| Nummer:ogd0524 | Datum:16 okt. 1363 | Overlevering:Editie | Vindplaats:Oorkondenboek Groningen en Drenthe, nr. 524 |
Johan van den Cloester en Johan van der Ese stellen tussen de drie zoons van Volkier van Echten met hun toestemming de scheiding van de nalatenschap van hun vader vast.
Wi, Johan van den Cloester, ridder, ende Johan van der Ese, knape, doen condich allen luden, die desen opene brief solen sien oft
horen lesen, dat vor ons ghecomen sint Rolof, Henric ende Johan, broedere van Echten, hebben ghesekert ende ghelovet ,
sekeren ende gheloven in goeden trouwen in desen opene brief in onse hant, dat si tot ons solden gaen ende bliven ende tot onsen segghen en
solden nemen en alinghe broederesceydinghe van alsulken goede als Folkier van Echten orre vader, daer God die ziele van hebbe moet, achter hevet
ghelaten int leste van sinen leven. Des hebbe wi ons anghenomen, besproken ende beraden ende hebben ghemaket en erfsceydinghe tusschen dese
bruideren van Echten vorghenoemt in alsulken manieren als hirna bescreven steet, dat is te verstaen, dat wi toeghesat hebben ende toegheseghet
Rolof van Echten vorscreven den oldesten brueder vor sijn vaderlic erve al dat goet, dat gheleghen is in der marken tot Echten, ruerende ende
onruerende, dat Folkier toebehoerde int lest van sinen leven, uutghesproken in de Nye Zwanekinghegoet, item al dat goet ende tyenden, dat
Volkier vorscreven toebehorde ende gheleghen is in den kerspel van Zuutwolde, uutghesproken dat vierendel van der Horst sender tienden ende mede
uutghesproken achte mudde rogghen jaerlikes over Copes goet des Dubbers. Item sal Rolof vorscreven hebben den tienden tor Linthorst ende so wat
Folkier vorscreven toebehorde van des Crumen goede in der Holeweyde . Item sal Rolof hebben den halven tienden over Wenninghegoed to Pette ende
en maet gheleghen in Pettermarke, gheheyten die Blicmaet, die Volkier vorscreven toebehorde. Item sal Rolof hebben over Hermansgoet tor Hofstad
elf vierendel boteren ende over en maet gheleghen tor Hofstad tve vierendel boteren, item oestwart van Droghekens huus in der Holeweide elf
vierendel boteren ende over die Linthorst vier vierendel boteren. Item sal Rolof vorscreven hebben vier roede penninghe op Kockanghen ende die
pacht ende dat goet to Paeslo ende die lude, die daerin rueren. Item sal Rolof vorscreven hebben in eyghendoem Herman tor Hofsteden ende Metten,
sijn wijf, ende Hillen Johans dochter toen Haghen. Vortmer sal Rolof hebben al die scult, die die here van Covorden sculdich was Volkier vorg.
Ende hirmede sal Rolof van Echten vorscreven ghesceyden wesen van sinen vaderliken erve, van Henric ende Johan van Echten, sijn broedere, mit
desen goede vorg., dat hem is toegheseghet, als hirvor bescreven steet. Vortmer sint vorwarden, dat Rolof van Echten vorg. sal holden ende
boedelen van den goede, dat wi em toegheseghet hebben als vorscreven is, Amelen, sijn suster. Ende wart dat Amele storve onberaden ende sonder
bort, die solde alleen erven op Rolof vorscreven, oren broeder. Vortmer wer dat enich van Rolof, Henric ende Johan, bruederen van Echten
vorscreven, storve, die solde dan erven op die anderen levende brueder tot oren maghen segghen, uutghesproken rasure ende al arghelijst in desen
opene brief. Omdat wi Johan van den Cloester, ridder, ende Johan van der Ese, knape, vorscreven, willen, dat dese sceydinghe, die wi ghemaket
hebben, stede ende vast blive ende wael gheholden werde, so heb wi onse seghele an desen brief ghehanghen. Ende om merre orconde ende vastenisse
des brieves ende deser sceydinghe vorg., so hevet Henric ende Johan van Echten, bruederen vorscreven, mit ons desen brief beseghelt mit oren
seghelen, want hem wael ghenueghet aen deser sceydinghe. Ende wi Henric ende Johan van Echten, broedere vorg., ghelyen van deser brueder
sceydinge vorscreven ende loven dese sceydinghe wittelic ende wael te holden in allen manieren ende vorwarden, als hir vorscreven steet, sonder
enich aensprake van onser weghen. Daerop so hebbe wi, Henric ende Johan, bruederen van Echten vorg., onse seghele mede an desen brief ghehanghen
in en orconde al deser vorgcreven dinghen. Gegheven int jaer ons Heren dusent driehondert drie en sestich op sunte Gallen dach.
