| Nummer:ogd0181 | Datum:29 juli 1290 | Overlevering:Editie | Vindplaats:Oorkondenboek Groningen en Drenthe, nr. 181 |
Keizer Rudolf schenkt aan graaf Reinald van Gelre dat gedeelte van Friesland, hetwelk niet aan de graaf van Holland behoort.
Rudolphus, Dei gratia Romanorum rex semper augustus, universis et singulis sacri Romani imperii fidelibus gratiam suam et omne bonum.
Attendentes virtutum beneficia, meritorum insignia, constantis fidei suffragia, quibus spectabilis vir Reinaldus comes Gelriae, fidelis noster
dilectus erga nos et sacrum Romanum imperium dignoscitur relucere, gerentes confidentiae plenitudinem de eo dicto, nobili Reinaldo comiti
Gelriae totam Frisiam, quae dicitur vulgariter Oost-Vrieslant, et omnem aliam Frisiam, ad nos et imperium spectantem, excepta duntaxat illa
parte ad nobilem virum comitem de Hollandia pertinente, de nostrorum procerum consilio duximus committendam, dantes eidem plenariam per se et
per suos de delictis cognoscendi et puniendi, judicandi, sententiandi, in facinorosos homines animadvertendi, poenas imponendi, jura nostra et
imperii recuperandi, ampliandi, collectas seu precarias cum sibi expedire videbitur faciendi, in ipsa Frisia officiates judices pro se
constituendi, jura condendi, ea observare faciendi, et omnia ac singula faciendi, ordinandi, disponendi, tractandi, quae facere, ordinare,
disponere et tractare possemus, si essemus ibidem personaliter constituti, potestatem. Ita quod de justis reditibus, de justo judicio
provenientibus nobis vel nostris in imperio successoribus legitimam tenebitur computationis reddere rationem. Porro Frisia praedicta, quam dicto
Gelro comiti duximus committendam, per nos vel nostros successores non debet ullatenus avocari, nisi prius de expensis et impensis, quas in
recuperatione et attractione nec non reformatione ipsius Frisiae pro se et suis duxerit faciendas et exponendas, sibi vel suis haeredibus per
nos vel successores nostros penitus refusis, praehabita computationis legitima ratione. Donis vero, liberalitatibus, exeniis, concessionibus,
reditibus seu proventibus seu quibuscunque curialitatibus sibi factis vel faciendis ratione administrationis ipsius Frisiae, quae fiunt comiti
praedicto per Frisiam praedictam per dictum comitem aut ejus haeredes nobis vel nostris successoribus nullatenus computandis. Sane si dictum
comitem in Frisia praedicta aliquas terras seu possessiones contigerit comparare, ad imperium tamen non spectantes, illas pacifice a nobis et ab
imperio titulo foedi possidebit. Caeterum in dicti comitis laborum et sollicitudinum recompensam quatuor millia marcarum argenti puri et
examinati dignum duximus eidem comiti largiunda. Et si nos vel successores nostros dictam terram Frisiae a dicto comite contigerit advocare,
priusquam terram restituat, dicta quatuor millia marcarum, per nos vel successores debent eidem comiti assignari et integraliter solvi. Testes
autem hujus commissionis fuerunt infra cognominati, venerabilis Rodolphus, archiepiscopus Saltzburgensis, illustris Albertus, dux Saxoniae,
nobilis Fredericus, burgravius de Nurenburch, Everardus, comes de Catzenellebogen, comes Albertus de Hohenberch, Ulricus de Hannouve, Gerlacus
de Bruberch, magister Henricus de Chlingenberch, aulae nostrae protonotarius, et quamplures alii nobiles et potentes. In praemissorum omnium
testimonium et robur praesens scriptum conscribi et majestatis nostrae sigillo jussimus communiri. Datum Erphordiae quarto Calendas Augusti,
indictione tertia, anno Domini millesimo ducentesimo nonagesimo, regni vero nostri anno septimo decimo.
