| Nummer:ogd0714 | Datum:4 april 1383 | Overlevering:Editie | Vindplaats:Oorkondenboek Groningen en Drenthe, nr. 714 |
Hendrik en Herman Polman verklaren van de Bisschop van Utrecht enige tafelgoederen in pacht te hebben genomen.
Wy, Henric Polman en Herman Poelman Henricsoen voers., maken condt allen luden, dat wy by sonderlinge bevelinge onses liefs heren, heren
Johans van Viernenborch, in der tijdt bisscop tUtrecht, dien God genadich sy, die guede tot Scapinge ende te Bunne, gelegen in den
kerspel van Vrees, ende Wymeringegued te Glumne, gelegen in den kerspel van Noertlaren, tot desen daghe toe beseten ende gebruect
hebben voer eenen zekeren pacht als die brieve. j die wy daerop hebben, innebegrepen hebben, welke guede voirs. onse lieve ende
genadige here her Florens van Wevelinchoven, nu in der tijt bisscop tUtrecht, ons geconfirmeert heeft als sijn confirmatie dairop
spreckt. Ende want wy bekennen ende lyen, dat die voirs. guede recht tafelguede sijn des gestichts ende des bisscops van Utrecht,
soe bekennen wy voert, dat wanneer wy ende Otte Polmans Henricsoen voirs. afflivich werden, alsoe dat gheen van ons drien levendich
en is, dat dan die voirs. tafelguede vry ende alent sonder yemants weder seggen onse heer die bisscop van Utrecht, die dan in der tijt
leeft, aentasten, bruken ende verdoen mach na allen synen willen gelijc anderen tafelgueden, die in den lande van Drenthe gelegen
sijn. Ende om die meerre vestnisse wil hebben wy, Henric ende Hermen voirs. gebeden Roeloff Polman, onsen neven, dat he
desen brieff mede om onser beden wille bezegelen wil in tugenisse der wairheit. Ende ic, Roloff Polman voirs.. om beden wil Henrics, Hermans
ende Otten Polmans voirs. so heb ic mynen zegel mede aen desen brief gehangen. Gegeven int jair onss Heren dusent driehondert drie
ende tachtentich up den vierde dach van Aprils.
Johans van Viernenborch, in der tijdt bisscop tUtrecht, dien God genadich sy, die guede tot Scapinge ende te Bunne, gelegen in den
kerspel van Vrees, ende Wymeringegued te Glumne, gelegen in den kerspel van Noertlaren, tot desen daghe toe beseten ende gebruect
hebben voer eenen zekeren pacht als die brieve. j die wy daerop hebben, innebegrepen hebben, welke guede voirs. onse lieve ende
genadige here her Florens van Wevelinchoven, nu in der tijt bisscop tUtrecht, ons geconfirmeert heeft als sijn confirmatie dairop
spreckt. Ende want wy bekennen ende lyen, dat die voirs. guede recht tafelguede sijn des gestichts ende des bisscops van Utrecht,
soe bekennen wy voert, dat wanneer wy ende Otte Polmans Henricsoen voirs. afflivich werden, alsoe dat gheen van ons drien levendich
en is, dat dan die voirs. tafelguede vry ende alent sonder yemants weder seggen onse heer die bisscop van Utrecht, die dan in der tijt
leeft, aentasten, bruken ende verdoen mach na allen synen willen gelijc anderen tafelgueden, die in den lande van Drenthe gelegen
sijn. Ende om die meerre vestnisse wil hebben wy, Henric ende Hermen voirs. gebeden Roeloff Polman, onsen neven, dat he
desen brieff mede om onser beden wille bezegelen wil in tugenisse der wairheit. Ende ic, Roloff Polman voirs.. om beden wil Henrics, Hermans
ende Otten Polmans voirs. so heb ic mynen zegel mede aen desen brief gehangen. Gegeven int jair onss Heren dusent driehondert drie
ende tachtentich up den vierde dach van Aprils.
x
| Fonds | Oorkondenboek Groningen en Drenthe |
|---|---|
| Nr | 714 |
| Olim | Naar het afschrift in het Div. II van Rudolf van Diepholt, fol. 87 in het rijksarchief te Utrecht. |
| Jaar | 1383 |
| Datumcode | 0404 |