Belye van Buren verklaart door Herman Staels te zijn voldaan wegens de breuk door hem belopen.

Wy, Belye van Buren, joncfrou van Covorde ende vrouwe van Drenthe, bekenne in dessen openen breve voer ons ende voer ons rechte eerffgenamen,
dat ons Hermans Staels vullghedaen hevet, dat uns wal genoeghet voer alsodanighen brocke alse he gedaen hevet in der vryheyt to Covorde, dat hy
Johanne Hundenberghe ende syne knechte daerenbinnen venck ende schelde Herman Staels ende synen eerfgenamen ende denghenen, die um daerto
hulpen, dat Johan Hundenberch ende syne knechte gevanghen ende geschat werden, voer uns ende voer onse rechte eerffgenamen qwyt, ledich ende
loss eerfflyke ende ummermeer, ende hebbet des to tueghe onse seghell an dessen breeff gehanghen. Ende umme meerre vestnijsse, alse hier
voirscreven ijs, so hebbe wy gebeden unsen lieven vader Alerde, heer to Buren ende to Boesinchem, ende onsen lieven oem Ghyselberte van
Bronchorst, heer to Borcklo. en joncher Herman van (Covorde), dat se desen breeff mijt ons bezegelen willen. Ende ommedat ons dese voirs. punte
wittelick ende kundich sindt ende om bede willen joncfrou Belyen voirs., so hebben (wy) Alerdt, Ghyselbert ende Herman voirs. om meerre
vesmijsse willen onse inghesegele an dessen breeff gehanghen. Gegheven int yaer ons Heren dusent drehondert ses ende tachtentich up sunte
Martijnsdach voer mijddewinter.

x

x

Fonds	Oorkondenboek Groningen en Drenthe
Nr	766
Olim	Naar een afschrift in het archief te Coevorden (Inv. no. 11).
Jaar	1386
Datumcode	Martin

x

x

x

Materiaal	papier

x

Edities	P.J. Blok e.a., Oorkondenboek van Groningen en Drente, II (Groningen 1899), nr. 766.