Burgemeesters en raad van Groningen verklaren, dat Johan ter Venne een huis in de Haddingestraat te Groningen aan Rolf Husinghe heeft verkocht en overgedragen met zijn recht op de huisplaats.

Wi, borghermeestere ende raed van Groninghen, doen cundich allen luden met dessen openen bre-
ve, dat voer ons quam Johan ter Venne ende becande, dat hi hadde vercoft siin huus, dat ghe-
timmert staet op de westerzijt van Herderinghestrate op ene stede, de Johan voers. ghehuert hadde tiheghen Johanne Schyvelaer, Rolve Husinghe om
ene summe van ghelde, de Johanne voers. vol ende al betaelt is. Ende dit voers. huus droech Johan op Rolve voers. ende sinen erfghenamen met
allen rechte ende met allen eyghendome vrij ende quite eweliken to bruken ende to besittene. Ende dese voers. stede, daer dit voers. huus op
ghetimmert staet, hevet Rolf voers. ghehuert tiheghen Johanne Schyvelare voers. to brantsparinghe voer thualef scillinghe paymentes, als tot
Groninghen ghanc ende ghave is, te betalen elkes jaers, als een stadrecht is. Dit voers. huus ende stede siin gheleghen in de westerzijt van
Herderinghestrate ende strecket sich nortwart an Otten Pollemans mennewech, daer Otten erve voers. op die zuutzide leghet, ende strecket sich
westwaert an Otten hoves mure voers. Dat orcunden wi met onses stades zeghele. Ghegheveri int jaer ons Heren dusent drehondert dre ende
zoventich op sinte Valentiins dach, do Herman Catere, Lubbert Sickinghe, Ghert Lewe, Otte Polleman, Wijcbolt Maurissinghe ende Wijcbolt Evardes
soen borghermeestere waren onser stad .

x

x

Fonds	Oorkondenboek Groningen en Drenthe
Nr	609
Olim	Naar het origineel in het rijksarchief te Groningen (Reg. 1373, no. 2), hoog 5, breed 20,5 cm.
Jaar	1373
Datumcode	Valent

x

x

x

Commentaar	Aan het stuk hangt het zegel van de stad Groningen met contrazegel.

x

Materiaal	papier

x

Edities	P.J. Blok e.a., Oorkondenboek van Groningen en Drente, II (Groningen 1899), nr. 609.