| Nummer:ogd0623 | Datum:19 aug. 1374 | Overlevering:Editie | Vindplaats:Oorkondenboek Groningen en Drenthe, nr. 623 |
Peter van Blydensteden verklaart met zijn vrouw en zijn zoon aan het klooster te Dikninge te hebben verkocht en voor de heer van Ruinen over gedragen een boterpacht te Haakswolde.
Allen denghenen, die desen brief zoelen sien of horen lesen, doe ich verstaen, Peter van Blydensteden, ende enkenne openbaer mit
desen openen brieve, dat ich mit vryen willen miins selves, mit rade Agnesen miins echten wijves, mit consente Henrickes ,
onses sones, ende alle onser rechter erfnaemen hebben erflike tozamene vercoft ende opghelaten, vercopen ende oplaten openbaer mit desen openen brieve heren Johanne, den abdte ende den ghemenen convente to Dickenynghe vieftiene verendeel boteren jaerliker pachte, gheleghen op Hakeswolde bijnnen den kersspele van Blydensteden, mit alsoelken rechte, als wi die ghecoft hadden tieghen Herman, here van Kuenre, Mechtelde, sinen echten wijve, Boldewiins dochter van der Ese, ende Hermanne van der Ese, oeren gheborenen mombaer, to bitalen alle jaer op sente Michaels dach mit alsoelker mate, alse Boldewiin van der Ese voers. die voernoemde pacht to boren plach, om eyne summe van ghelde, die ons wittelike ende wal bitaelt is, in alsoelken manieren, dat die abbet ende dat convent van Dickenijnghe desse voerghenoemde boterpacht erflike ende ymmermeer vrij bisitten ende ghebruken moghen sonder yenegherhande wederzegghen van ons ende van al onsen erfgenaemen, ende zoelen hem dier boterpacht voernoemt to landrechte waren voer alle dieghene, die daer to rechte op spreken moghen, al arghelist uutghesproken. In kennesse der waerheyt hebbe ich, Peter van Blydensteden voerscreven, desen openen brief biseghelt mit mynen zeghele voer my selven, voer Agnesen, miin echte wiif, ende voer Henric, onsen sone, voers., went sie selven ghienen zeghel en hebben. Ende om ene meerre vestenisse desser vorwerde hebbe wi ghebeden eynen eersamen ridder, heren Johanne van Runen, onsen heren, dat hi dessen openen brief voere beseghelen wille mit sinen zeghele. Ende wi, Johan, here van Runen, om bede willen Peters, Agnesen ende Henrix voerscreven, want desse stede coep ende desse oplatinghe, alse voerscreven is, voer ons ende voer den ghemeynen kersspele van Blidensteden geschied is, daer die pachtlude deser voernoemder boteren den abdte ende den convente van Dickenijnghe die jaerlix loveden to bitalen ende to Dickenijnghe to leveren, daer wi to richte seten in enen hegheden heymale, hebben onsen zeghel voere an desen openen brief ghehanghen tot eynen ewighen tueghe alle desser vorwerde voerscreven, in den jare ons Heren dusent driehondert vier ende seventich op sente Magnus dach eens heilighen mertelars.
desen openen brieve, dat ich mit vryen willen miins selves, mit rade Agnesen miins echten wijves, mit consente Henrickes ,
onses sones, ende alle onser rechter erfnaemen hebben erflike tozamene vercoft ende opghelaten, vercopen ende oplaten openbaer mit desen openen brieve heren Johanne, den abdte ende den ghemenen convente to Dickenynghe vieftiene verendeel boteren jaerliker pachte, gheleghen op Hakeswolde bijnnen den kersspele van Blydensteden, mit alsoelken rechte, als wi die ghecoft hadden tieghen Herman, here van Kuenre, Mechtelde, sinen echten wijve, Boldewiins dochter van der Ese, ende Hermanne van der Ese, oeren gheborenen mombaer, to bitalen alle jaer op sente Michaels dach mit alsoelker mate, alse Boldewiin van der Ese voers. die voernoemde pacht to boren plach, om eyne summe van ghelde, die ons wittelike ende wal bitaelt is, in alsoelken manieren, dat die abbet ende dat convent van Dickenijnghe desse voerghenoemde boterpacht erflike ende ymmermeer vrij bisitten ende ghebruken moghen sonder yenegherhande wederzegghen van ons ende van al onsen erfgenaemen, ende zoelen hem dier boterpacht voernoemt to landrechte waren voer alle dieghene, die daer to rechte op spreken moghen, al arghelist uutghesproken. In kennesse der waerheyt hebbe ich, Peter van Blydensteden voerscreven, desen openen brief biseghelt mit mynen zeghele voer my selven, voer Agnesen, miin echte wiif, ende voer Henric, onsen sone, voers., went sie selven ghienen zeghel en hebben. Ende om ene meerre vestenisse desser vorwerde hebbe wi ghebeden eynen eersamen ridder, heren Johanne van Runen, onsen heren, dat hi dessen openen brief voere beseghelen wille mit sinen zeghele. Ende wi, Johan, here van Runen, om bede willen Peters, Agnesen ende Henrix voerscreven, want desse stede coep ende desse oplatinghe, alse voerscreven is, voer ons ende voer den ghemeynen kersspele van Blidensteden geschied is, daer die pachtlude deser voernoemder boteren den abdte ende den convente van Dickenijnghe die jaerlix loveden to bitalen ende to Dickenijnghe to leveren, daer wi to richte seten in enen hegheden heymale, hebben onsen zeghel voere an desen openen brief ghehanghen tot eynen ewighen tueghe alle desser vorwerde voerscreven, in den jare ons Heren dusent driehondert vier ende seventich op sente Magnus dach eens heilighen mertelars.
x
| Fonds | Oorkondenboek Groningen en Drenthe |
|---|---|
| Nr | 623 |
| Olim | Naar het origineel in het rijksarchief in Drenthe (Inv. I, A 2, IIIa), hoog 16, breed 24 cm. Ook afschrift in het Cart. van Dikninge, fol. 19. Gedrukt bij Magnin, II, r, blz. I 5. |
| Jaar | 1374 |
| Datumcode | Magni |