De regering van Hamburg verklaart met het klooster te Aduard en een aantal Friesche kloosters een verdrag te hebben gesloten betreffende de schade, aan Hamburger schepen in 1346 toegebracht.

Universis in perpetuum audituris presentia seu visuris . . consules civitatis Hamburgensis salutem in Domino sempiternam. Pacis veneranda
clementia homines ad divini
cultus frequentiam roborat et ad animarum et corporum salutem incitat et ad proximorum dilectionem inducit, quos gwerrarum odiosa protervitas ad
dissensiones provocat et
facit ab equitatis et salutis semitis deviare. Hinc est quod natis et in perpetuum nascituris cupimus esse notum, quod, cum nos et cives et
mercatores nostri per quosdam converses monasteriorum et conventuum Claricampi, sancti Bernardi in Adwerd, Jherusalem, Orti sancte Marie, Dockem
et Betanie, partium Frisie, Cysterciensis, Premonstratensis et Cluniacensis ordinum, nostris bonis et navibus essemus sine debita providentia
spoliati et nos et cives et mercatores nostri pro recuperatione nostrorum bonorum et navium ipsos conversos cum ipsorum et dictorum conventuum
bonis et navibus detineremus et ex hoc dissensionis materia crebresceret et majus periculum timeretur, nos divina nobis opitulante gratia dictam
dissensionem et discordiam ad sonam firmam et compositionem inviolabilem perpetuo duraturas cum religiosis viris fratribus Poptato, Tyboldo,
Syfrido, Frederico, Thethardo et Reynero, dictorum monasteriorum et conventuum abbatibus, nomine dictorum monasteriorum et conventuum et
eorundem conversorum et in perpetuum successorum, deduximus in hunc modum, videlicet quod omnes cause controversie et inimicicie, que inter nos
et dictos cives et mercatores nostros ex una et dictos abbates, conventus et converses parte ex altera de predictis causis suborte sunt et
fuerunt, scilicet in spoliis, captivitatibus, arrestationibus, vulneribus et homicidiis, utrobique a festo Annuntiationis dominice, quod
occurrebat sub anno Domini millesimo trecentesimo quadragesimo sexto usque in presentem diem, debent esse sopite penitus et sedate nec unquam
debent in malo per nos et nostros cives et in perpetuum successores ad memoriam revocari, sed nos et nostri successores et heredes et cives
volumus et debemus dictos . . abbates, conventus et conversos in nostra civitate et extra in mari et in terra in rebus et corporibus
favorabiliter et fideliter promovere. Si vero, quod absit, quidam de nostris civibus et mercatoribus ausu temerario contra hanc nostram
laudabilem ordinacionem et compositionem predictos . . abbates, conversos et conventus perturbare presumerent aut gravare, tales debent esse de
nostra civitate exules et proscripti, nisi de hujusmodi perturbatione et gravamine fecerint emendam plenam et satisfactionem debitam et
condignam. Quecunque eciam terre vel persone vel homines cujuscunque condicionis existant hujusmodi pacis turbatores et nostre compositionis
violatores receperint, detinuerint aut foverint, erunt eque rei et pene simili subjacebunt. Hujus autem nostre laudabilis compositionis et
ordinationis placitatores et mediatores sunt honesti et discreti viri dominus Ludwardus, prepositus in Emetha, et Ayldo Haramana de Suderhusem,
necnon honorabiles viri domini Hinricus Hoop, proconsul, et Johannes de Stendal, consul nostre civitatis predicte. In cujus rei testimonium
sigillum nostrum presentibus est appensum. Actum et placitatum in Emetha, anno Domini millesimo trecentesimo quinquagesimo quinto in crastino
beati Laurentii martiris.

x

x

Fonds	Oorkondenboek Groningen en Drenthe
Nr	440
Olim	Naar het origineel in het Stadtarchiv te Hamburg, hoog 21,2, breed 36,3 cm. Vermeld in Hans. Urkb. III S. 149, no. 341 en bij Friedländer, Ostfr. Urkb. I, no. 73 (oub0073).
Jaar	1355
Datumcode	cLauren

x

x

Commentaar	Aan het stuk hangt het zegel der stad Hamburg.

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 440.