Attendentes virtutum beneficia, meritorum insignia, constantis fidei suffragia, quibus spectabilis vir Reinaldus comes Gelriae, fidelis noster
dilectus erga nos et sacrum Romanum imperium dignoscitur relucere, gerentes confidentiae plenitudinem de eo dicto, nobili Reinaldo comiti
Gelriae totam Frisiam, quae dicitur vulgariter Oost-Vrieslant, et omnem aliam Frisiam, ad nos et imperium spectantem, excepta duntaxat illa
parte ad nobilem virum comitem de Hollandia pertinente, de nostrorum procerum consilio duximus committendam, dantes eidem plenariam per se et
per suos de delictis cognoscendi et puniendi, judicandi, sententiandi, in facinorosos homines animadvertendi, poenas imponendi, jura nostra et
imperii recuperandi, ampliandi, collectas seu precarias cum sibi expedire videbitur faciendi, in ipsa Frisia officiates judices pro se
constituendi, jura condendi, ea observare faciendi, et omnia ac singula faciendi, ordinandi, disponendi, tractandi, quae facere, ordinare,
disponere et tractare possemus, si essemus ibidem personaliter constituti, potestatem. Ita quod de justis reditibus, de justo judicio
provenientibus nobis vel nostris in imperio successoribus legitimam tenebitur computationis reddere rationem. Porro Frisia praedicta, quam dicto
Gelro comiti duximus committendam, per nos vel nostros successores non debet ullatenus avocari, nisi prius de expensis et impensis, quas in
recuperatione et attractione nec non reformatione ipsius Frisiae pro se et suis duxerit faciendas et exponendas, sibi vel suis haeredibus per
nos vel successores nostros penitus refusis, praehabita computationis legitima ratione. Donis vero, liberalitatibus, exeniis, concessionibus,
reditibus seu proventibus seu quibuscunque curialitatibus sibi factis vel faciendis ratione administrationis ipsius Frisiae, quae fiunt comiti
praedicto per Frisiam praedictam per dictum comitem aut ejus haeredes nobis vel nostris successoribus nullatenus computandis. Sane si dictum
comitem in Frisia praedicta aliquas terras seu possessiones contigerit comparare, ad imperium tamen non spectantes, illas pacifice a nobis et ab
imperio titulo foedi possidebit. Caeterum in dicti comitis laborum et sollicitudinum recompensam quatuor millia marcarum argenti puri et
examinati dignum duximus eidem comiti largiunda. Et si nos vel successores nostros dictam terram Frisiae a dicto comite contigerit advocare,
priusquam terram restituat, dicta quatuor millia marcarum, per nos vel successores debent eidem comiti assignari et integraliter solvi. Testes
autem hujus commissionis fuerunt infra cognominati, venerabilis Rodolphus, archiepiscopus Saltzburgensis, illustris Albertus, dux Saxoniae,
nobilis Fredericus, burgravius de Nurenburch, Everardus, comes de Catzenellebogen, comes Albertus de Hohenberch, Ulricus de Hannouve, Gerlacus
de Bruberch, magister Henricus de Chlingenberch, aulae nostrae protonotarius, et quamplures alii nobiles et potentes. In praemissorum omnium
testimonium et robur praesens scriptum conscribi et majestatis nostrae sigillo jussimus communiri. Datum Erphordiae quarto Calendas Augusti,
indictione tertia, anno Domini millesimo ducentesimo nonagesimo, regni vero nostri anno septimo decimo.
x
| Fonds | Oorkondenboek Groningen en Drenthe |
|---|---|
| Nr | 181 |
| Olim | Naar een afschrift uit het midden der 15de eeuw in 'Dat alste Register' (A), fol. 1v, in het rijksarchief te Arnhem (Archief voormalige Rekenkamer van Gelderland, Leenzaken, no. 4). Ook in het Register L of B aldaar, uit denzelfden tijd, fol. 1. Ook gedrukt bij Pontanus, Historiae Gelricae, p. 171; van Mieris, Chartb., I, blz. 507; Schwartzenberg, Chartb. I, blz. 123; vermeld bij Nijhoff, Gedenkw. van Geld., I, no. 27. |
| Jaar | 1290 |
| Datumcode | 4KalAug |