| Nummer:ogd0475 | Datum:14 febr. 1360 | Overlevering:Editie | Vindplaats:Oorkondenboek Groningen en Drenthe, nr. 475 |
Adolf van Selwerd en andere leden van zijn familie bepalen de voorwaarden voor het huwelijk tussen Ida, dochter van Hendrik van Selwerd en Herman van Coevorden.
Wy, Adolff van Selwert, knape, her Johan van den Cloester, ridder, Cyse Gudesing, Gert Gudesing, Gert Klencke, Arent Huys, Arent Pruis, Evert
Humminge unde Johan Kalff, bekennen mit unsen openen breve, dat wy by rade der gemene magen hebben gegeven unde geven mit desen breve Iden,
Henrix dochter van Selwerde, Harmanne van Coeverden des hern broder van Coeverden, tot enen wettelicken echten wyve mit den huse und mit den
heerschafft van Selwert unde mit den gerichte van Gronningen, also als Ludolff unde Hinrick van Selwert darin storven unde eere was, in
alsulcken vorwerden: were dat Ide, onse nichte, storve sunder wittelicke geboerte van Hermen van Coeverden, des Godt verbeden moet, so solde
Hermen vorscreven unde syne erven dat huess, de herschafft unde dat gerichte vorgescreven wederantworden dengenen, de des enen rechten arve were
unde den dat angestorven were mit recht. Unde were dat Hermen enich gelt an schult offte an timmeringe gelacht hadde van den sinen an dat huess
offte an de herschafft van Selwert offte an den gerichte vorscreven van Gronningen, dat he offte de syne arven bewisen mochten to goeder
reeckeninge unde wittelicker waerheit, darvor solde he offte sinen erven bliven sittende up den huse offte in den heerschafft unde in den
gerichte vorgescreven, hen ter tijt to dat hem dat gelt wal betalt wort. Unde so wanneer hem dat gelt wal betalt wort, so solde he offte de syne
arven dat huess unde de heerschafft unde dat gerichte wederleveren unde antworden dengeenen, de des ene rechte arve weren. Weer oeck dat Hermen
vorgescreven storve sunder wittelicke geboerte van Iden unsen nichten, so solden syne arven bliven sittende up den huse, in den herschafft van
Selwerde und in den gerichte van Gronningen vor alsulcken gelt, als he daran gelecht hadde, an schult offt timmeringe, als vorscreven is, hen
ther tijt tho dat hem dat gelt wal betalt were. Unde wanneer em dat gelt wal betaelt were, so solen de arven dat huess, de heerschafft unde dat
gerichte wederantworden Iden, onsen nichte vorscreven, offt dengenen, de des een rechte arve weren. Sunder argelist. In oirkunde des hebbe wy,
Aleff, her Johan, Cyse, Gert unde Gert, Arent und Arent voergenoemt, unse segel vor uns unde vor Evert Hijmminge und Johan Kalff, wen se nene
segelen en hebben, an desen brieff gehangen. Unde wy Evert Hijmminge unde johan Kalff vorspraecken bekennen alle dese stucken, de hier
vorscreven sint under segele dergeenen, de hieran bescreven staet, want wy nene segelen hebben. Gegeven in den jar uns Heren dusent drehondert
tsestich up sint Valentijnsdach.
Humminge unde Johan Kalff, bekennen mit unsen openen breve, dat wy by rade der gemene magen hebben gegeven unde geven mit desen breve Iden,
Henrix dochter van Selwerde, Harmanne van Coeverden des hern broder van Coeverden, tot enen wettelicken echten wyve mit den huse und mit den
heerschafft van Selwert unde mit den gerichte van Gronningen, also als Ludolff unde Hinrick van Selwert darin storven unde eere was, in
alsulcken vorwerden: were dat Ide, onse nichte, storve sunder wittelicke geboerte van Hermen van Coeverden, des Godt verbeden moet, so solde
Hermen vorscreven unde syne erven dat huess, de herschafft unde dat gerichte vorgescreven wederantworden dengenen, de des enen rechten arve were
unde den dat angestorven were mit recht. Unde were dat Hermen enich gelt an schult offte an timmeringe gelacht hadde van den sinen an dat huess
offte an de herschafft van Selwert offte an den gerichte vorscreven van Gronningen, dat he offte de syne arven bewisen mochten to goeder
reeckeninge unde wittelicker waerheit, darvor solde he offte sinen erven bliven sittende up den huse offte in den heerschafft unde in den
gerichte vorgescreven, hen ter tijt to dat hem dat gelt wal betalt wort. Unde so wanneer hem dat gelt wal betalt wort, so solde he offte de syne
arven dat huess unde de heerschafft unde dat gerichte wederleveren unde antworden dengeenen, de des ene rechte arve weren. Weer oeck dat Hermen
vorgescreven storve sunder wittelicke geboerte van Iden unsen nichten, so solden syne arven bliven sittende up den huse, in den herschafft van
Selwerde und in den gerichte van Gronningen vor alsulcken gelt, als he daran gelecht hadde, an schult offt timmeringe, als vorscreven is, hen
ther tijt tho dat hem dat gelt wal betalt were. Unde wanneer em dat gelt wal betaelt were, so solen de arven dat huess, de heerschafft unde dat
gerichte wederantworden Iden, onsen nichte vorscreven, offt dengenen, de des een rechte arve weren. Sunder argelist. In oirkunde des hebbe wy,
Aleff, her Johan, Cyse, Gert unde Gert, Arent und Arent voergenoemt, unse segel vor uns unde vor Evert Hijmminge und Johan Kalff, wen se nene
segelen en hebben, an desen brieff gehangen. Unde wy Evert Hijmminge unde johan Kalff vorspraecken bekennen alle dese stucken, de hier
vorscreven sint under segele dergeenen, de hieran bescreven staet, want wy nene segelen hebben. Gegeven in den jar uns Heren dusent drehondert
tsestich up sint Valentijnsdach.
x
| Fonds | Oorkondenboek Groningen en Drenthe |
|---|---|
| Nr | 475 |
| Olim | Naar het afschrift in de kroniek v. Rengers van ten Post, fol. 24v. Uitgave Feith, I, blz. 99. Ook gedrukt bij Driessen, blz. 216 en van Idsinga, blz. 417. |
| Jaar | 1360 |
| Datumcode | Valent |