| Nummer:ogd0763 | Datum:29 sept. 1386 | Overlevering:Editie | Vindplaats:Oorkondenboek Groningen en Drenthe, nr. 763 |
Egbert, pastoor te Westerhesselen, maakt beschikkingen na doode over zijn erf 'de Hoenover', gelegen te Avereest.
Allen luyden, die desen brieff zellen zien off horen lesen, doe ick verstaen, Egbert, cureyt der kercken tot Hesselen, dat ick mijt ghesonden
live in rechten testamente in salicheit mijnre sielen soe heb ick nae mynre doet gegeven ende geve mijt desen breve heren Coenrade van den
Ghore, mynen neven, den Hoenover mijtter potterpacht ende mijt allen synen toebehore als dat ghelegen is in den kerspel toe Overreest. En dese
voers. pacht ende arve dat hebbic haren Coenrade voers. gegeven mijt vorwaerden als hiernae bescreven staen, dat is te verstaen , dat hy den
Hoenover hebben sall mijtter botterpacht ende mijt allen synen toebehoeren tot synen live als tot eenre rechter lijfftucht. Ende want weer, dat
God synen willen mijt hem doet, soe sal die Hoenover mijtter botterpacht comen erflick ende ummermeer toe duren, een quartier den cureyt tot
Hesselen, een quartier tot tsuncte Clements altair in der kercken tot Hesselen, een quartier tot onser Vrouwen altair in der kerken tot Hesselen
ende dat vierde quartier tot unser Vrouwen altair toe Steenwick in der kercken, dat her Egbert gherentet hevet. Ende der botterpacht is nu
indertijt twee ende twintich virendeel, der ghevet Herman ten Hoenover tyen virendeel. item Roloff die Twent vier virendel, item Wiltet achte
virendel. Ende van deser voers. botterpacht sal men alle jaere gheven twe croende Engelsche oft die weerde dairvoer, ende die sal men betalen
toe Zwolle alle jair des Manendages offt des Dinxedages nae Paesschedaghe toe vespertijt upter vonten . Ende haer Coenraet en sal den Hoenover
noch vercopen noch versetten noch nemant mer, die sal een ewich testament bliven. In oirkonde deser waerheit soe heb ick Egbert voers. mijn
seghel an desen brieff ghehanghen tot enen ewyghen tughe deser waerheit. Gegeven in den jare ons Heren dusent drehondert sess ende tachtentich
op suncte Michaelsdach.
live in rechten testamente in salicheit mijnre sielen soe heb ick nae mynre doet gegeven ende geve mijt desen breve heren Coenrade van den
Ghore, mynen neven, den Hoenover mijtter potterpacht ende mijt allen synen toebehore als dat ghelegen is in den kerspel toe Overreest. En dese
voers. pacht ende arve dat hebbic haren Coenrade voers. gegeven mijt vorwaerden als hiernae bescreven staen, dat is te verstaen , dat hy den
Hoenover hebben sall mijtter botterpacht ende mijt allen synen toebehoeren tot synen live als tot eenre rechter lijfftucht. Ende want weer, dat
God synen willen mijt hem doet, soe sal die Hoenover mijtter botterpacht comen erflick ende ummermeer toe duren, een quartier den cureyt tot
Hesselen, een quartier tot tsuncte Clements altair in der kercken tot Hesselen, een quartier tot onser Vrouwen altair in der kerken tot Hesselen
ende dat vierde quartier tot unser Vrouwen altair toe Steenwick in der kercken, dat her Egbert gherentet hevet. Ende der botterpacht is nu
indertijt twee ende twintich virendeel, der ghevet Herman ten Hoenover tyen virendeel. item Roloff die Twent vier virendel, item Wiltet achte
virendel. Ende van deser voers. botterpacht sal men alle jaere gheven twe croende Engelsche oft die weerde dairvoer, ende die sal men betalen
toe Zwolle alle jair des Manendages offt des Dinxedages nae Paesschedaghe toe vespertijt upter vonten . Ende haer Coenraet en sal den Hoenover
noch vercopen noch versetten noch nemant mer, die sal een ewich testament bliven. In oirkonde deser waerheit soe heb ick Egbert voers. mijn
seghel an desen brieff ghehanghen tot enen ewyghen tughe deser waerheit. Gegeven in den jare ons Heren dusent drehondert sess ende tachtentich
op suncte Michaelsdach.
x
| Fonds | Oorkondenboek Groningen en Drenthe |
|---|---|
| Nr | 763 |
| Olim | Naar het Registrum bonorum Steenwick, fol. 96. |
| Jaar | 1386 |
| Datumcode | Michae |