Paus Clemens draagt aan de abt van het klooster Schola Dei op om het geschil tussen het klooster te Rottum en de persona personatus van Groningen over de parochiekerk te Kropswolde te beslechten.

Dilecto filio . . abbati monasterii in Scola Dei Bremensis diocesis salutem. Pro parte dilectorum filiorum . . abbatis et conventus monasterii
in Bocchum ordinis sancti Benedicti Monasteriensis diocesis nobis extitit intimatum, quod licet parrochialis ecclesia in Crepeswald
Trajectensis diocesis, quam a tempore fundacionis ipsius in usus proprios canonice habuerunt, consueverit a dicto tempore ex concessione
diocesani loci per monachos dicti monasterii gubernari, tamen quondam . . abbas dicti monasterii, immediatus . . abbatis, qui nunc est,
predecessor, tanquam simplex et juris ignarus totum jus, quod dictum monasterium in ipsa parrochiali ecclesia habebat eciam sine sui conventus
assensu in manus . . persone parrochialis ecclesie in Groninghen dicte Trajectensis diocesis, in cujus personatu dicta parrochialis ecclesia in
Crepeswald fore dicitur constituta, cessit et resignavit de facto in grave ipsius monasterii prejudicium atque dampnum. Cujus resignationis
pretextu dictus persona quendam presbyterum per dictum abbatem dicti monasterii, qui nunc est, ad regimen dicte parrochialis ecclesie deputatum
super ipsa parrochiali ecclesia multipliciter impedit et molestat. Quocirca discretioni tue per apostolica scripta mandamus, quatinus partibus
convocatis simpliciter, de plano, sine strepitu et figura judicii facias super premissis eisdem partibus justicie complimentum . . . Datum
Avinione II Kalendas Septembris anno quarto.

x

x

Fonds	Oorkondenboek Groningen en Drenthe
Nr	383
Olim	Naar Brom, Bullarium Trajectense, I, no. 1146.
Jaar	1345
Datumcode	2KalSep

x

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 383.