De abt van het klooster Bloemkamp verklaart dat de abt en kloosterlingen van Aduard Hamburger kooplieden nimmer vijandig hebben behandeld, hetwelk door de abt van Foswerd wordt bevestigd.

Universis et singulis Christi fidelibus presens scriptum cernentibus frater Meyluphus, Dei gratia abbas Floridi Campi
Cysterciensis ordinis Trajectensis dyocesis, totusque conventus ibidem salutem et subscriptis fidem plenariam adhibere.
Ad notitiam omnium ac singulorum cupimus pervenire, quod religiosi viri, abbas et conventus de sancto Bernardo in Adwerth civibus, mercatoribus
seu negociatoribus civitatis Hamborgensis nunquam aliqua dampna, gravamina vel spolia intulerunt sed ipsos, ubicunque et quacunque poterant,
fideliter promoverunt, nec dicti religiosi homines de Westergine, qui dictos mercatores Hamborgenses in rebus quibusdam et navibus spoliarunt,
ad satisfaciendum eisdem per jurisdictionem ecclesiasticam seu potentiam secularem propter locorum distantiam et varia gwerrarum pericula
cohercere poterunt quovismodo. Quod cedula presenti tamquam publico instrumento ac sigilli nostri appensione publice protestamur. Datum in
Florido Campo anno Domini MCCCXLVIII ipso die Purificationis beate Marie virginis gloriose. Et nos frater Hessellinus, dictus abbas monasterii
sancti Johannis Baptiste in Bethania ordinis sancti Benedicti, premissis omnibus et singulis per sigilli nostri appensionem fidele testimonium
perhibemus.

x

x

Fonds	Oorkondenboek Groningen en Drenthe
Nr	405
Olim	Naar het origineel in het rijksarchief te Groningen (Reg. 1348, no. 3), hoog 11,5, breed 24 cm. Ook gedrukt bij Driessen, blz. 186.
Jaar	1347
Datumcode	PurMar

x

x

x

Commentaar	Het zegel van het klooster Bloemkamp is verloren, dat van het klooster Foswerd bewaard.

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 405.