer:ogd0768 | Datum:1387. | Overlevering:Editie | Vindplaats:Oorkondenboek Groningen en Drenthe, nr. 768 |
De nieuwe keuren van Vredewold.
Nye Vredewolder wijlckoer
Haec sunt nova statuta terre Fredewolt sub anno Domini MCCCLXXXVII communiter creata et ordinata.
Waersoe men eenen man bijnnen huuse slaet, dat men ses stige marckenn gelde, de dardedeel ware ennde de twe deel gelt. De ware sal wesenn ossen,
koenn ofte roggenn by der richter settinge. Alle wonden ennde alle daden aldaerby ennde XV marck usualis, dat sijnn dagelike marcke, to vrete,
dat is to broeke.
Item.
Waerso men enen man slaet mijth messen off mijt ander schade wapen sunder de warcke up den velde, twijntich marck, dat ijs V stige marck usualis
moente to geldenn, de dardedeel ware ennde de twe deel gelt. De ware sal wesenn ossenn ennde koyenn off roggenn by der rechters settinge, alle
wondinge ennde alle dade daerby ende XI marck to broeke.
Item.
Waerso men enen man up den velde slaet sunder schade wapene, LXXXIIII to gelden, den derdendeel ware, als ossen, koen ofte rogge, ende de twe
deelen gelts, de ware by des rechters settingge to staen, alle wundinge ende alle dadenn darby ende negen marck tho broke.
Item
Alle warffdagen der rechteren hals bevredet by viervolde broke ennde bote, ennde die de elemetha, dat sint de meente, to denn warve geladet by
denn twevolde bevredet, al want de mann up sinen egenn hert comet, het en sy dat he were to biere ennde to ander sunderlinge dingen, de wyete he
sick selvenn.
Item
De richterenn bevredet lijck denn warve, aldaer se oerenn vrede, dat ijs oere broeke terenn, ennde alle degene, de se voer hem ladenn gast
ontkennenn.
Item
Alle wergelt, dat is manngelt vann dodenn halsen, betalenn bijnnen twen yaren daerna dattet beset ijs bijnnen VI tydenn, de erste bijnnen XXI
dagen, dat ander deel bijnnen denn halvenn yare, dat dardedeel bijnnen dat erste yaer bitaelt, dat verendeel bijnnen XXI dage na den anbegijnne
des laterenn yares, dat vijften deel bijnnen den laterenn halven yare, dat sestedeel wann dat latere halve yare omme komet.
Alle bote, daer men voer vechtet in den yechtenn dadenn ennde buten yechten daden, to bitalenn bijnnen yaers to dren tydenn mijt gueder ware,
ossen, koenn, roggen, schaep, schepenn, brundoeck, by der rechtere settinge, dat erste deel bijnnen XXI dagenn daerna dattet bewyset ijs, dat
anderdeel by denn halven yare, dat dardeel als dat yaer omme komet, al bitaelt.
Van inredenn wondenn.
Dijt sint de openbare dadenn: inrede wonden, doerslagenn hovede, uutbroken ogen off togeslagenn ledenn. Van allen openbaren dadenn V marc
woentlike moente to broke, vann mijnre daet, de niet openbaer en sint, I marck usualis to broke.
Dijt sint de koren des landes vann Vredewolt van lone ennde van erffdele.
Dit ijs dat erste, dat de bodelgavenn vallenn daer weder in, daer se uutgekomen sint, to denn dardenn knee , de darde to nemene ennde de darde
to gevene, komet et daer over, by de sijbbeste to delene.
Item.
Dijt is de annder kore, waer men soe gevet enen onechten kinde ene gave ennde se dat niet en beteen, so sal de gave weder up de hertstede arven,
de darde to nemene ennde de darde to gevene.
Haec sunt nova statuta terre Fredewolt sub anno Domini MCCCLXXXVII communiter creata et ordinata.
Waersoe men eenen man bijnnen huuse slaet, dat men ses stige marckenn gelde, de dardedeel ware ennde de twe deel gelt. De ware sal wesenn ossen,
koenn ofte roggenn by der richter settinge. Alle wonden ennde alle daden aldaerby ennde XV marck usualis, dat sijnn dagelike marcke, to vrete,
dat is to broeke.
Item.
Waerso men enen man slaet mijth messen off mijt ander schade wapen sunder de warcke up den velde, twijntich marck, dat ijs V stige marck usualis
moente to geldenn, de dardedeel ware ennde de twe deel gelt. De ware sal wesenn ossenn ennde koyenn off roggenn by der rechters settinge, alle
wondinge ennde alle dade daerby ende XI marck to broeke.
Item.
Waerso men enen man up den velde slaet sunder schade wapene, LXXXIIII to gelden, den derdendeel ware, als ossen, koen ofte rogge, ende de twe
deelen gelts, de ware by des rechters settingge to staen, alle wundinge ende alle dadenn darby ende negen marck tho broke.
Item
Alle warffdagen der rechteren hals bevredet by viervolde broke ennde bote, ennde die de elemetha, dat sint de meente, to denn warve geladet by
denn twevolde bevredet, al want de mann up sinen egenn hert comet, het en sy dat he were to biere ennde to ander sunderlinge dingen, de wyete he
sick selvenn.
Item
De richterenn bevredet lijck denn warve, aldaer se oerenn vrede, dat ijs oere broeke terenn, ennde alle degene, de se voer hem ladenn gast
ontkennenn.
Item
Alle wergelt, dat is manngelt vann dodenn halsen, betalenn bijnnen twen yaren daerna dattet beset ijs bijnnen VI tydenn, de erste bijnnen XXI
dagen, dat ander deel bijnnen denn halvenn yare, dat dardedeel bijnnen dat erste yaer bitaelt, dat verendeel bijnnen XXI dage na den anbegijnne
des laterenn yares, dat vijften deel bijnnen den laterenn halven yare, dat sestedeel wann dat latere halve yare omme komet.
Alle bote, daer men voer vechtet in den yechtenn dadenn ennde buten yechten daden, to bitalenn bijnnen yaers to dren tydenn mijt gueder ware,
ossen, koenn, roggen, schaep, schepenn, brundoeck, by der rechtere settinge, dat erste deel bijnnen XXI dagenn daerna dattet bewyset ijs, dat
anderdeel by denn halven yare, dat dardeel als dat yaer omme komet, al bitaelt.
Van inredenn wondenn.
Dijt sint de openbare dadenn: inrede wonden, doerslagenn hovede, uutbroken ogen off togeslagenn ledenn. Van allen openbaren dadenn V marc
woentlike moente to broke, vann mijnre daet, de niet openbaer en sint, I marck usualis to broke.
Dijt sint de koren des landes vann Vredewolt van lone ennde van erffdele.
Dit ijs dat erste, dat de bodelgavenn vallenn daer weder in, daer se uutgekomen sint, to denn dardenn knee , de darde to nemene ennde de darde
to gevene, komet et daer over, by de sijbbeste to delene.
Item.
Dijt is de annder kore, waer men soe gevet enen onechten kinde ene gave ennde se dat niet en beteen, so sal de gave weder up de hertstede arven,
de darde to nemene ennde de darde to gevene.
x
| Fonds | Oorkondenboek Groningen en Drenthe |
|---|---|
| Nr | 768 |
| Olim | Naar een ms. uit het begin der 16de eeuw in de bibliotheek van het Genootschap P. E. I. P. te Groningen, ms. in 40, no. 5. Ook gedrukt bij von Richthofen, Friesische Rechtsquellen, S. 380, en in de Werken v. h. Genootschap P. E. I. P., dl. IV. |
| Jaar | 1387 |