horen lesen, dat vor ons ghecomen sint Rolof, Henric ende Johan, broedere van Echten, hebben ghesekert ende ghelovet ,
sekeren ende gheloven in goeden trouwen in desen opene brief in onse hant, dat si tot ons solden gaen ende bliven ende tot onsen segghen en
solden nemen en alinghe broederesceydinghe van alsulken goede als Folkier van Echten orre vader, daer God die ziele van hebbe moet, achter hevet
ghelaten int leste van sinen leven. Des hebbe wi ons anghenomen, besproken ende beraden ende hebben ghemaket en erfsceydinghe tusschen dese
bruideren van Echten vorghenoemt in alsulken manieren als hirna bescreven steet, dat is te verstaen, dat wi toeghesat hebben ende toegheseghet
Rolof van Echten vorscreven den oldesten brueder vor sijn vaderlic erve al dat goet, dat gheleghen is in der marken tot Echten, ruerende ende
onruerende, dat Folkier toebehoerde int lest van sinen leven, uutghesproken in de Nye Zwanekinghegoet, item al dat goet ende tyenden, dat
Volkier vorscreven toebehorde ende gheleghen is in den kerspel van Zuutwolde, uutghesproken dat vierendel van der Horst sender tienden ende mede
uutghesproken achte mudde rogghen jaerlikes over Copes goet des Dubbers. Item sal Rolof vorscreven hebben den tienden tor Linthorst ende so wat
Folkier vorscreven toebehorde van des Crumen goede in der Holeweyde . Item sal Rolof hebben den halven tienden over Wenninghegoed to Pette ende
en maet gheleghen in Pettermarke, gheheyten die Blicmaet, die Volkier vorscreven toebehorde. Item sal Rolof hebben over Hermansgoet tor Hofstad
elf vierendel boteren ende over en maet gheleghen tor Hofstad tve vierendel boteren, item oestwart van Droghekens huus in der Holeweide elf
vierendel boteren ende over die Linthorst vier vierendel boteren. Item sal Rolof vorscreven hebben vier roede penninghe op Kockanghen ende die
pacht ende dat goet to Paeslo ende die lude, die daerin rueren. Item sal Rolof vorscreven hebben in eyghendoem Herman tor Hofsteden ende Metten,
sijn wijf, ende Hillen Johans dochter toen Haghen. Vortmer sal Rolof hebben al die scult, die die here van Covorden sculdich was Volkier vorg.
Ende hirmede sal Rolof van Echten vorscreven ghesceyden wesen van sinen vaderliken erve, van Henric ende Johan van Echten, sijn broedere, mit
desen goede vorg., dat hem is toegheseghet, als hirvor bescreven steet. Vortmer sint vorwarden, dat Rolof van Echten vorg. sal holden ende
boedelen van den goede, dat wi em toegheseghet hebben als vorscreven is, Amelen, sijn suster. Ende wart dat Amele storve onberaden ende sonder
bort, die solde alleen erven op Rolof vorscreven, oren broeder. Vortmer wer dat enich van Rolof, Henric ende Johan, bruederen van Echten
vorscreven, storve, die solde dan erven op die anderen levende brueder tot oren maghen segghen, uutghesproken rasure ende al arghelijst in desen
opene brief. Omdat wi Johan van den Cloester, ridder, ende Johan van der Ese, knape, vorscreven, willen, dat dese sceydinghe, die wi ghemaket
hebben, stede ende vast blive ende wael gheholden werde, so heb wi onse seghele an desen brief ghehanghen. Ende om merre orconde ende vastenisse
des brieves ende deser sceydinghe vorg., so hevet Henric ende Johan van Echten, bruederen vorscreven, mit ons desen brief beseghelt mit oren
seghelen, want hem wael ghenueghet aen deser sceydinghe. Ende wi Henric ende Johan van Echten, broedere vorg., ghelyen van deser brueder
sceydinge vorscreven ende loven dese sceydinghe wittelic ende wael te holden in allen manieren ende vorwarden, als hir vorscreven steet, sonder
enich aensprake van onser weghen. Daerop so hebbe wi, Henric ende Johan, bruederen van Echten vorg., onse seghele mede an desen brief ghehanghen
in en orconde al deser vorgcreven dinghen. Gegheven int jaer ons Heren dusent driehondert drie en sestich op sunte Gallen dach.
x
| Fonds | Oorkondenboek Groningen en Drenthe |
|---|---|
| Nr | 524 |
| Olim | Naar het origineel op den huize Echten, hoog 17, breed 24,5 cm. |
| Jaar | 1363 |
| Datumcode | Galli |
x
| Commentaar | Van de vier zegels zijn twee afgevallen, doch no. 1 en 3 bewaard, beide rond in groene was. Het eerste vertoont een schild met 19 penningen; randschrift : S. JOHA . . . Verg. no. 364 en 428. Het andere vertoont een schild met drie adelaars, geplaatst 2, 1; randschrift : S. HEN . . . VAN ECHTEN. |
|---|