| Nummer:ogd0748 | Datum:4 juli 1385 | Overlevering:Editie | Vindplaats:Oorkondenboek Groningen en Drenthe, nr. 748 |
De rechters van Fivelgo-Westerambt, de zijlrechters van de Acht Zijlvesten en van de Drie Delfzijlen verklaren met elkander een verdrag te hebben gesloten tot het keren van het geweld en het onrecht door die van Drenthe en Go gepleegd.
Want thet der skiet in der tyed, thet forgeeth mijtther tyed an werth forjeten, hit ne se thet ma hit byscriwe and mijth goder lyuda sigillum
bifestene. Alderumme sa dwa wi, ryuchteran fon Fywelgalondis Westerompte, silryuchteran fon ta Achta Silfestnum and silryuchteran totha Thrim
Silum tho da Delsylum, kundach c) alli lyudum, der disse bref syath jefta herat lesan, thet wi endrachtelicke an wel byret, menlike mijth ther
mena menete in dissa forscriwena londun seten, umbe thet jamerlicke jamer anda grata urweld and thet unryucht, thet us scyet fon ta Thrantum
ande Gha, the da Ommerke anda Edykan tohakiath an tobrekath and us hera weter sunder rethene and sunder ryuchte uppen hals hlapa lethath and
forderath thermythe then gastelicka and dene wraldesca and birawath then lijbbanda ande then datha hera trast and hera ryuchtes, thet Ghode
mote clagad wesa an syna helgun and alle goda lyudum. Sa reka wy fry orlof alle lyudum, ther in disse londum seten send, rijck ande erm,
haudingum aende menetelyudum, the duren mughen and hiera honda reppa wellath, and duren disse forscriwena lyudum, thet ys tha Thriantum and
hiera helperan, wider scada to dwan, ta hoker wis alls ma mey , allermonalick uppa sijn ayn
byhach, froma and schatha in lywe, in lychum ande gode, selff to dregane. Ak wert seke, thet Thriantan engen scada wider in de lond mijnra
jefta merra dede jeft hit tolethe, geth alramonnalick ham, sa hit ankume, sijn ayn scada to lythane, uppa then inne nout to gungane jefta to
hatiane, ther Thriantum er scada den heth jefta degelikes deth. Ak thera uune ther in usa londum seten send, nemon of te senane jefta of sone to
nymane, hit ne se by us allera mena rede, by fertich aldera merka to pynum. Ak forthma werther eng mon, hauding jefta menetemon in enga thorpe
jefta up enga huse worde fon Thriantum bygripen, tha klocka an tho slan jefta tha bekana up tho stekane and thiu rnenete gader cochlapane anda
urweld to kelane . Ak sa thiu seke to sone komth, istet ter eng mon se, ther um thes londis willa sernese jeffta henda hebba, tha bijnna scelde
to betane, jeftma hit owerg nout kerane mey. Ak nena monne to forbiadane, ther Thriantum scada dwan wel jefta mey huten se monda redig . In
eene byfestenghe thira punta, der hir scriwen send, sa hebba wy, ryuchteran fon Fywelingalondis Westeromete, use sygel in dis brefe huen. For
tha Achta Silfestense sa hebba wy her Onna fon Syerdaberth , her Egga fon Sceldwalda, her Rembod fon Slochtra, her Alric Skiramera, her Wolter
fon Germerawalda, her Suether (fon) Sudawalda, her Onna fon Northawalda, her Ondulff fon Bedum, presteran ande cureten, use sygill hirto huen.
Ac wy, Sjabba to Garawere, Gerhbod totha Posta, Nycolaus to Woltersum, haudinghan , umbe marra byfestense sa hebba wy use sygill hirto slayn.
Jewen in da jere uses Hera thusand thre hundert fif an tachtich thes Tyesdeys bijnna senta Paulis achtinda.
bifestene. Alderumme sa dwa wi, ryuchteran fon Fywelgalondis Westerompte, silryuchteran fon ta Achta Silfestnum and silryuchteran totha Thrim
Silum tho da Delsylum, kundach c) alli lyudum, der disse bref syath jefta herat lesan, thet wi endrachtelicke an wel byret, menlike mijth ther
mena menete in dissa forscriwena londun seten, umbe thet jamerlicke jamer anda grata urweld and thet unryucht, thet us scyet fon ta Thrantum
ande Gha, the da Ommerke anda Edykan tohakiath an tobrekath and us hera weter sunder rethene and sunder ryuchte uppen hals hlapa lethath and
forderath thermythe then gastelicka and dene wraldesca and birawath then lijbbanda ande then datha hera trast and hera ryuchtes, thet Ghode
mote clagad wesa an syna helgun and alle goda lyudum. Sa reka wy fry orlof alle lyudum, ther in disse londum seten send, rijck ande erm,
haudingum aende menetelyudum, the duren mughen and hiera honda reppa wellath, and duren disse forscriwena lyudum, thet ys tha Thriantum and
hiera helperan, wider scada to dwan, ta hoker wis alls ma mey , allermonalick uppa sijn ayn
byhach, froma and schatha in lywe, in lychum ande gode, selff to dregane. Ak wert seke, thet Thriantan engen scada wider in de lond mijnra
jefta merra dede jeft hit tolethe, geth alramonnalick ham, sa hit ankume, sijn ayn scada to lythane, uppa then inne nout to gungane jefta to
hatiane, ther Thriantum er scada den heth jefta degelikes deth. Ak thera uune ther in usa londum seten send, nemon of te senane jefta of sone to
nymane, hit ne se by us allera mena rede, by fertich aldera merka to pynum. Ak forthma werther eng mon, hauding jefta menetemon in enga thorpe
jefta up enga huse worde fon Thriantum bygripen, tha klocka an tho slan jefta tha bekana up tho stekane and thiu rnenete gader cochlapane anda
urweld to kelane . Ak sa thiu seke to sone komth, istet ter eng mon se, ther um thes londis willa sernese jeffta henda hebba, tha bijnna scelde
to betane, jeftma hit owerg nout kerane mey. Ak nena monne to forbiadane, ther Thriantum scada dwan wel jefta mey huten se monda redig . In
eene byfestenghe thira punta, der hir scriwen send, sa hebba wy, ryuchteran fon Fywelingalondis Westeromete, use sygel in dis brefe huen. For
tha Achta Silfestense sa hebba wy her Onna fon Syerdaberth , her Egga fon Sceldwalda, her Rembod fon Slochtra, her Alric Skiramera, her Wolter
fon Germerawalda, her Suether (fon) Sudawalda, her Onna fon Northawalda, her Ondulff fon Bedum, presteran ande cureten, use sygill hirto huen.
Ac wy, Sjabba to Garawere, Gerhbod totha Posta, Nycolaus to Woltersum, haudinghan , umbe marra byfestense sa hebba wy use sygill hirto slayn.
Jewen in da jere uses Hera thusand thre hundert fif an tachtich thes Tyesdeys bijnna senta Paulis achtinda.
x
| Fonds | Oorkondenboek Groningen en Drenthe |
|---|---|
| Nr | 748 |
| Olim | Naar afschriften van 1663 van Johan Suirinck, secretaris van het zijlvest der Drie Delfzijlen, in mss. fol. no. 163 en no. 164 in het rijksarchief te Groningen. Ook gedrukt bij Driessen, blz. 378. Vertaald en verbeterd door de Haan Hettema in de Bijdr. tot Gesch. en Oudheidk. v. Gron., IX, blz. 223. |
| Jaar | 1385 |
| Datumcode | MpConPau |