| Nummer:ogd0664 | Datum:16 juni 1378 | Overlevering:Editie | Vindplaats:Oorkondenboek Groningen en Drenthe, nr. 664 |
De kloosterlingen van Aduard sluiten een verbond met burgemeesters en raad van Groningen.
Wi, hofmesters ende ghemene broderscap van den convente van Adewert, borghermeestere ende raet van Groninghen ,
doen cundich allen luden met desen openen brieve, dat wi siin overdraghen ende hebben begrepen enen vrede, stede ende
vast to holdene in alder maniere als hierna ghescreven staet. Int eerste, dat alle luden sellen veylich varen met horen live ende met horen
goede to der stad van Groninghen ende van der stad, bi nachte ende bi daghe, to watere ende to lande. Voertmeer dat alle meentelude in
Hunzeghelande sellen veylich sitten ende hoer goet met vreden bruken voer ons ende voer onse onderzaten bi nachte ende bi daghe. Voertmeer,
waert sake dat enich man desen voers. vrede brake, daer de stad van Groninghen om reyzen wolde ende den sculdighen berechten wolde, so sellen
wi, hofmeesters ende broderscap voers., der stad van Groninghen helpen met sestich mannen overt dyep buten Mydoech half to voete ende half to
peerde ende met al onser machte bynnen Mydoech to voete ende to perde op onses selves avonture, is dat des de stad van ons begherende is. Waert
oec zake dat enich meenteman of enich partyesman in Hunzeghelande den convente van Adewert of horen onderzaten schade dede ende vrede an hem
brake, so solden wi, borghermeestere ende raet van Groninghen, den convente van Adewert voers. helpen met thveenhondert mannen op onses selves
cost ende op onses selves avonture, also veer alse dat convent des van ons begherende is, ende also veer alse wi, borghermeesteren ende raet
voers., ontkennen, dat des conventes sake recht si. Ende de ontkenninghe sellen wi, borghermeesteren ende raet voers., doen binnen achte daghen
na den daghe, dat de claghe ons anghecomen is. Voertmeer hebben wi, hofmeesters ende convent van Adewart voers., enighe claghe op enighen
meenteman of partyesman in Hunzeghelande, so willen wi rechtes bliven bi der stad van Groninghen, to nemen ende to gheven als een recht in
Hunzeghelande wiset. Ende hevet oec enich meenteman of partyesman in Hunzeghelande op ons to claghen, so willen wi desghelike recht gheven ende
nemen bi der stad van Groninghen als een recht van Hunzeghelande wiset. Voertmeer waer dat enich stadman of enich conventesman ondertusken
mysdede, dat sellen wi, hofmeesters ende convent van Adewert ende borghermeestere ende raet van Groninghen voers., berechten, alse onse olde
brieve holden. Deze voers. zaken hebben wi, hofmeesters ende ghemene broederscap van den convente van Adewert, borghermeestere ende raet van
Groninghen, tozamen begrepen stede ende vast to holdene, al want ter tiit dat wi dat malcanderen een jaer to voren opsegghen. In orcunde so
hebben wi, hofmeesters ende ghemene broederscap van den convente van Adewert, onses conventes zeghele, ende wi, borghermeestere ende raet van
Groninghen, onser stad zeghel an desen brief ghehanghen. Ghegheven int jaer ons Heren dusent drehondert achte ende zoventich des Woensdaghes na
Pinxterachtende.
doen cundich allen luden met desen openen brieve, dat wi siin overdraghen ende hebben begrepen enen vrede, stede ende
vast to holdene in alder maniere als hierna ghescreven staet. Int eerste, dat alle luden sellen veylich varen met horen live ende met horen
goede to der stad van Groninghen ende van der stad, bi nachte ende bi daghe, to watere ende to lande. Voertmeer dat alle meentelude in
Hunzeghelande sellen veylich sitten ende hoer goet met vreden bruken voer ons ende voer onse onderzaten bi nachte ende bi daghe. Voertmeer,
waert sake dat enich man desen voers. vrede brake, daer de stad van Groninghen om reyzen wolde ende den sculdighen berechten wolde, so sellen
wi, hofmeesters ende broderscap voers., der stad van Groninghen helpen met sestich mannen overt dyep buten Mydoech half to voete ende half to
peerde ende met al onser machte bynnen Mydoech to voete ende to perde op onses selves avonture, is dat des de stad van ons begherende is. Waert
oec zake dat enich meenteman of enich partyesman in Hunzeghelande den convente van Adewert of horen onderzaten schade dede ende vrede an hem
brake, so solden wi, borghermeestere ende raet van Groninghen, den convente van Adewert voers. helpen met thveenhondert mannen op onses selves
cost ende op onses selves avonture, also veer alse dat convent des van ons begherende is, ende also veer alse wi, borghermeesteren ende raet
voers., ontkennen, dat des conventes sake recht si. Ende de ontkenninghe sellen wi, borghermeesteren ende raet voers., doen binnen achte daghen
na den daghe, dat de claghe ons anghecomen is. Voertmeer hebben wi, hofmeesters ende convent van Adewart voers., enighe claghe op enighen
meenteman of partyesman in Hunzeghelande, so willen wi rechtes bliven bi der stad van Groninghen, to nemen ende to gheven als een recht in
Hunzeghelande wiset. Ende hevet oec enich meenteman of partyesman in Hunzeghelande op ons to claghen, so willen wi desghelike recht gheven ende
nemen bi der stad van Groninghen als een recht van Hunzeghelande wiset. Voertmeer waer dat enich stadman of enich conventesman ondertusken
mysdede, dat sellen wi, hofmeesters ende convent van Adewert ende borghermeestere ende raet van Groninghen voers., berechten, alse onse olde
brieve holden. Deze voers. zaken hebben wi, hofmeesters ende ghemene broederscap van den convente van Adewert, borghermeestere ende raet van
Groninghen, tozamen begrepen stede ende vast to holdene, al want ter tiit dat wi dat malcanderen een jaer to voren opsegghen. In orcunde so
hebben wi, hofmeesters ende ghemene broederscap van den convente van Adewert, onses conventes zeghele, ende wi, borghermeestere ende raet van
Groninghen, onser stad zeghel an desen brief ghehanghen. Ghegheven int jaer ons Heren dusent drehondert achte ende zoventich des Woensdaghes na
Pinxterachtende.
x
| Fonds | Oorkondenboek Groningen en Drenthe |
|---|---|
| Nr | 664 |
| Olim | Naar het origineel in het rijksarchief te Groningen (Reg. 1378, no. 7) hoog 17, breed 25 cm. Ook gedrukt bij Driessen, blz. 343 en Van Idsinga, Staatsrecht, blz. 442. |
| Jaar | 1378 |
| Datumcode | EpTrinit |
x
| Commentaar | Het zegel van Aduard is verloren. Aan het stuk hangt slechts het geschonden zegel van de stad Groningen met contrazegel in groene was. |
|---|