Thomas, abt van Wittewierum, en Wesselus, officiaal van de bisschop van Münster in Friesland, verklaren dat Harmannus Koten, Utrechts geestelijke, burger van Groningen, is openbaar notarius en een betrouwbaar persoon.

Thomas, Dei pacientia abbas ecclesie beati Viti in Florido Orto Premonstratensis ordinis, visitator annuus Monasteriensis dyocesis, ac Wesselus,
officialis curie Monasteriensis episcopi et Frisie dicte dyocesis, universis presencia visuris et audituris cupimus fore notum publice
protestando, quod Hermannus dictus Koten clericus conjugatus Trajectensis dyocesis civisque Groningensis, qui presens instrumentum scripsit et
confecit, cui nostrum presens testimonium est transfixum, existit, est et reputatur publicus, verus et legittimus tabellio ac notarius necnon
vir probus, seriosus utique ac honestus, ipsumque in presenti instrumento vera dictasse, scripsisse ac confecisse publice in nostris
conscienciis fideliter protestamur. In cujus veritatis robur et testimonium sigilla nostra presentibus sunt appensa. Datum anno Domini
MCCCLXXIIII die sexta mensis Septembris.

x

x

Fonds	Oorkondenboek Groningen en Drenthe
Nr	625
Olim	Naar Friedländer, Ostfr. Urkundenb., I, no. 123 (oub0123).
Jaar	1374
Datumcode	0609

x

x

Materiaal	papier

x

Edities	P.J. Blok e.a., Oorkondenboek van Groningen en Drente, II (Groningen 1899), nr. 625.